ပါကစ္စတန်တွင် နိုင်ငံပေါင်းစုံ ရေတပ်စစ်ရေးလေ့ကျင့်မှု ပြုလုပ်

ဖေဖော်ဝါရီ ၁၂၊ ၂၀၁၇
M-Media

– နိုင်ငံပေါင်း ၃၇ နိုင်ငံပါဝင်သည့် အကြီးစား ရေတပ်စစ်ရေးလေ့ကျင့်မှုတစ်ခုကို ပါကစ္စတန်နိုင်ငံတွင် ဖေဖော်ဝါရီ ၁၀ ရက်နေ့က စတင်ခဲ့သည်ဟု သိရသည်။

၂ နှစ်တစ်ကြိမ် ပုံမှန် ကျင်းပလေ့ရှိသည့် အဆိုပါ စစ်ရေးလ့ကျင့်မှုကို AMAN 2017 ဟု အမည်ပေးထားပြီး သြစတေးလျ၊ တရုတ်၊ အင်ဒိုနီးရှား၊ တူရကီ၊ သီရိလင်္ကာ၊ ယူကေ၊ အမေရိကန်၊ ဂျပန်နှင့် ရုရှားနိုင်ငံတို့လည်း ပါဝင်ကာ ပင်လယ်တွင်း ပင်လယ်ဓားပြ တိုက်ဖျက်ရေး၊ အကြမ်းဖက်တိုက်ဖျက်ရေးကို အာရုံစိုက်သော စစ်ဆင်ရေးဖြစ်သည်။

ပါကစ္စတန်စစ်တပ်၏ ပြန်ကြားရေးဌာန ISPR က ယခု စစ်ရေးလေ့ကျင့်မှုမှာ ပုံမှန်ခြိမ်းခြောက်မှုများ၊ ပုံမှန်မဟုတ်သော ခြိမ်းခြောက်မှုများအား တိုက်ဖျက်နိုင်ရေး လုပ်ငန်းစဉ်များနှင့် နည်းလမ်းများကို ဖော်ထုတ်ရေးဖြစ်ကြောင်း ပြောကြားခဲ့သည်။

စစ်ဆင်ရေးတွင် အဆင့် ၂ ဆင့် ပါဝင်မည်ဖြစ်ကာ ဆိပ်ကမ်းတွင်ပြုလုပ်မည့်အဆင့်၌ သင်္ဘောများသို့ လည်ပတ်ခြင်း၊ အားကစားပွဲများ၊ သုတေသနစာတမ်းများနှင့် အခြားသော အကြောင်းအရာများကို တင်ပြဆွေးနွေးမည့် လုံခြုံရေးဆိုင်ရာ ညီလာခံများ စသည်တို့ကို ကျင်းပသွားမည်ဖြစ်သည်။

ဒုတိယအဆင့်တွင်မူ စစ်သင်္ဘောများ၊ လေယာဉ်များ၊ ရဟတ်ယာဉ်များ၊ အထူးတပ်ဖွဲ့ဝင်များဖြင့် တိုက်ခိုက်ရေး လေ့ကျင့်ခန်းများ ဆောင်ရွက်မည်ဖြစ်သည်။

၂၀၀၇ ခုနှစ်က စတင်ခဲ့သည့် အဆိုပါ နိုင်ငံပေါင်းစုံ စစ်ရေးလေ့ကျင့်မှုမှာ ယခုအကြိမ်သည် ၅ ကြိမ်မြောက်ဖြစ်ပြီး ရုရှားနှင့် တူရကီတို့မှာ ပထမဆုံးပါဝင်လာခြင်းဖြစ်သည်။

Ref: The Diplomat