ပါလက်စတိုင်းနိုင်ငံထူထောင်ရေး ထောက်ခံကြောင်း ကုလနှင့် အာရပ်လိဂ်တို့ ပူးတွဲကြေငြာချက် ထုတ်ပြန်

ဖေဖော်ဝါရီ ၁၇၊ ၂၀၁၇
M-Media

– လွတ်လပ်သော ပါလက်စတိုင်းနိုင်ငံ တည်ထောင်မှုကို တောက်ခံကြောင်း ပူးတွဲကြေငြာချက်တစ်စောင်ကို ကုလနှင့် အာရပ်လိဂ်တို့က ယမန်နေ့တွင် ထုတ်ပြန်လိုက်ပြီး၊ အစ္စရေး-ပါလက်စတိုင်း နှစ်နိုင်ငံ ပူးတွဲတည်ရှိရေး အမေရိကန်၏ ကတိက၀တ်အား သမ္မတ ဒေါ်နယ်ထရမ့်က ငြင်းပယ်မှုကို တုန့်ပြန်ုလိုက်ခြင်းလည်း ဖြစ်သည်။

အစ္စရေးဝန်ကြီးချုပ် နေတန်ယာဟုနှင့် ဗုဒ္ဓဟူးနေ့တွင် တွေ့ဆုံခဲ့ပြီးနောက် ထရမ့်က မိမိအနေဖြင့် နှစ်ဖက်သဘောတူပါက နှစ်နိုင်ငံအစား အစ္စရေးတစ်နိုင်ငံတည်း အဖြေအား လက်ခံသည်ဟု ပြောကြားခဲ့သည်။ အမေရိကန်မှာ နှစ်ပေါင်း ၂၀ ကျော်ကြာ နှစ်နိုင်ငံတည်ရှိရေး ကတိက၀တ်ဖြင့် အစ္စရေး-ပါလက်စတိုင်း ငြိမ်းချမ်းရေးကို ကြားဝင်ညှိနှိုင်းပေးခဲ့သူ ဖြစ်သည်။

ကုလအတွင်းရေးမှူးချုပ် အန်တိုနီယို ဂူတာရက်စ်နှင့် အာရပ်လိဂ် အထွေထွေအတွင်းရေးမှူး အဟ်မဒ် အဘူလ်-ဂဟစ်တို့မှာ ယမန်နေ့က ကိုင်ရိုတွင် တွေ့ဆုံခဲ့ပြီး မိမိတို့အနေဖြင့် နှစ်နိုင်ငံတည်ရှိရေးသည်သာ “ပါလက်စတိုင်းများ၏ ပြဿနာကို ဖြေရှင်းရာတွင် ပြည့်ဝပြီး တရားမျှတသည့် တစ်ခုတည်းသောအဖြေ” ဖြစ်မည်ဟု သဘောတူကြောင်း ပြောကြားခဲ့သည်။

ပါလက်စတိုင်းခေါင်းဆောင်များနှင့် နိုင်ငံတကာအသိုင်းအ၀ိုင်းမှာ လွတ်လပ်သော ပါလက်စတိုင်းနိုင်ငံ ထူထောင်ရေးကို ဒေသတွင်း ငြိမ်းချမ်းရေးအတွက် ပိုကောင်းသော နည်းလမ်းအဖြစ် ကာလကြာရှည်စွာ သတ်မှတ်ထားသည်။

အာရပ်လိဂ် အတွင်းရေးမှူးက အမေရိကန်သံရုံအား တလ်အဗီးမှ ဂျေရုစလင်သို့ ပြောင်းရွှေ့မည့် အစီအစဉ်ကို အသေအချာစဉ်းစားရန် သတိပေးခဲ့ပြီး၊ ထိုသို့ဆောင်ရွက်ခြင်းက အရှေ့အလယ်ပိုင်းတွင် ဆိုးရွားသည့် အကျိုးဆက်များ ဖြစ်လာမည်ဟုလည်း သီးခြားပြောကြားခဲ့သည်။

အရှေ့ဂျေရုစလင်မှာ အနာဂတ် ပါလက်စတိုင်းနိုင်ငံ၏ မြို့တော်အဖြစ် နိုင်ငံတကာ အသိုင်းအ၀ိုင်းက အသိအမှတ်ပြုထားပြီး၊ အမေရိကန်သံရုံအား ထိုနေရာသို့ ပြောင်းရွှေ့ခြင်းမှာ နိုင်ငံတကာ ဥပဒေကို ချိုးဖောက်ခြင်းဖြစ်သည်။

Ref: Aljazeera