တရုတ်နိုင်ငံတွင် ခေါက်ဆွဲဈေးများ၍ ပိုင်ရှင်ကို လာစားသူက ခေါင်းဖြတ်သတ်

ဖေဖော်ဝါရီ ၂၁၊ ၂၀၁၇
M-Media

– တရုတ်နိုင်ငံအလယ်ပိုင်း ဟူးဘေးပြည်နယ် ၀ူဟန်မြို့ရှိ စားသောက်ဆိုင်တစ်ခုတွင် ခေါက်ဆွဲဈေးနှုန်းနှင့်ပတ်သက်၍ စကားများရာမှ ဆိုင်ပိုင်ရှင်မှာ ခေါင်းဖြတ်အသတ်ခံခဲ့ရသည်ဟု သိရသည်။

စနေနေ့က ဖြစ်ပွားခဲ့သည့် ထိုအဖြစ်အပျက်တွင် ကျူးလွန်သူမှာ ဆီချွမ်ပြည်နယ်မှ အသက် ၂၂ နှစ်အရွယ် အမျိုးသားဖြစ်သည်။ ၎င်းမှာ စားသောက်ဆိုင်တွင် ခေါက်ဆွဲ ၃ ပွဲ မှာယူပြီးနောက် ငွေရှင်းရာတွင် တစ်ပွဲကို တစ်ယွမ် ဈေးများနေသည်ဟုဆိုကာ စားသောက်ဆိုင်ပိုင်ရှင်နှင့် စကားများခဲ့သည်။

ထို့နောက် လုံးထွေက်သတ်ပုတ်မှုဖြစ်ကာ လာရောက်စားသောက်သူမှာ မီးဖိုချောင်သုံးဓားဖြင့် ဆိုင်ရှင်၏ ခေါင်းအား ဖြတ်ခဲ့ပြီး အနီးရှိ အမှိုက်ပုံးထဲသို့ ခေါင်းကို လွှင့်ပစ်ခဲ့သည်။ ရဲတပ်ဖွဲ့ကမူ အခင်းဖြစ်ပွားခဲ့သည့် ပုံများကို ဆိုရှယ်မီဒီ ယာများတွင် လွှင့်တင်ခြင်းမပြုရန် ပြည်သူများအား မေတ္တာ ရပ်ခံခဲ့သည်။ ကျူးလွန်သူကို နေရာတွင်ပင် ဖမ်းမိခဲ့သည်။

သေဆုံးသွားသည့် ဆိုင်ရှင်မှာ အသက် ၄၂ နှစ်အရွယ်ရှိပြီး ၎င်း၏ သူငယ်ချင်းဖြစ်သူက အဆိုပါဆိုင်ရှင်မှာ လွန်ခဲ့သည့် ၅ နှစ်က အိမ်ထောင်ကွဲခဲ့ပြီး ၁၃ နှစ်အရွယ် သားဖြစ်သူနှင့် နေထိုင်နေကြောင်း၊ ၎င်းမှာ ရိုးသားသူဖြစ်ပြီး စားသုံးသူ များကို မလိမ်တတ်ကြောင်း ပြောကြားခဲ့သည်။

Ref: The Star