ဖလော်ရီဒါရှိ ဗလီမီးရှို့သူကို အမေရိကန်က ထောင် နှစ် ၃၀ ချ

ဖေဖော်ဝါရီ ၈၊ ၂၀၁၇
M-Media

မီးရှို့ခံခဲ့ရသည့် ဗလီဝတ်ကျောင်းတော်

– အမေရိကန်ပြည်ထောင်စု ဖလော်ရီဒါပြည်နယ် အော်လန်ဒိုမြို့ရှိ ဗလီဝတ်ကျောင်းတော်အား မီးရှို့ခဲ့သူ အမျိုးသားကို အမေရိကန်တရားရုံးက တနင်္လာနေ့တွင် ထောင်ဒဏ် နှစ် ၃၀ ချမှတ်လိုက်သည်ဟု သိရသည်။

အသက် ၃၂ နှစ်အရွယ် ဂျိုးဆက်ပ် ရှရီဘာဆိုသူဖြစ်ပြီး ၂၀၁၆ ခုနှစ် စက်တင်ဘာ ၁၁ ရက်နေ့ ညပိုင်းက Islamic Center of Fort Pierce ဗလီဝတ်ကျောင်းတော်ကို မီးရှို့ခဲ့ခြင်းဖြစ်သည်။

အဆိုပါ ဗလီမှာ အော်လန်ဒိုရှိ လိင်တူချစ်သူ နိုက်ကလပ်တစ်ခုကို ဇွန်လက ၀င်ရောက်ပစ်ခတ်ခဲ့ပြီး လူ ၄၉ ဦး သေဆုံးစေခဲ့သူ သေနတ်သမား အိုမာရ် မာတင် သွားရောက်လေ့ရှိရာ ဗလီလည်းဖြစ်သည်။ မီးလောင်မှုဖြစ်ပွားချိန်တွင် ဗလီဝတ်ကျောင်းတော်ထဲတွင် မည်သူမှ ရှိမနေဘဲ ဂျိုးဆက်ပ်က မီးရှို့မှုမှာ မာတင်နှင့် ဆက်စပ်သောကြောင့် မဟုတ်ဟု ရဲတပ်ဖွဲ့အား ပြောကြားခဲ့သည်။

ဂျိုးဆက်ပ်ကို အခင်းဖြစ်ပွားပြီး ၂ ရက်အကြာတွင်ပင် ဖမ်းဆီးနိုင်ခဲ့ပြီး၊ တစ်ဖက်သား အကျိုးယုတ်စေရန် ရည်ရွယ်သော မီးရှို့မှုဖြင့် တရားစွဲဆိုခြင်းခံခဲ့ရသည်။ အဆိုပါစွဲချက်မှာ ဖလော်ရီဒါပြည်နယ်တွင် အမုန်းရာဇ၀တ်မှုအတွက် အသုံးပြုသော စွဲချက်လည်း ဖြစ်သည်။

တရားစွဲဆိုထားမှုအရ ထောင်ဒဏ် တစ်သက်တစ်ကျွန်းအထိ ချမှတ်နိုင်သော်လည်း တရားသူကြီး စတီဗ် ဂို့စ်နဲလ်က တနင်္လာနေ့တွင် ထောင်ဒဏ် နှစ် ၃၀ ချမှတ်ခဲ့သည်။

“ဘယ်လိုရည်ရွယ်ချက်မျိုးနဲ့ဖြစ်ဖြစ် ၀တ်ပြုရာနေရာကို တစ်ဦးတစ်ယောက်က တိုက်ခိုက်တာဟာ စက်ဆုပ်စရာ ကောင်းပါတယ်” ဟု တရားသူကြီးက ပြောကြားခဲ့သည်။

မီးရှို့ခဲ့သူ ဂျိုးဆက်ပ် ရှရီဘာ

Ref: Reuters