ဈေးအပေါဆုံးဖုန်း ထုတ်မည်ဟု ကြေငြာထားသူကို လိမ်လည်မှုဖြင့် အိန္ဒိယဖမ်းဆီး

ဖေဖော်ဝါရီ ၂၅၊ ၂၀၁၇
M-Media

– ကမ္ဘာ့ဈေးအပေါဆုံး စမတ်ဖုန်းများကို ထုတ်လုပ်ရောင်းချမည်ဟု ကြေငြာခဲ့သည့် အိန္ဒိယမှ Ringing Bells ကုမ္ပဏီ ဒါရိုက်တာကို လိမ်လည်မှုဖြင့် အိန္ဒိယက ဖမ်းဆီးလိုက်သည်ဟု သိရသည်။

မိုဟစ် ဂိုအဲလ်ဖြစ်ပြီး လက်ကားဖြန့်ချီသူတစ်ဦးက ဖုန်းများအတွက် ငွေပေးထားသော်လည်း ပစ္စည်း လက်ဝယ်မရှိဟု တိုင်ကြားခဲ့ပြီးနောက် ယခုကဲ့သို့ ဖမ်းဆီးခံခဲ့ရခြင်းဖြစ်သည်။

Freedom 251 ဟု အမည်ပေးထားသည့် အဆိုပါဖုန်းကို ၂၀၁၆ ခုနှစ် ဖေဖော်ဝါရီက ကနီဦးအဖြစ် တစ်လုံးလျှင် ၂၅၁ ရူပီး (၃.၇၀) ဒေါ်လာဖြင့်ရောင်းချခဲ့သည်။ ၀ယ်ယူသူ အများအပြား ထိုဖုန်းကို ရရှိခဲ့သော်လည်း Ringing Bells ကုမ္ပဏီမှာ အမှာစာများအားလုံးကို ပြည့်မီအောင် ပေးပို့နိုင်ခြင်းမရှိဟု စွပ်စွဲခံထားရသည်။

လက်ကားဖြန့်ချီသည့် Ayam Enterprises ကုမ္ပဏီက မစ္စတာဂိုအဲလ်မှာ အဆိုပါဖုန်းများကို ဖြန့်ချီရန် စွဲဆောင်ခဲ့ပြီးနောက် မိမိအနေဖြင့် ရူပီး ၃ သန်းပေးထားသော်လည်းလည်း ၁.၄ သန်း တန်ဖိုးအတွက် ပစ္စည်းကိုသာ ပေးပို့ထားကြောင်း၊ ကျန်သည့်ငွေကြေးကို ခဏခဏတောင်းပါက အသတ်ခံရမည်ဟု ခြိမ်းခြောက်ခြင်းပင် ခံရကြောင်း ပြောကြားခဲ့သည်။

ရဲတပ်ဖွဲ့ ပြောရေးဆိုခွင့်ရှိသူ ရာဟူးလ် ဆရီဗက်စ်တာဗာက ဂိုအဲလ်အား ဖမ်းဆီးမှုကို အတည်ပြုခဲ့ပြီး နိုင်ငံ၏ အခြားဒေသများမှလည်း ထိုကဲ့သို့ တိုင်ကြားမှုများ ရှိနေသည်ဟု ပြောကြားခဲ့သည်။

“ဒီမသမာမှုတွေကို ဖော်ထုတ်ဖို့ အရေးကြီးပါတယ်။ ဘာ့ကြောင့်လည်းဆိုတော့ အပြစ်မဲ့သူတွေဟာ သူတို့ ခက်ခက်ခဲခဲရှာထားတဲ့ ငွေကြေးတွေကို ဆုံးရှုံးရတာကြောင့်ပါ” ဟု ရာဟူးလ်က ဆိုသည်။

Ringing Bells မှာ ဖုန်းအတွက် ငွေများကို ပြီးခဲ့သည့်နှစ် ဖေဖော်ဝါရီလက ယူထားခဲ့ပြီး ဖုန်းများကို ဇွန်လတွင် ပေးပို့မည်ဟု ပြောကြားခဲ့သည်။ အဆိုပါ ဈေးအပေါဆုံးဖုန်းများကို မိမိတို့၏ ၀ဘ်ဆိုက်မှတစ်ဆင့်သာ ရောင်းချမည်ဟု ကုမ္ပဏီက ကြေငြာခဲ့ပြီးနောက် နိုင်ငံတစ်ဝှမ်းမှ မှာယူမှု များပြားခြင်းကြောင့် ဆာဗာများပင် ကျသွားခဲ့သည်။

ထိုအစီအစဉ်ကို ကြေငြာခဲ့စဉ် ဂိုအဲလ်က မိမိတို့မှာ ၀န်ကြီးချုပ်မိုဒီအစိုးရက တက်တက်ကြွကြွ အားပေးတိုက်တွန်းသည့် Make in India စီမံကိန်း၏ တစ်စိတ်တစ်ပိုင်းအဖြစ် ဖုန်းများကို နိုင်ငံအတွင်း၌သာ ထုတ်လုပ်သွားမည်ဟု ပြောကြားခဲ့သည်။

သို့သော်လည်း ၎င်းတို့ကုမ္ပဏီ၏ စီးပွားရေးပုံစံ၊ ဈေးအလွန်နိမ့်သည့် ဖုန်းများ အမှန်တကယ် ထုတ်လုပ်နိုင်မည်လားဆိုသည့် အပေါ်တွင် ဝေဖန်မှုများလည်း ရှိခဲ့သည်။

Ref: BBC