ရှေးဦးမွတ်စလင်များအပေါ် ကျေဇူးရှိခဲ့သည့် ခရစ်ယာန်ဘုရင်အုတ်ဂူကို တူရကီက ပြုပြင်ပေးနေ

မတ် ၁၊ ၂၀၁၇
M-Media

အီသီယိုးပီးယားမှ နဂျာရှီ၏ ဂူဗိမာန်

– တမန်တော် မုဟမ္မဒ်သခင်လက်ထက်က မက္ကာကို စွန့်ခွာ၍ လာရောက်ခိုလှုံခဲ့ကြသည့် မွတ်စလင်များအား ကောင်းမွန်စွာ နေထိုင်ခွင့်ပြုခဲ့သည့် အဘီဆီးနီးယား (ယခု အီသီယိုးပီးယားနှင့် အီရစ်ထရီယာ) ပြည့်ရှင် ခရစ်ယာန်ဘာသာဝင် နဂျာရှီ၏ ဂူဗိမာန် ပြန်လည်ပြုပြင်မှုအား တူရကီက ဆောင်ရွက်ပေးနေသည်ဟု သိရသည်။

အဆိုပါ ဂူဗိမာန်မှာ အီသီယိုးပီးယားမြို့ အက်ဒစ် အဘာဘာမှ မိုင်ပေါင်း ၅၀၀ အကွာအဝေးတွင် ရှိနေပြီး ပြန်လည်ပြင်ဆင်ရေး လုပ်ငန်းအတွက် ‘တူရကီ ပူးပေါင်းဆာင်ရွက်ရေးနှင် ညှိနှိုင်းရေး အေဂျင်စီ (TIKA)’ က ဦးဆောင်ကာ ဆောင်ရွက်ပေးခြင်းဖြစ်သည်။

အာရ်မဟ်ဟုလည်း အမည်ရသည့် နဂျာရှီဘုရင်မှာ သက္ကရာစ် ၆၁၄ ခုနှစ်မှာ ၆၃၁ ခုနှစ်အထိ ယနေ့ခေတ် အီသီယိုးပီးယားနှင့် အီရစ်ထရီယာတို့ ပါဝင်သော အဘီဆီးနီးယား အင်ပါယာကို အုပ်စိုးခဲ့သူဖြစ်သည်။ ၎င်းမှာ တမန်တော်မုဟမ္မဒ်လက်ထက် မက္ကာမြို့မှ ကိုရိုက်ရ်ှလူမျိုးများ၏ ဒုက္ခပေးမှုကြောင့် နေရပ်စွန့်ခွာလာခဲ့ကြသည့် ရှေးဦးမွတ်စလင်များ၏ မှန်ကန်မှုနှင့် သမာသမတ်ကြမှုကို တွေ့မြင်ပြီးနောက် ၎င်းတို့အား ကြည်ဖြူစွာ ခိုလှုံခွင့်ပေးခဲ့သည်။

အဆိုပါ နေရပ်စွန့်ခွာမှုကို အစ္စလာမ့်သမိုင်းတွင် ‘ပထမဆုံး ဟစ်ဂျရသ်’ ဟု ခေါ်ဆိုသည်။ တမန်တော်မုဟမ္မဒ်သခင်မှာ မိမိ၏နောက်လိုက်များ အလွန်အမင်း ညှင်းပမ်းနှိပ်စက်မှု ခံနေရသည်ကို တွေ့ရှိခဲ့ပြီးနောက် ၎င်းတို့ထဲမှ အချို့ကို အဘီဆီးနီးယားသို့ ပြောင်းရွှေ့ရန် အမိန့်ပေးခဲ့ပြီး ထိုဒေသမှ ဘုရင်မှာ မင်းကျင့်တရား ၁၀ ပါးနှင့်အညီ အုပ်ချုပ်သူဖြစ်သည်ဟု ပြောကြားခဲ့သည်။

ကိုရိုက်ရ်ှမျိုးနွယ်များက ထိုသတင်းကို ကြားပြီးနောက် အဖွဲ့တစ်ခုကို လက်ဆောင်ပဏ္ဍာများနှင့် နဂျာရှီဘုရင်ထံသို့ စေလွှတ်ကာ မွတ်စလင်များကို ပြန်လည်ခေါ်ဆောင်ရန် ဆောင်ရွက်ခဲ့သည်။ သို့သော်လည်း မွတ်စလင်များက ၎င်းတို့၏ ဘာသာတရားအကြောင်း၊ တမန်တော် မုဟမ္မဒ်သခင်အကြောင်းတို့ကို ကျေလည်စွာ ရှင်းပြခဲ့ပြီးနောက် နဂျာရှီဘုရင်မှာ ကြည်ဖြူစွာ လက်ခံခဲ့သည်။

ထို့ပြင် ‘မွတ်စလင်များနှင့် ခရစ်ယာန်များ၏ကြား ခြားနားမှုမှာ သဲပေါ်တွင်ရေးဆွဲထားသည့် မျဉ်းကြောင်းလောက်သာ ရှိသည်’ ဟု နဂျာရှီ၏ ထိုစဉ်က ပြောစကားမှာလည်း ကျော်ကြားသည်။

Ref: Craigconsidinetcd.com