ကမ္ဘာ့စံချိန်ချိုးမယ့် ဆော်ဒီက ပျားလူသား

ဖေဖော်ဝါရီ ၁၂၊ ၂၀၁၇
M-Media

– ဆော်ဒီနိုင်ငံက အမျိုးသားတစ်ယောက်ဟာ ဦးခေါင်း၊ မုတ်ဆိတ်နဲ့ ပါးသိုင်းမွှေးတွေမှာ ပျားတွေမွေးမြူပြီး ကမ္ဘာ့ စံချိန်တင်ဖို့ ကြိုးစားနေပါတယ်။

ဇူဟီရန် ဖတ္တာနီဆိုသူဖြစ်ပြီး လွန်ခဲ့တဲ့ နှစ်ပေါင်း ၃၀ လောက်ကတည်းက ပျားမွေးမြူရေးလုပ်ငန်းကို စတင်လုပ်ဆောင်ခဲ့တာပါ။ သူဟာ အခြားပြားတွေကို စွဲဆောင်ဖို့အတွက် ပျားဘုရင်မတစ်ဦးကို သူ့ရဲ့ မုတ်ဆိတ်မှာ ထားခဲ့တာ ဖြစ်ပါတယ်။

သူ့ရဲ့ ဦးခေါင်းနဲ့ မုတ်ဆိတ်တွေမှာ ပျားအကောင်ပေါင်း ၂ သောင်းလောက် ရှိနေကြပြီး၊ ဒီအခြေအနေကို ရိုက်ကူးထားတဲ့ ဓာတ်ပုံ ၂ ပုံ အခုရက်ပိုင်းအတွင်း ထွက်လာပြီးတဲ့နောက် လူတွေရဲ့ စိတ်ဝင်စားမှုကို ရရှိခဲ့ပါတယ်။ သူကတော့ ပျားမွေးသူတွေဟာ ပျားတုပ်မှုကို ခံနိုင်တဲ့ အရည်အချင်းမျိုး ရှိတယ်လို့ဆိုပြီး၊ သူ့အနေနဲ့ ကမ္ဘာ့စံချိန်သစ်တင်ဖို့ ဆန္ဒရှိနေတယ်လို့ ပြောကြားခဲ့ပါတယ်။

ဖတ္တာနီဟာ ကိုယ်ပိုင် ပျားမွေးမြူရေးခြံ ၃ ခု ရှိနေပြီး ပျားအုံးမျိုးစုံ ၁၂၀၀ လောက်ပါဝင်ကာ အလွယ်တစ်ကူ သယ်သွားလို့ရတဲ့ ပျားခြံတစ်ခုလည်း ပါဝင်ပါတယ်။

Ref: Alarabiya