လူမည်းများကို လူမျိုးရေးခွဲခြားကာ ခြိမ်းခြောက်သည့် ကန်လူဖြူစုံတွဲနှစ်ဦး နှစ်ရှည်ထောင်ဒဏ် ချမှတ်ခံရ

ဖေဖော်ဝါရီ ၂၈၊ ၂၀၁၇
M-Media

လူမျိုးရေးခွဲခြားမှုကြောင့် နှစ်ရှည်ထောင်ဒဏ်များ ချမှတ်ခံခဲ့ရသည့် တောရက်စ်နှင့် နော်တန်

– လူမည်းကလေးငယ်တစ်ဦး၏ မွေးနေ့ပါတီတွင် ခွဲထွက်ရေးအလံများကို ဝှေ့ယှမ်း၍ ၀င်ရောက်နှောက်ယှက်ကာ သတ်ဖြတ်မည်ဟု ခြိမ်းခြောက်ခဲ့သည့် လူဖြူစုံတွဲနှစ်ဦးမှာ ယမန်နေ့က နှစ်ရှည် ထောင်ဒဏ်များ ချမှတ်ခံရသည်ဟု သိရသည်။

ဂျိုဆေး တောရက်စ်နှင့် ကေလာ နော်တန်တို့ဖြစ်ပြီး ၂၀၁၅ ခုနှစ် ဇူလိုင်လ ၂၅ ရက်နေ့က ဂျော်ဂျီယာပြည်နယ် အတ္တလန်တာမြို့ ဆင်ခြေဖုံးရှိ ဒူဂလက်စ်ကောင်တီတွင် ၎င်းတို့အပါအ၀င် တစ်ဒါဇင်ခန့်ရှိသော လူအုပ်စုမှာ ပစ်ကပ်ကားများနှင့် ခွဲထွက်ရေး အလံများကို ဝှေ့ယမ်းကာ လှည့်လည်ခဲ့ကြပြီး၊ လူမည်းကလေးငယ်တစ်ဦး မွေးနွေးပွဲပြုလုပ်သည့် ခြံရှေ့အရောက်တွင် အော်ဟစ် နှောက်ယှက်ခဲ့ကြခြင်းဖြစ်သည်။

ပါတီသို့ လာရောက်သူများကမူ ထရပ်ကားအုပ်စုမှ လူမျိုးရေးခွဲခြားသည့် စကားများဖြင့် စော်ကားခဲ့သည်ဟု ပြောကြားခဲ့သည်။ ထို့နောက် ထရပ်ကားများမှာ မွေးနေ့ပါတီလုပ်သည့် အိမ်အနီးတွင် ရပ်နားကာ တောရက်စ်ပါဝင်သည့် အုပ်စုငယ်လေးက ခြံတွင်းသို့ ၀င်ရောက်၍ ပါတီပွဲလာရောက်သူများကို လူမျိုးရေးခွဲခြားသည့် စကားများဖြင့် စော်ကားပြောဆိုကာ အသက်အန္တရာယ် ခြိမ်းခြောက်မှုပင် ပြုလုပ်ခဲ့ကြသည်ဟု ရှေနေ့များ၏ ကြေငြာချက်တွင် ဖော်ပြထားသည်။

“သူ့ရဲ့ကားထဲကနေ တစ်လုံးထိုးသေနတ်ကို သွားထုတ်လာတဲ့ တောရက်စ်က အဲဒီသေနတ်ကို ပါတီလာတဲ့ အာဖရိကန်-အမေရိကန်အုပ်စုကို ချိန်ထားပြီး သတ်မယ်လို့ ပြောပါတယ်။ သူနဲ့အတူ ပါတဲ့သူတွေက ‘ကလေးလေးတွေလည်း ကျည်ဆံတစ်တောင့်တော့ ရမှာပေါ့’ လို့ ပါတီက ကလေးတွေကို ရည်ညွှန်းပြီး ပြောခဲ့ပါတယ်” ဟု ကြေငြာချက်ဆိုသည်။

နော်တန်မှာလည်း ထိုကဲ့သို့ ခြိမ်းခြောက်မှုများ ပြုလုပ်ခဲ့သည်ဟု စွပ်စွဲခံခဲ့ရသည်။ ပါတီသို့ လာရောက်သူများက ၎င်းတို့အုပ်စုတွင် တစ်ချို့မှာ ဓားများ၊ တာယာဖြုတ်သည့် ကိရိယာများကို ကိုင်ဆောင်ထားကြသည်ဟု ပြောကြားခဲ့သည်။

ဂျိုဆေး တောရက်စ်မှာ ပြင်းပြင်းထန်ထန် နာကျင်စေမှု စွဲချက် ၃ ခု၊ အကြမ်းဖက်ရန် ခြိမ်းခြောက်မှု စွဲချက်တစ်ခု၊ ဂျော်ဂျီယာပြည်နယ် လူဆိုးဂိုဏ်းအကြမ်းဖက်ဝါဒ တာဆီးရေးဥပဒေကို ချိုးဖောက်မှု စွဲချက်တစ်ခုတို့အတွက် အပြစ်ရှိကြောင်း တရားသူကြီးက ဆုံးဖြတ်ခဲ့ပြီး ထောင်အတွင်း ၁၃ နှစ်နေထိုင်ရန်အပါအ၀င် ထောင်ဒဏ် နှစ် ၂၀ ချမှတ်ခဲ့သည်။

နော်တန်က အကြမ်းဖက်ရန် ခြိမ်းခြောက်မှု စွဲချက်တစ်ခု၊ လူဆိုးဂိုဏ်းအက်ဥပဒေ ချိုးဖောက်မှု စွဲချက်တစ်ခုတို့ဖြင့် ၆ နှစ် ထောင်တွင်း နေထိုင်ရန်အပါအ၀င် ထောင်ဒဏ် ၁၅ နှစ် ချမှတ်ခံခဲ့ရသည်။ နော်တန်ကမူ သူမ၏ လုပ်ရပ်အတွက် ပြန်လည်တောင်းပန်ခဲ့သည်။

Ref: CNN