မလေးရှားရှိ ဟိန္ဒူဘုရားပွဲတွင် လူ ၁ သန်းခွဲ လာရောက်မည်ဟု ခန့်မှန်းထား

ဖေဖော်ဝါရီ ၈၊ ၂၀၁၇
M-Media

မလေးရှားရှိ နာမည်ကျော် Batu Caves ဘုရားကျောင်း

– ဖေဖော်ဝါရီ ၉ ရက်နေ့တွင် ကျရောက်မည့် ဟိန္ဒူနှင့် တမီလ်လူမျိုများ၏ Thaipusam ပွဲတော်အတွက် မလေးရှားရှိ နာမည်ကျော် Batu Cave ဟိန္ဒူဘုရားကျောင်းသို့ ခရီးသွားဧည်သည့်ပေါင်း ၁.၅ သန်း လာရောက်လည်ပတ်မည်ဟု ခန့်မှန်းထားသည်။

အဆိုပါ ပွဲတော်မှာ လူမျိုးစုံဘာသာစုံရှိသော မလေးရှားတွင် ဟိန္ဒူအယူဝါဒနှင့် တမီလ်ယဉ်ကျေးမှုကို ဖော်ကျူးသည် အကြီးအကျယ်ဆုံးနှင့် စိတ်လှုပ်ရှားဖွယ်အကောင်းဆုံး ပွဲတော်ဖြစ်ပြီး နတ်ဘုရားအား လှည့်လည်ခြင်း၊ ဘာသာဝင်များက ဟိန္ဒူဘုရားတစ်ပါးဖြစ်သော မူရူဂန်ဘုရားထံတွင် အာပတ်ဖြေခြင်း၊ ဆုတောင်းခြင်းတို့ကို ပြုလုပ်ကြသည်။

“မူရူဂန်ဘုရားရှင်ထံကနေ ကောင်းချီးတွေ ရရှိဖို့အတွက် နှစ်တိုင်း ကျွန်တော် ဒီကိုလာပါတယ်။ နှစ်တိုင်းလည်း ကျွန်တော့်လုပ်ငန်းတွေ အောင်မြင်အောင် သူက လုပ်ပေးပါတယ်” ဟု ဟိန္ဒူဘာသာဝင်တစ်ဦးက ပြောကြားခဲ့သည်။

ဆီလန်ဂေါပြည်နယ် ဂွမ်ဘက်မြို့တွင်ရှိသည့် အဆိုပါ Batu Cave ဘုရားကျောင်းမှာ အိန္ဒိယနိုင်ငံ အပြင်ဘက်တွင် ဟိန္ဒူများ အထွဋ်အမြတ်ထားရာ နေရာများမှ အကျော်ကြားဆုံး ဘုရားကျောင်းဖြစ်ပြီး Thaipusam ပွဲတော်အတွက် အချက်အခြာနေရာလည်းဖြစ်သည်။

ယခုနှစ် Thaipusam ပွဲတော်အတွက် အဆိုပါ ဘုရားကျောင်းတစ်ဝိုက်တွင် မလေးရဲတပ်ဖွဲ့က လုံခြုံရေးအင်အား ၂၀၀၀ ခန့် ချပေးထားပြီး ဘုရားဖူးပြည်သူများ အန္တရာယ်ကင်းစေရန် ဆောင်ရွက်ထားသည်။

Ref: CNA