ကျန်းမာရေးလှုပ်ရှားမှုတစ်ခုအတွက် အီဂျစ်သို့ မက်ဆီလာရောက်

ဖေဖော်ဝါရီ ၂၂၊ ၂၀၁၇
M-Media

– အသည်းရောင်အသားဝါစီပိုး ကုသရေး အားပေးမြှင့်တင်ရန်အတွက် ဘာစီလိုနာအသင်း၏ အာဂျင်တီးနားတိုက်စစ်မှူး လီယွန်နယ်မက်ဆီမှာ ယမန်နေ့က အီဂျစ်နိုင်ငံသို့ လာရောက်လည်ပတ်ခဲ့သည်ဟု သိရသည်။

အီဂျစ် ခရီးသွားလာရေးဝန်ကြီးဌာန၊ လေကြောင်းဌာနနှင့် Prime Pharma အဖွဲ့တို့ ပူးပေါင်းကာ အီဂျစ်နိုင်ငံ၏ ခရီးသွားလာရေးလုပ်ငန်းတွင် စီပိုးကုသမှု မြှင့်တင်ရေး Tour n’Cure လှုပ်ရှားမှုကို စတင်ခဲ့ပြီးနောက် မက်ဆီကို ကမ္ဘာလုံးဆိုင်ရာ သံတမန်အဖြစ် ရွေးချယ်ခဲ့ခြင်းဖြစ်သည်။

မက်ဆီမှာ မူလက ဒီဇင်ဘာလတွင် အီဂျစ်နိုင်ငံသို့ လာရောက်ရန် စီစဉ်ခဲ့သော်လည်း စိန့်ပီတာနှင့် စိန့်ပေါလ် ဘုရားကျောင်းတို့တွင် ဒီဇင်ဘာ ၁၁ ရက်နေ့က ဖြစ်ပွားခဲ့သည့် ဗုံးခွဲမှုကြောင့် ပျက်ပြယ်ခဲ့သည်။ ထို့နောက် ဖေဖော်ဝါရီ ၁၅ ရက်နေ့ လာရောက်ရန် စီစဉ်ထားမှုလည်း ထပ်မံပျက်ပြယ်ခဲ့ပြီး ၂၁ ရက်နေ့မှ လာရောက်နိုင်ခဲ့သည်။

မက်ဆီမှာ အီဂျစ်ပိရမစ်များသို့ သွားရောက်ခဲ့ပြီး Tour n’Cure လှုပ်ရှားမှုအတွက် ဓာတ်ပုံများကို ရိုက်ကူးခဲ့သည်။ ထို့နောက် လှုပ်ရှားမှုအတွက် မိတ်ဆက်ပွဲပြုလုပ်မည့် Mena House ဟိုတယ်သို့ သွားရောက်ခဲ့သည်။ မိတ်ဆက်ပွဲအခမ်းအနားတွင် မက်ဆီ၏တီရှပ်များကို ရောင်းချခဲ့ပြီး ရရှိသည့် ရန်ပုံငွေများကို အသည်းအရောင်အ သားဝါ စီပိုး ရှိနေသည့် အီဂျစ်ပြည်သူများအား ကုသရေး အသုံးပြုသွားမည်ဖြစ်သည်။

Ref: Daily News Egypt