ဂူးဂဲလ်၏ Coding ပြိုင်ပွဲတွင် အာဖရိကလူငယ်တစ်ဦး သမိုင်းသစ်ရေးထိုး

ဖေဖော်ဝါရီ ၁၁၊ ၂၀၁၇
M-Media

– ဂူးဂဲလ်ရုံးနဲ့ မိုင်ပေါင်း ၂၃၀ အကွာအဝေးမှာရှိတဲ့ ကင်မရွန်းနိုင်ငံက အသက် ၁၇ နှစ်အရွယ် လူငယ်လေးဟာ Google က ကျင်းပတဲ့ Coding ပြိုင်ပွဲမှာ ဆုရခဲ့ပြီး အာဖရိကသမိုင်းမှာ မှတ်တိုင်သစ် စိုက်ထူးနိုင်ခဲ့ပါတယ်။

နီဂျီ ကိုလင် ဂျီဘဟ်လို့ခေါ်တဲ့ အဲဒီလူငယ်လေးဟာ သူ့ရဲ့ ဇာတိမြို့မှာ ကင်မရွန်းအစိုးရက အင်တာနက် ဖြတ်တောက်ထားတာကြောင့် မြို့တော် ယာအွန်ဒီက ၀မ်းကွဲအစ်ကိုဖြစ်သူရဲ့ အိမ်အပြင်ကနေ ပြိုင်ပွဲအတွက် လိုအပ်တာတွေကို လေ့လာသင်ယူခဲ့တာ ဖြစ်ပါတယ်။

Google က နှစ်စဉ်ကျင်းပပြုလုပ်တဲ့ နာမည်ကြီး ဒီ Google Code-in ပြိုင်ပွဲဟာ ကမ္ဘာတစ်ဝှမ်းက အသက် ၁၃ နှစ်ကနေ ၁၇ နှစ်အရွယ် နည်းပညာစိတ်ဝင်စားတဲ့ လူငယ်တွေအတွက် အဓိက ရည်ရွယ်ပြုလုပ်တာဖြစ်ပြီး ဒီနှစ်ပြိုင်ပွဲမှာတော့ နိုင်ငံပေါင်း ၆၂ နိုင်ငံက လူပေါင်း ၁၃၀၀ လောက် ၀င်ရောက်ယှဉ်ပြိုင်ခဲ့ကြပါတယ်။

နီဂျီဟာ ၂ နှစ်တာအတွင်းမှာ ပြိုင်ပွဲအတွက် လိုအပ်တဲ့ အသိပညာတွေကို အွန်လိုင်းရင်းမြစ်တွေ၊ စာအုပ်တွေကနေ စုဆောင်း ရှာဖွေ သိုမှီးခဲ့ရတာပါ။ နိုဝင်ဘာကနေ ဇန်န၀ါရီလ အလယ်ပိုင်းအထိ ယှဉ်ပြိုင်ခဲ့ရတာဖြစ်ပြီး Google က သတ်မှတ်ထားတဲ့ ကဏ္ဍ ၅ ခုမှာ နီဂျီဟာ စမ်းသပ်မှုပေါင်း ၂၀ ကို ကျော်ဖြတ်နိုင်ခဲ့ပါတယ်။ စမ်းသပ်မှုတစ်ခုဆိုရင် တစ်ပတ်လောက်ကို ကြာမြင့်ခဲ့ပါတယ်။

ကင်မရွန်းနိုင်ငံ အနောက်မြောက်ပိုင်းက ဘာမန်ဒါဆိုတဲ့ မြို့လေးမှာနေတဲ့ နီဂျီဟာ ပြိုင်ပွဲအတွက် နောက်ဆုံး စမ်းသပ်မှုကို တင်သွင်းရမယ့်အချိန်မှာ အစိုးရက သူတို့မြို့ကို အင်တာနက် ဖြတ်တောက်လိုက်တာကြောင့် အခက်တွေ့ခဲ့ရပါတယ်။

ကင်မရွန်းနိုင်ငံမှာ အင်္ဂလိပ်စကားပြောသူတွေနဲ့ ပြင်သစ်စကားပြောသူတွေဆိုပြီး အုပ်စုနှစ်ခုရှိကာ အင်္ဂလိပ်ကစားပြောဆိုသူတွေဟာ ခွဲခြားဆက်ဆံမှုကို ခံရလေ့ရှိပါတယ်။

ပြီးခဲ့တဲ့ လတွေမှာ ဒီပြဿနာကြောင့် အင်္ဂလိပ်စကားပြောတဲ့ ကင်မရွန်းပြည်သူတွေဟာ လမ်းပေါ်ထွက် ဆန္ဒပြတဲ့အထိ ဖြစ်ခဲ့ပြီး၊ အစိုးရက ဖမ်းဆီးခဲ့ကာ၊ နှစ်ရှည်ထောင်ဒဏ်ချမယ်ဆိုတဲ့ ခြိမ်းခြောက်မှုတွေလည် ပြုလုပ်ခဲ့ပါတယ်။ နောက်ပြီး အင်္ဂလိပ်စကားပြောတဲ့သူတွေ နေထိုင်တဲ့ ဒေသတွေမှာ အင်တာနက် ဖြတ်တောက်ခဲ့တာကြောင့် နီဂျီလေးကိုလည်း သက်ရောက်ခဲ့တာပါ။

