ပါလက်စတိုင်းအိမ်ယာများကို အစ္စရေးကဖြိုချမှု စံချိန်တင်မြင့်တက်

ဖေဖော်ဝါရီ ၁၈၊ ၂၀၁၇
M-Media

မိမိတို့အိမ်ယာများ ဖျက်ဆီးခံနေရသည်ကို ကြည့်ရှုနေသည့် ပါလက်စတိုင်းကလေးငယ် ၂ ဦး

– အစ္စရေးက ပါလက်စတိုင်းပြည်သူများ၏ အိမ်ယာများ ဖြိုချမှုကို တိုးမြှင့်ပြုလုပ်လာပြီး ၂၀၁၆ ခုနှစ်အတွင်း ဖြိုချခဲ့သည့်ပမာဏမှာ ၁၂ နှစ်အတွင်း အမြင့်ဆုံးဖြစ်ခဲ့သည်ဟု လူ့အခွင့်အရေးအဖွဲ့ B’Tselem က ပြောကြားလိုက်သည်။

ဖြိုဖျက်မှုများကို ၂၀၁၅ ခုနှစ် သြဂုတ်လတွင် အရှိန်မြှင့်ခဲ့ပြီး နှစ်ကုန်ပိုင်းတွင် ရပ်နားခဲ့သော်လည်း ၂၀၁၆ ခုနှစ်တွင် ပြန်လည်စတင်ခဲ့သည်။

B’Tselem က ပြီးခဲ့သည့်နှစ်အတွင်း အရှေ့ဂျေရုစလင်မပါဘဲ ပါလက်စတိုင်းပိုင် အနောက်ဖကမ်းတွင် အစ္စရေးက ဖြိုချဖျက်ဆီးခဲ့သည့် အိမ်ယာအရေအတွက်မှာ ၂၇၄ လုံး ရှိခဲ့ပြီး ကလေးငယ် ၅၉၁ ဦး အပါအ၀င် ပါလက်စတိုင်းပြည်သူ ၁၁၃၄ ဦး အိုးမဲ့အိမ်မဲ့ ဖြစ်ခဲ့သည်ဟု ဆိုသည်။

အရှေ့ဂျေရုစလင်တွင်မူ ၂၀၁၆ ခုနှစ်အတွင်း ပါလက်စတိုင်းတို့၏ အိမ်ယာပေါင်း ၇၃ လုံးကို အစ္စရေး အာဏာပိုင်များက ဖြိုချဖျက်ဆီးခဲ့ပြီး၊ ၁၅ လုံးမှာ အစ္စရေးမြူနီစီပယ်ဌာနက ဖြိုချခိုင်းသောကြောင့် အိမ်ရှင်များကိုယ်တိုင် ဖြိုချခဲ့ရသည်။ ထိုသို့မဖြိုချပါက ပိုင်ရှင်များမှာ ဒဏ်ငွေအများအပြား ရိုက်ခံရခြင်း၊ အစ္စရေး အာဏာပိုင်များ၏ ဖြိုချမှုကို မတာဆီးနိုင်ခြင်း၊ ကုန်ကျစားရိတ်ပေးရခြင်းတို့ ရှိနေသည်။

အရှေ့ဂျေရုစလင်တွင် ပါလက်စတိုင်းတို့၏ အိမ်ယာများ ဖြိုချခံရခြင်းကြောင့် လူပေါင်း ၂၉၅ ဦး အိုးမဲ့အိမ်မဲ့ ဖြစ်ခဲ့ရပြီး ကလေးငယ် ၁၆၀ ပါဝင်ခဲ့သည်။ ထို့ပြင် အစ္စရေးမှာ လူနေအိမ်မဟုတ်သော အဆောက်အဦး ၄၈ လုံးကိုလည်း ဖျက်ဆီးခဲ့သည်။

မြင့်တက်လာသော ပါလက်စတိုင်းလူဦးရေအတွက် လုံလောက်သည့် အဆောက်အဦးများ ဆောက်လုပ်ခွင့်ကို အစ္စရေးအာဏာပိုင်များက ချပေးမှုမရှိဟု B’Tselem က ပြောကြားခဲ့ပြီး ထိုသို့ဆောင်ရွက်မှုများမှာ ပါလက်စတိုင်းပြည်သူများ နေထိုင်၍မရဘဲ၊ ဒေသမှ ထွက်ခွာသွားစေရန် ရည်ရွယ်သည့် အစ္စရေး၏ပေါ်လစီမှ တစ်စိတ်တစ်ပိုင်းဖြစ်သည်ဟုလည်း ဆိုသည်။

အစ္စရေးအာဏာပိုင်များကမူ ထိုပြောကြားချက်များကို ငြင်းဆိုခဲ့ပြီး မိတို့အနေဖြင့် တရားမ၀င်အဆောက်အဦးများကို ဖြိုချခြင်းသာဖြစ်သည်ဟု ပြောကြားခဲ့သည်။

Ref: RT