ထရမ့်လက်ထက် မြင့်တက်လာတဲ့ ဂျူးဆန့်ကျင်ရေးနဲ့ အားနည်းသူများကို မွတ်စလင်များ၏ ဖေးမမှု

မတ် ၁၊ ၂၀၁၇
M-Media

– ဒေါ်နယ်ထရမ့် အာဏာရလာပြီးနောက်ပိုင်း လူဖြူအစွန်းရောက်တွေ ခေါင်းထောင်ထလာမှုနဲ့အတူ ဂျူးစင်တာတွေ၊ သုဿာန်တွေ တိုက်ခိုက်ခံရမှု မြင့်တက်လာခဲ့ပြီး ဖေဖော်ဝါရီ ၂၅ ရက်နေ့မှာလည်း ဖီလာဒဲလ်ဖီးယားက ဂျူးသုသာန်တစ်ခု ဖျက်ဆီးခံခဲ့ရပါတယ်။

ဒီတိုက်ခိုက်မှုအတွင်း အုတ်ဂူနဲ့ မှတ်တိုင်ပေါင်း ၅၀၀ နီးပါးလောက် ဖျက်ဆီးခံခဲ့ရပါတယ်။ ဒါဟာ တစ်ပတ်အတွင်းမှာ ဒုတိယအကြိမ်မြောက်အဖြစ် ဂျူးသုသာန်တစ်ခု တိုက်ခိုက်ခံရတာဖြစ်ပြီး၊ ပြီးခဲ့တဲ့ တစ်ပတ်တုန်းကလည်း မစ်ဇူရီပြည်နယ် စိန့်လူးဝစ်အနီးက ဂျူးသုဿာန်လည်း ဖျက်ဆီးခံခဲ့ရတာကြောင့် အုပ်ဂူပေါင်း ၁၅၀ လောက် ပျက်ဆီးခဲ့ပါတယ်။

တနင်္လာနေ့ မနက်ပိုင်းက အမေရိကန်နိုင်ငံတစ်ဝှမ်း ဂျူးစင်တာ(JCC) ပေါင်း  ၂၀ လောက်ဟာ ဗုံးနဲ့တိုက်ခိုက်မယ်လို့ ခြိမ်းခြောက်ခံခဲ့ရပါတယ်။

JCC ကထုတ်ပြန်တဲ့ ကြေငြာချက်မှာ အဖွဲ့တာဝန်ရှိသူ ဒေးဗစ် ပိုစ်နာက နိုင်ငံတစ်ဝှမ်း လူ့အဖွဲကအစည်းတွေကို ရိုက်ခတ်နေတဲ့ ဒီလို ဂျူးဆန့်ကျင်ရေးလုပ်ရပ်တွေကို ဆန့်ကျင်တဲ့ စကားမျိုးကို အာဏာပိုင်တွေက ပြောရမယ်၊ အရေးယူရမယ်လို့ မှတ်ချက်ပြုခဲ့ပါတယ်။

တနင်္လာနေ့နှောင်းပိုင်းမှာ အမေရိကန်ရှေ့နေချုပ် ဂျက်ဖ် ဆက်ရှင်က ဂျူးလူ့အဖွဲ့အစည်းပေါ် ဒီလို ဗုံးနဲ့ ခြိမ်းခြောက်မှုတွေဟာ လုံးဝ လက်မခံနိုင်စရာဖြစ်ပြီး အင်မတန်ဆိုးရွားကာ အဖျက်သဘောဆောင်တဲ့ လုပ်ရပ်မျိုးဖြစ်တယ်လို့ ပြောကြားခဲ့ပါတယ်။

အိမ်ဖြူတော်ပြောရေးဆိုခွင့်ရှိသူ ရှောင် စပိုက်ဆာကလည်း တနင်္လာနေ့ အကျဉ်းချုံး သတင်းစာရှင်းလင်းပွဲမှာ သမ္မတထရမ့်နေနနဲ့ ဂျူးဆန့်ကျင်ရေး၊ အမုန်းတရားအခြေခံ ပြုမူဆောင်ရွက်မှုတွေအားလုံးကို လုံးဝ ရှုတ်ချတယ်လို့ ပြာကြားခဲ့ပါတယ်။ စောစောပိုင်းက သမ္မတထရမ့် နှုတ်ဆိတ်နေမှုနဲ့ပတ်သက်ပြီးတော့ ဝေဖန်မှုတွေလည်း ရှိခဲ့ပါတယ်။

အမေရိကန်နိုင်ငံက ထိပ်တန်း ဂျူး အန်ဂျီအိုအဖွဲ့တစ်ခုဖြစ်တဲ့ Anti-Defamation League က တနင်္လာနေ့မှာ ဖြစ်ပွားခဲ့တဲ့ ဂျူးစင်တာတွေကို ဗုံးနဲ့ ခြိမ်းခြောက်မှုဟာ ဒီနှစ်အတွင်းမှာ ၅ ကြိမ်မြောက် ဖြစ်ပွားခဲ့တဲ့ ဂယက်တစ်ခုဖြစ်ပြီး၊ ပြီးခဲ့တဲ့ ၂ လအတွင်းမှာ ဒီလို ခြိမ်းခြောက်မှုပေါင်း ၉၀ လောက်ရှိတယ်လို့ ဆိုပါတယ်။ FBI ကတော့ ဒီကိစ္စတွေအတွက် စုံစမ်းစစ်ဆေးမှုတွေ ပြုလုပ်နေဆဲဖြစ်ပြီး ဖမ်းတာဆီးတာမျိုးတော့ မလုပ်သေးပါဘူး။

