သမ္မထရမ့်ကို တုန့်ပြန်မည့် Day Without Immigrants လှုပ်ရှားမှု အမေရိကန်တွင် လုပ်မည်

ဖေဖော်ဝါရီ ၁၇၊ ၂၀၁၇
M-Media

– အမေရိကန်တွင် ပြောင်းရွှေ့အခြေချသူများက တိုင်းပြည်၏ စီးပွားရေးနှင့် နေ့စဉ်ဘ၀တွင် မည်မျှအရေးပါသည်ကို ပြသရန်အတွက် Day Without Immigrants (ပြောင်းရွှေ့အခြေချသူမရှိသော နေ့တစ်နေ့) ဆိုသည့် လှုပ်ရှားမှုကို ပြုလုပ်ရန် စီစဉ်နေသည်ဟု သိရသည်။

ဖေဖော်ဝါရီ ၁၆ ရက်နေ့တွင် ပြုလုပ်မည်ဖြစ်ပြီး ဖီလာဒဲလ်ဖီးယား၊ ၀ါရှင်တန်၊ ဘော့စတွန်၊ ချီကာဂိုနှင့် နယူးယောက်မြို့များတွင် ထိုလှုပ်ရှားမှုများကို စီစဉ်သူများမှာ ပြောင်းရွှေ့အခြေချသူများအနေဖြင့် ၎င်း၏ အလုပ်၊ ကျောင်းများသို့ မသွားရန်၊ ဈေဝယ်ထွက်ခြင်း မပြုလုပ်ရန် တိုက်တွန်းနေသည်။

အဆိုပါ လှုပ်ရှားမှုမှာ သမ္မတ ဒေါ်နယ်ထရမ့် အစိုးရက နိုင်ငံအတွင်း တရားမ၀င်နေထိုင်သူများအား နယ်နှင်မည့်ဆိုသည့် ပြောကြားမှု၊ နိုင်ငံအတွင်းသို့ ဒုက္ခသည်များဝင်ရောက်မှုကို ပိတ်ပင်ခြင်း၊ မွတ်စလင် ၇ နိုင်ငံမှ နိုင်ငံသားများကို ဗီဇာပိတ်ခြင်း စသည့် လုပ်ရပ်များကို တုန့်ပြန်ရန်ဖြစ်ကာ ဆိုရှယ်မီဒီယာများတွင် ထောက်ခံအားပေးမှု အများအပြား ရရှိခဲ့သည်။

အချို့သော မြို့များမှ အလုပ်ရှင်များ၊ အသင်းအဖွဲ့များကလည်းက ထိုလှုပ်ရှားမှုတွင် ပါဝင်မည်ဟု ကြေငြာခဲ့ကြသည်။ ပြောင်းရွှေ့အခြေချသူများ၏ အဆိုပါ သပိတ်မှောက်မှုမှာ နိုင်ငံ၏ စီးပွားရေးတွင် ၎င်းတို့က မည်မျှ အရေးပါသည်ကို ကမ္ဘာကြီးအား ပြသရန် ရည်ရွယ်ခြင်းဖြစ်သည်။

အမေရိကန်နိုင်ငံတွင် လိုအပ်သည့် စာရွက်စာတမ်းများမရှိဘဲ နေထိုင်သူများမှာ အနည်းဆုံး ၁၁ သန်းခန့် ရှိနေပြီး၊ Pew Research Centre က ၂၀၁၄ ခုနှစ်တွင် ပြုလုပ်ခဲ့သည့် လေ့လာမှုအရ ဟိုတယ်နှင့် စားသောက်ဆိုင် လုပ်သားများ၏ ၉ ရာခိုင်နှုန်းခန့်မှာ အဆိုပါ အထောက်အထားမရှိသူများဖြစ်သည်ဟု ဆိုသည်။

Ref: Aljazeera