လကမ္ဘာသို့ ခရီးသွားအစီအစဉ် လာမည့်နှစ်စမည်

ဖေဖော်ဝါရီ ၂၈၊ ၂၀၁၇
M-Media

– လာမယ့်နှစ်မှာ လကမ္ဘာ ပတ်ဝန်းကျင်ကို သွားရောက်ဖို့အတွက် အမေရိကန်နိုင်ငံသား ၂ ဦးက ပိုက်ဆံပေးထားလိုက်ပြီလို့ အမေရိကန် နည်းပညာကုမ္ပဏီ SpaceX က ပြောကြားလိုက်ပါတယ်။

အမေရိကန်ဟာ ၁၉၆၀ နဲ့ ၇၀ ပြည့်နှစ်တွေမှာ နာဆာရဲ့ Apollo အာကာသယာဉ် ခရီးစဉ်တွေပြီးကတည်းက လပေါ်ကို လူစေလွှတ်ခြင်းမရှိတော့ပါဘူး။

“နောက်နှစ် နှောင်းပိုင်းလောက်မှာ သာမန်နိုင်ငံသား ၂ ဦး လကမ္ဘာပတ်ဝန်းကျင်ကို ပျံသန်းဖို့ SpaceX က သဘောတူညီခဲ့ပြီဆိုတာ စိတ်လှုပ်ရှားစွာနဲ့ ကြေငြာလိုပါတယ်။ ဒါဟာ ၄၅ နှစ်အတွင်း ပထမဆုံးအကြိမ်အဖြစ် နက်ရှိုင်းတဲ့ အာကာသကို လူသားတွေ ပြန်သွားဖို့ အခွင့်အရေးတစ်ခုကို ဖော်ကျူးလိုက်တာလည်း ဖြစ်ပါတယ်။ ပြီးတော့ သူတို့ဟာ အရင်ကလူတွေထက် နေအဖွဲ့အစည်းထဲကို ပိုမြန်မြန်နဲ့ ပိုဝေးဝေေ၀း သွားမှာဖြစ်ပါတယ်” လို့ SpaceX အကြီးအကဲ အေလွန် မက်စ်က မနေ့မှာထုတ်ပြန်တဲ့ ကြေငြာချက်မှာ ဖော်ပြထားပါတယ်။

သွားမယ့်လူတွေရဲ့ အမည်ကိုတော့ ဖော်ပြခဲ့ခြင်းမပြုဘဲ သူတို့ဟာ စရံတော်တော်များများ ပေးထားတယ်လို့လည်းဆိုပါတယ်။ သွားမယ့် ခရီးသည် ၂ ဦးအတွက် ကျန်းမာရေးစစ်ဆေးမှုတွေ၊ လေ့ကျင့်သင်ကြားမှုတွေကို ဒီနှစ်နှောင်းပိုင်းမှာ ပြုလုပ်မယ်လို့လည်း မက်စ်က ပြောပါတယ်။

“အခြားသော ပျံသန်းမယ့်အဖွဲ့တွေကလည်း တော်တော်လေး စိတ်ဝင်စားကြောင်း ပြောပါတယ်။ နောက်ထပ် ခရီးစဉ်တွေ ထပ်လာဖို့လည်း ကျွန်တော်တို့ မျှော်လင့်ထားပါတယ်။ ပျံသန်းမယ့် အဖွဲ့တွေအကြောင်းနဲ့ ကာယကံရှင်တွေတွေရဲ့ ခွင့်ပြုမှုအပေါ်မူတည်ပြီး ကျန်းမာရေး၊ ကြံ့မှုမှု ရလဒ်တွေလို ထပ်ဆောင်း အချက်အလက်တွေကိုလည်း ထုတ်ပြန်သွားမှာပါ။ ဒါပေမယ့် သွားမယ့်လူတွေဟာ ဟောလီးဝုဒ်ကတော့ မဟုတ်ပါဘူး”

အဲဒီခရီးသွားတွေဟာ SpaceX ရဲ့ အာကာသယာဉ် Crew Dragon ကို စီးနင်း လိုက်ပါမှာဖြစ်ပြီး ဒီနှစ်နောက်ပိုင်းမှာ ဒီယာဉ်ကို လူမဲ့စမ်းသပ်ဖို့ ရှိနေပါတယ်။ ဒီယာဉ်ဟာ နိုင်ငံတကာ အာကာသစခန်းကို ပစ္စည်းတွေပို့ရာမှာ အသုံးပြုတဲ့ယာဉ်ကို အခြေခံပြီး တည်ဆောက်ထားတာလည်း ဖြစ်ပါတယ်။

Ref : Aljazeera