ကင်ဂျုံနမ်အား လုပ်ကြံမှုတွင် ဓာတ်တုလက်နက်ကို အသုံးပြုခဲ့ဟု မလေးရှားပြော

ဖေဖော်ဝါရီ ၂၄၊ ၂၀၁၇
M-Media

– မြောက်ရီယားခေါင်းဆောင် ကင်ဂျုံအန်၏ အဖေတူအမေကွဲအစ်ကို သတ်ဖြတ်ခံရမှုတွင် ကနဦးစစ်ဆေးချက်များအရ ဓာတုစစ်ပွဲများတွင် အသုံးပြုသည့် nerve agent ဓာတုလက်နက်ဖြင့် လုပ်ကြံခံခဲ့ရသည်ကို တွေ့ရှိရကြောင်း မလေးရှား ရဲတပ်ဖွဲ့က ပြောကြားလိုက်သည်။

ယနေ့တွင် ရဲတပ်ဖွဲ့၏ စစ်ဆေးရေးအရာရှိက ထုတ်ပြန်သော ကြေငြာချက်၌ ထိုကဲ့သို့ ဖော်ပြထားခြင်းဖြစ်ပြီး မလေးရှား ဓာတုဗေဒ ဦးစီးဌာနမှ ကနဦး စစ်ဆေးဖော်ထုတ်မှုအရ ကင်ဂျုံနမ်၏ မျက်နှာတွင် VX nerve agent ကို တွေ့ခဲ့ရသည်ဟု ဆိုသည်။

အဆိုပါ VX nerve agent ဓာတုလက်နက်ကို ဖျက်အားပြင်းလက်နက်အဖြစ် ကုလသမဂ္ဂက သတ်မှတ်ထားသည်။

ကင်ဂျုံအန်မှာ ပြီးခဲ့သည့်တစ်ပတ်က ကွာလာလမ်ပူလေဆိပ်တွင် အမျိုးသမီးနှစ်ဦး၏ တိုက်ခိုက်မှုကြောင့် သေဆုံးခဲ့ခြင်းဖြစ်ပြီး ရဲတပ်ဖွဲ့ကမူ အဆိုပါ အမျိုးသမီးနှစ်ဦးမှာ nerve agent ကို ၎င်းတို့တွင် ထိခိုက်မှုမရှိဘဲ ကင်၏ မျက်နှာကို အဘယ်ကဲ့သို့ အုပ်နိုင်ခဲ့သည်ကို မပြောခဲ့ပေ။

ထို့ပြင် ၎င်းတို့တွင် လက်အိတ်စွပ်ထားခြင်း၊ သို့မဟုတ် အသုံးပြုပြီးနောက် လက်ကို လျင်မြန်စွာ ဆေးကြောခြင်းတို့ ပြုလုပ်ခဲ့သည်လားဆိုသည်ကိုလည်း ရှင်းရှင်းလင်းလင်း မသိရှိရသေးပေ။

စောစောပိုင်းက မလေးရှားရဲတပ်ဖွဲ့မှ ထုတ်ပြန်မှုတွင် အမျိုးသမီးနှစ်ဦးမှာ ကင်၏မျက်နှာတွင် အရည်တစ်ခု ပွတ်သပ်ခဲ့ပြီး ၎င်းတို့၏လက်ကို လျှင်မြန်စွာ ဆေးကြောခဲ့သည်ဟု ဖော်ပြထားသည်။

မြောက်ကိုရီးယား နိုင်ငံပိုင်သတင်းဌာနက မလေးရှား၏ စုံစမ်းစစ်ဆေးမှုများမှာ အမှားအယွင်းများ၊ ကွဲပြားမှုများ ရှိနေသည်ဟု ယမန်နေ့တွင် ပထမဆုံး ကြေငြာခဲ့ပြီး သေဆုံးသူမှာ ကင်ဂျုံနမ် ဖြစ်သည်ဟု မဖော်ပြခဲ့ပေ။

Ref: Aljzeera