အဲဒီလို အခက်အခဲဖြစ်နေတဲ့အချိန်မှာ ဂူးဂဲလ်ရဲ့ အထူးဆု ၃၄ ယောက်စာရင်းမှာ နီဂျီပါဝင်ကြောင်းသတင်းကို ကြားခဲ့ရပါတယ်။

“ကျွန်တော် အရမ်း၊ အရမ်း အံ့အားသင့်သွားတာဗျ။ Code တွေအများကြီး ရေးသားကာ ကျွန်တော့်ရဲ့ ကြိုးစားအားထုတ်မှုတွေဟာ အရာထင်လာတာပါ” လို့ သူက ဖွင့်ဟခဲ့ပါတယ်။

ဒါပေမယ့် အင်တာနက်မရှိတာကြောင့် ပြိုင်ပွဲရဲ့ နောက်ဆုံးအဆင့်ကို ဆက်လက်ယှဉ်ပြိုင်နိုင်ဖို့အတွက် မြို့တော် ယာအွန်ဒီကို ထွက်ခွာခဲ့ရပါတယ်။

“ဆက်လက်လေ့လာနိုင်ဖို့၊ Google နဲ့ အဆက်အသွယ်ရှိဖို့ ကျွန်တော် အင်တာနက်လိုင်းကို လိုအပ်ခဲ့ပါတယ်”

လက်ရှိအချိန်မှတော့ နီဂျီဟာ ကျောင်းပြီးအောင် ဆက်တက်ချင်နေပြီး တက္ကသိုလ်ကောင်းကောင်းတစ်ခုမှာ ကွန်ပျူတာ သိပ္ပံပညာရပ်ကို လေ့လာလိုနေပါတယ်။

Google ရဲ့ အထူးဆုကို ရရှိထားတာကြောင့် အခုနှစ် ဇွန်လအတွင်းမှာ ‘ဆီလီကွန်တောင်ကြား’ က ဂူးဂဲလ်ရဲ့ ရုံးချုပ်မှာ နီဂျီဟာ ၄ ရက်တာ သွားရောက်လည်ပတ်ခွင့် ရမှာဖြစ်ပြီး၊ အဲဒီက ထိပ်တန်း အင်ဂျင်နီယာတွေနဲ့ တွေ့ဆုံရမှာ ဖြစ်ပါတယ်။

“တစ်နေ့ကျရင် အဲဒီမှာ အလုပ်လုပ်ဖို့ မျှော်လင့်ပါတယ်။ ဖြစ်နိုင်ရင်ပေါ့လေ” လို့ နီဂျီက အနာဂတ်အစီအစဉ်ကို ဖွင့်ဟခဲ့ပါတယ်။

နီဂျီ လက်ရှိ အလေးထား လေ့လာနေတာတွေက အသိဉာဏ်တု၊ အာရုံကြောတွေလို အလုပ်လုပ်နိုင်မယ့် ကွန်ယက်တွေ၊ အချက်အလက်ချုံ့မှုနည်းလမ်းအသစ်တွေ ဖြစ်ပါတယ်။ အဓိကရည်ရွယ်ချက်ကတော့ အချက်အလက် ပို့ဆောင်မှုနဲ့ သိုလှောင်မှုမှာ ကြီးကြီးမားမား အရှေ့ရောက်နိုင်ဖို့ ဖြစ်တယ်လို့ နီဂျီက ဖွင့်ဟခဲ့ပါတယ်။

နီဂျီဟာ ဂူးဂဲလ်ရဲ့ Google Code-in ပြိုင်ပွဲမှာ ဆုရတဲ့ ပထမဆုံး အာဖရိကသားလည်းဖြစ်ပါတယ်။ သူကတော့ ဆုကြေငြာချက်ကို သေချာအောင် ၂ ကြိမ်လောက် ကြည့်ခဲ့ရပြီး မိသားစုနဲ့ သူငယ်ချင်းမိတ်ဆွေတွေရဲ့ ချီးမွမ်းမှုကို ရရှိတယ်လို့ ဆိုပါတယ်။

ကင်မရွန်းအစိုးရက ဆက်သွယ်လားဆိုတဲ့ အမေးကိုတော့ “မဆက်သွယ်ပါဘူး။ တစ်ယောက်မှကို မဆက်သွယ်ပါဘူး” လို့ ပြန်လည်ဖြေကြားခဲ့ပါတယ်။

Ref: BBC