ကုရ်အာန်မီးရှို့သူကို သာသနာညှိုးနွမ်းစေမှုဖြင့် ဒိန်းမတ်အစိုးရ တရားစွဲ

ဖေဖော်ဝါရီ ၂၄၊ ၂၀၁၇
M-Media

– ဒိန်းမတ်နိုင်ငံတွင် ကုရ်အာန်ကျမ်းစာအား မီးရှို့ခဲ့သူ အမျိုးသားတစ်ဦးကို ဘာသာသာသနာ ညှိုးနွမ်းစေမှုဖြင့် အစိုးရက တရားစွဲဆိုလိုက်ပြီး နိုင်ငံ၏သမိုင်းတွင် နှစ်ပေါင်း ၅၀ နီးပါးအတွင်း ပထမဆုံး ထိုပုဒ်မဖြင့် တရားစွဲဆိုခဲ့ခြင်းလည်း ဖြစ်သည်။

အသက် ၄၂ နှစ်အရွယ် အဆိုပါအမျိုးသားမှာ ၂၀၁၅ ခုနှစ် ဒီဇင်ဘာလက ၎င်း၏ အိမ်နောက်ဖေးခြံထဲတွင် ကုရ်အာန်ကျမ်းစာကို မီးရှို့ခဲ့ခြင်းဖြစ်ပြီး ထိုဗီဒီယိုကို Facebook စာမျက်နှာတွင် လွှင့်တင်ခဲ့သည်ဟု အစိုးရ ရှေ့နေချုပ် ဂျန် ရက်ကန်ဒေ့ါဖ်က ပြောကြားခဲ့သည်။

ယခုကိစ္စမှာ ဘာသာသာသနာ ညှိုးနွမ်းစေမှု ဥပဒေကို ပြဌာန်းပြီးကတည်း ဒိန်းမတ်နိုင်ငံသမိုင်းတွင် စတုတ္ထမြောက် တရားစွဲဆိုမှုဖြစ်ပြီး နှစ် ၅၀ အတွင်း ပထမဆုံး တရားစွဲမှုလည်းဖြစ်သည်။

အစိုးရရှေ့နေများကမူ ကုရ်အာန်နှင့် သမ္မာကျမ်းစာကဲ့သို့ စာအုပ်များကို မီးရှို့ခြင်းမှာ ဘာသာသနာကို စော်ကားခြင်း၊ ပြောင်လှောင်သရော်ခြင်းနှင့် ဆက်နွယ်သည့် ရာဇ၀တ်မှု ဥပဒေပုဒ်မကို ချိုးဖောက်ခြင်းဖြစ်သည်ဟု ပြောကြားခဲ့သည်။

၁၉၃၈ နှင့် ၁၉၄၆၁ နှစ်များတွင် ဒိန်းမတ်၏ သာညှိုးဥပဒေဖြင့် တရားစွဲဆိုခံခဲ့ရသူများမှာ အပြစ်ရှိကြောင်းတွေ့ရှိခဲ့ရကာ ပြစ်ဒဏ်ခံခဲ့ရပြီး ၁၉၇၁ ခုနှစ် တရားစွဲဆိုမှုအတွင်း အပြစ်ရှိကြောင်း မတွေ့ခဲ့ရပေ။ ထိုပြစ်မှုအတွက် အမြင့်ဆုံးပြစ်ဒဏ်မှာ ထောင်ဒဏ် ၄ လဖြစ်ပြီး၊ ရက်ကန်ဖေါ့ဒ်ကမူ ယခုအမှုတွင် ဒဏ်ငွေသာ ဆောင်ရမည်ဟု ပြောကြားခဲ့သည်။

Ref: CNN