မွတ်စလင်များ၏ ကူညီမှု

မဲဆွယ်မှုတွေအတွင်း လူမည်းတွေ၊ မက္ကဆီကန်တွေ၊ မွတ်စလင်တွေ၊ အမျိုးသမီးတွေ၊ မသန်စွမ်းသူတွေကို ပြစ်ပြစ်နှစ်နှစ် စော်ကားပြောဆိုခဲ့တဲ့ ဘီလီယံနာသူဌေး ဒေါ်နယ်ထရမ့် အာဏာရလာပြီးတဲ့နောက်ပိုင်း အမေရိကန်မှာ လူဖြူအမျိုးသားရေး အစွန်းရောက်တွေက ဂျူး၊ မွတ်စလင်၊ လူမည်း၊ အာရှ-အမေရိကန်တွေလို လူနည်းစုတွေအပေါ်မှာ စော်ကားတိုက်ခိုက်မှုတွေလည်း မြင့်တက်လာခဲ့ပါတယ်။

အမေရိကန်မွတ်စလင်တွေကတော့ သူတို့နဲ့ ဘ၀တူ ဂျူးတွေရဲ့ ဆုံးရှုံးမှုတွေ၊ ထိခိုက်ခံစားရမှုတွေကို ဖေးမကူညီဖို့ နှောင့်နှေးမနေခဲ့ပါဘူး။

ဖီလာဒဲလ်ဖီးယားက ဂျူးသုဿာန် ဖျက်ဆီးခံလိုက်ရပြီးတဲ့နောက်ပိုင်းမှာ မွတ်စလင်တက်ကြွလှုပ်ရှားသူ တာရစ် အလ်-မက်စီဒီဟာ မွတ်စလင်တွေအနေနဲ့ ဂျူးတွေဘက်က ရပ်တည်ဖို့ တိုက်တွန်းခဲ့ပါတယ်။

“ဂျူး ညီအစ်ကိုမောင်နှမတွေကို ဖေးမဖို့၊ ဒီလို ဒီလိုအယူသည်းမှုတွေကို ဆန့်ကျင်တဲ့ဘက်မှာ ဂျူးတွေနဲ့အတူ မားမားမတ်မတ် ရပ်တည်ကြဖို့ မွတ်စလင်တွေအားလုံးကို တောင်းဆိုချင်ပါတယ်။ ပြီးခဲ့တဲ့တစ်ပတ်မှာ ကျွန်တော်တို့ မွတ်စလင်အသိုင်းအ၀ိုင်းဟာ စိန့်လူးဝစ်က ဖျက်ဆီးခြင်းခံလိုက်ရတဲ့ ဂျူးသုဿာန် ပြင်ဆင်ဖို့အတွက် ရန်ပုံငွေ ရှာဖွေပေးခဲ့ပါတယ်။ ရည်မှန်းထားတဲ့ ပမာဏထက် ပိုရခဲ့တာကြောင့် အခုအချိန်မှာတော့ ဒီပိုတဲ့ပိုက်ဆံတွေကို ဖီလာဒဲလ်ဖီးယားက ဂျူးသုဿာန်အတွက် ကူညီဖို့ အသုံးပြုရမှာပါ” လို့အလ်-မက်စီဒီက ပြောကြာခဲ့ပါတယ်။

စိန့်လူးဝစ်က ဂျူးသုဿာန် ပြန်လည်တည်ဆောက်ရေး ရန်ပုံငွေအတွက် ရည်ရွယ်ထားတဲ့ ပမာဏဟာ ကန်ဒေါ်လာ ၂ သောင်းသာ ဖြစ်ပေမယ့် အင်္ဂါနေ့အထိ မွတ်စလင်တွေဆီက ကောက်ခံရရှိတဲ့ငွေက ၁၃၈၀၀၀ ရှိနေပြီး ၇ ဆနီးပါး မြင့်တက်လာတာပါ။

အလ်-မက်စီဒီကတော့ သူ့အနေနဲ့ ဖီလာဒဲလ်ဖီးယားက ဂျူးသုဿာန်ကို ချက်ခြင်း သွားရောက်အားပေးသွားမှာဖြစ်တယ်လို့လည်း ဆိုပါတယ်။

“ဒီလို လူမျိုးရေးခွဲခြားမှု၊ ဂျူးဆန့်ကျင်ရေးလုပ်ရပ်၊ အစ္စလာမ်ကြောက်ရောဂါတွေကို ကျွန်တော်တို့ အတူတကွ ဆန့်ကျင်သွားရမှာပါ” လို့ အလ်-မက်စီဒီက သူ့ရဲ့ ဆိုရှယ်မီဒီယာ စာမျက်နှာမှာ ရေးသားခဲ့ပါတယ်။

ဖီလာဒဲလ်ဖီးယားက မွတ်စလင်တစ်ချို့ကလည်း ဖျက်ဆီးခံသုသာန်ဆီ သွားရောက်ခဲ့ပြီး သန့်ရှင်ရေးလုပ်ငန်းတွေမှာ ပါဝင်ကူညီပေးခဲ့ကြပါတယ်။

Ref : BBC,Aljazeera, CNN