ငွေကြေးအလွဲသုံးစားစွဲချက်ဖြင့် ပြင်သစ် လက်ယာစွန်းခေါင်းဆောင်၏ရုံးခန်း ရှာဖွေခံရ

ဖေဖော်ဝါရီ ၂၁၊ ၂၀၁၇
M-Media

– ဥရောပပါလီမန်၏ ရန်ပုံငွေများကို အလွဲသုံးစားလုပ်သည်ဟူသော စွပ်စွဲချက်များကြောင့် ပြင်သစ်ရဲတပ်ဖွဲ့မှာ လက်ယာစွန်းရောက် FN ပါတီ၏ခေါင်းဆောင် မာရင်း လီပန်၏ ရုံးခန်းကို ယမန်နေ့က ၀င်ရောက် စီးနင်းရှာဖွေခဲ့သည်ဟု သိရသည်။

လီပန်မှာ ၂၀၀၄ ခုနှစ်ကတည်းက ဥရောပပါလီမန်၏ အဖွဲ့ဝင်တစ်ဦးဖြစ်ပြီး ဥရောပ ပါလီမန်၏ ရန်ပုံငွေများဖြင့် FN ပါတီဝန်ထမ်းများကို လခပေးသည်ဟု စွပ်စွဲခံထားရသည်။ ဥရောပ ဥပဒေများအရ ပါလီမန်ရန်ပုံငွေမှာ ပါလီမန်အတွင်း အလုပ်များတွင် ကူညီပေးနေသူများအတွက်သာ အသုံးပြုရမည်ဖြစ်သည်။

ပါလီမန်ကမူ ထိုကဲ့သို့ အလွဲသုံးစားပြုမှုမှာ ၂၀၀၁ ခုနှစ် ဇန်န၀ါရီ FN ပါတီ၏ ခေါင်းဆောင်အဖြစ် လီပန် တာဝန်ယူပြီး နောက်ပိုင်း ၂၀၁၁-၁၂ ခုနှစ်အတွင်း ဖြစ်ပွားခဲ့ခြင်းဖြစ်သည်ဟု ဥရောပပါလီမန်က ပြောကြားခဲ့သည်။ ထို့ပြင် ပါလီမန်တွင် အကူအဖြစ် ဆောင်ရွက်ပေးနေသည့် လူအယောက် ၂၀ မှာ ထိုစဉ်က FN အတွက် ဆက်လက် အလုပ်လုပ်ပေးခဲ့သည်ဟုလည်း ဆိုသည်။

ဥရောပ ပါလီမန်ရန်ပုံငွေ အလွဲသုံးစားပြုမှုအတွက် လီပန်၏ရုံးခန်း ယခုကဲ့သို့ ၀င်ရောက် ရှာဖွေခံရမှုမှာ တစ်နှစ်အတွင်း ဒုတိယအကြိမ်မြောက်ဖြစ်ပြီး ပထမအကြိမ်တွင် မည်သည့်အထောက်အထားမှ တွေ့ရှိရခြင်း မရှိပေ။

Ref: Aljazeera