တောင်ကိုရီးယားအမျိုးသမီးများ၏ ပျမ်းမျှသက်တမ်း ၉၀ ကျော်လာတော့မည်

ဖေဖော်ဝါရီ ၂၂၊ ၂၀၁၇
M-Media

– တောင်ကိုရီးယားအမျိုးသမီးများမှာ ကမ္ဘာပေါ်တွင် ပထမဆုံးအဖြစ် ပျမ်းမျှသက်တမ်း ၉၀ ကျော် ဖြစ်လာမည်ဟု ကမ္ဘာ့ ကျန်းမာရေးအဖွဲ့ချုပ် WHO နှင့် လန်ဒန်မြို့ရှိ Imperial ကောလိပ်တို့ ပြုလုပ်ခဲ့သည့် လေ့လာမှုအရ သိရသည်။

စက်မှုနိုင်ငံပေါင်း ၃၅ နိုင်ငံကို လေ့လာခဲ့ခြင်းဖြစ်ပြီး ၂၀၃၀ ပြည့်နှစ်အရောက်တွင် ကမ္ဘာ့လူသားများမှာ ပိုမိုအသက်ရှည်စွာ နေထိုင်ရကာ အမျိုးသားနှင့် အမျိုးသမီးကြား ပျမ်းမျှအသက် ကွာဟမှုကလည်း နိုင်ငံအများစုတွင် နီးကပ်လာမည်ဟု ဆိုသည်။

လေ့လာသူများကမူ ယခုကဲ့သို့ ရှာဖွေတွေ့ရှိမှုက ပင်စင်နှင့် သက်ကြီးရွယ်အိုများ စောင့်ရှောက်မှုအတွက် ကြီးမားသည့် စိန်ခေါ်မှု ဖြစ်သည်ဟုလည်း ပြောကြားခဲ့သည်။

“တောင်ကိုရီယားနိုင်ငံက ကဏ္ဍတော်တော်များများမှာ အဆင်ပြေနေတာတွေ့ပါတယ်။ သာတူညီမျှပိုဖြစ်တဲ့ နိုင်ငံမျိုး ဖြစ်လာပြီး ပြည်သူတွေကို အကျိုးရှိစေတဲ့ ပညာရေး၊ အဟာရ စတာတွေကလည်း လူအများစုကို အကျိုးဖြစ်ထွန်းစေခဲ့ပါတယ်။ အခုအချိန်အထိ သွေးတိုးရောဂါကို ကောင်းမွန်စွာ တုန့်ပြန်ထားနိုင်ပြီး ကမ္ဘာပေါ်မှာ အ၀လွန်မှုအနိမ့်ဆုံး နိုင်ငံ တစ်ချို့ထဲမှာလည်း ပါဝင်နေပါတယ်” ဟု ပရော်ဖက်ဆာ မဂျစ် အီဇာတီက ပြောကြားခဲ့သည်။

လေ့လာမှု အချက်အလက်များအရ တစ်ချိန်က ကမ္ဘာ့အသက်ရှည်ဆုံးနိုင်ငံဖြစ်ခဲ့သည့် ဂျပန်သည် ကမ္ဘာ့အသက်ရှည်မှုအဆင့်တွင် လျော့ကျခဲ့သည်။ အမျိုးသမီးများ ပျမ်းမျှသက်တမ်းရှည်မှုတွင် လက်ရှိ၌ ဂျပန်နိုင်ငံက ဦးဆောင်နေသော်လည်း တောင်ကိုရီးယားနှင့် ပြင်သစ်တို့က ကျော်ဖြတ်သွားမည်ဟု လေ့လာမှုတွင် ဖော်ပြထားသည်။

အမျိုးသားများ၏ ပျမ်းမျှသက်တမ်းတွင်မူ ဂျပန်မှာ အဆင့် ၄ နေရာမှ ၁၁ နေရာသို့ ကျဆင်းသွားသည်။ အမေရိကန်နိုင်ငံကမူ ချမ်းသာသည့်နိုင်ငံများတွင် ပျမ်းမျှသက်တမ်း အနိမ့်ဆုံးစာရင်းတွင် ပါဝင်ခဲ့သည်။

Ref: BBC