ကြေးနီထုတ်ယူရန် အာဖဂန်ရှိ ရှေးဟောင်း ဗုဒ္ဓမြို့တော်တစ်ခုကို တရုတ်ကုမ္ပဏီများ ဖျက်ဆီးဖွယ်ရှိနေ

ဖေဖော်ဝါရီ ၈၊ ၂၀၁၇
M-Media

Mes Aynak ဗုဒ္ဓမြို့တော်မှ ရုပ်ပွားတော် တစ်ခု

– မြောအောက်တွင်ရှိနေသည့် ကြေးနီများကို ထုတ်ယူရန်အတွက် အာဖဂန်နစ္စတန်ရှိ ရှေးဟောင်းသမိုင်းဝင် ဗုဒ္ဓဘာသာထွန်းကားရာ မြို့တော်တစ်ခုကို တရုတ်ကုမ္ပဏီများက ဖျက်ဆီးရန် စီစဉ်နေသည်ဟု သိရသည်။

မြို့တော်ကဘူးလ်၏ အရှေ့တောင်ဘက် ၂၅ မိုင်အကွာတွင်ရှိသည့် Mes Aynak မြို့ဖြစ်ပြီး လွန်ခဲ့သည့် နှစ်ပေါင်း ၅၀၀၀ ခန့်က ဗုဒ္ဓဘာသာအမွေအနှစ်များ တည်ရှိရာ မြို့လည်းဖြစ်သည်။

အာဖဂန် သတ္တုတွင်းနှင့် ရေနံထွက်လုပ်ငန်းဝန်ကြီးဌာန၏ အဆိုအရ ထိုမြို့မှာ ကမ္ဘာ့ ဒုတိယအကြီးဆုံး ကြေးနီထွက်ရာ ဒေသဖြစ်သည်ဟု ဆိုသည်။

၂၀၀၇ ခုနှစ် သမ္မတ ဟာမစ်ကာဇိုင်းလက်ထက်တွင် တရုတ်ကုမ္ပဏီတစ်ခုဖြစ်သော MCC ကို အဆိုပါ မြို့ရှိ ကြေးနီးများ နှစ် ၃၀ ထုတ်ယူရန်အတွက် ကန်ဒေါ်လာ ၃ ဘီလီယံနှင့် သဘောတူစာချုပ် ချုပ်ဆိုခဲ့ပြီး၊ MCC နှင့် အခြားတရုတ်ကုမ္ပဏီတစ်ခုဖြစ်သော Jiangxi Copper တို့မှာ ကန်ဒေါ်လာ သန်း ၁၀၀ ခန့် တန်ဖိုးရှိမည့် ကြေးနီများကို ဗုဒ္ဓမြို့တော်အောက်မှ ထုတ်ယူရန် စီစဉ်နေသည်။

ရှေးဟောင်းသုတေသန ပညာရှင်များကမူ အဆိုပါ Mes Aynak မြို့အား ကာကွယ်ရန် ကြိုးစားနေပြီး “Saving Mes Aynak” ဟု အမည်ပေးထားသည့် မှတ်တမ်းရုပ်ရှင်ဖြင့် ထိုအန္တရာယ်ကို ကမ္ဘာသိအောင် ချပြခဲ့သည်။

“သူတို့ ခွင့်ပြုလိုက်တဲ့အတွက် စိတ်မကောင်း ဖြစ်ရပါတယ်။ ကမ္ဘာ့ဘဏ်ဟာ အာဖဂန်အစိုးရနဲ့ ပူးပေါင်းပြီး ဒီသမိုင်းဝင်နေရာကို ဘေးလွတ်ရာရွှေ့ဖို့ လုပ်နေတယ်။ ဒါပေမယ့် ဒီလိုလုပ်ရပ်ကိုက ရှေးဟောင်းသုတေသနဆိုင်ရာ နိုင်ငံတကာစံနှုန်းတွေ၊ ဥပဒေတွေကို ချိုးဖောက်နေတာပါပဲ” ဟု အကျိုးအမြတ်မယူသော Integrity Watch Afghanistan အဖွဲ့မှ အဖွဲ့ဝင်ဟောင်း ဂျာဗဒ် နူရာနီက ပြောကြားခဲ့သည်။

လက်ရှိတွင် အဆိုပါ ဗုဒ္ဓမြို့မှ ရှေးဟောင်းလက်ရာပေါင်း ၂၃၀၀ ခန့်ကို အာဖဂန်အမျိုးသားပြတိုက်သို့ ရွှေ့ပြောင်းထားပြီး ဖြစ်သည်ဟု သတ္တုတွင်းဝန်ကြီးဌာနမှ ပြောရေးဆိုခွင့်ရှိသူ ဆာဝါရီက ပြောကြားခဲ့သည်။

မှတ်တမ်းရုပ်ရှင်အရ ထိုဒေသတွင် နေထိုင်သူ အနည်းဆုံ တစ်ဒါဇင်ခန့်ကိုလည်း တစ်ခြားနေရာသစ်သို့ ရွှေ့ပြောင်းခဲ့ပြီး ထိုကဲ့သို့ ကြေးနီတူးဖော်ရေးအစီအစဉ်မှာ အာဖဂန်နစ္စတန်၏ သဘာဝပတ်ဝန်းကျင်နှင့် လူမှုအကျိုးသက်ရောက်မှု သုံးသပ်မှု စံနှုန်းကို ပေါ်ပေါ်တင်တင် ချိုးဖောက်ခြင်းဖြစ်ကြောင်း နူရာနီက ထည့်သွင်း ပြောဆိုခဲ့သည်။

MCC မှ ဒုတိယဥက္ကဌဖြစ်သူ လျှိုကျန်းယီက ထိုဒေသရှိ ရွာသားများကို ကြိုတင်အကြောင်းကြားထားပြီးဖြစ်ကြောင်း၊ မိမိတို့အနေဖြင့် အာဖဂန်ကုမ္ပဏီများနှင့် အာဖဂန်ပြည်သူများအတွက် အလုပ်အကိုင် ဖန်တီးပေးနေခြင်းဖြစ်ကြောင်း ပြောကြားခဲ့သည်။

Mes Aynak ဗုဒ္ဓမြို့တော်မှာ အာဖဂန်အစိုးရအနေဖြင့် ယူနက်စကိုသို့ လျှောက်ထားခြင်းပြုပါက ကမ္ဘာ့သမိုင်းဝင် အမွေအနှစ်နယ်မြေအဖြစ် သတ်မှတ်ခံရမည့် အနေအထားအထိ ရှိနေသည်ဟု ယူနက်စကိုမှ အကြံပေး တင်မ်ဝီလီယံက ပြောကြားခဲ့သည်။

“ဒါဒီနေရာဟာ အံ့သြလောက်ဖွယ် မပျက်မယွင်းတည်ရှိမှုနဲ့အတူ အင်မတန်ထူးခြားပြီး နက်နဲလှတဲ့ ရှေးဟောင်းသမိုင်းဝင်နေရာတစ်ခုပါ” ဟု ၀ီလီယံက ဆိုသည်။

Ref : CNBC