ပြည်သူများကို သတ်မှုဖြင့် စွဲချက်တင်ခံရသည့် အီဂျစ်အာဏာရှင်ဟောင်း တရားသေလွတ်မြောက်

မတ် ၃၊ ၂၀၁၇
M-Media

– ၂၀၁၁ ခုနှစ်က လူထုအုံကြွမှုအတွင်း ရာနှင့်ချီသော ဆန္ဒပြသူများကို သတ်ဖြတ်မှုအတွက် တာဝန်ရှိသူအဖြစ် စွဲချက်တင်ခံထားရသည့် အီဂျစ်သမ္မတဟောင်း ဟိုစနီမူဘာရက်အား အီဂျစ်တရားရုံးက ယမန်နေ့တွင် တရားသေ လွှတ်ပေးလိုက်သည်ဟု သိရသည်။

ကိုင်ရို တရားရုံး၌ ကြားနာမှုအတွင်း တရားသူကြီး အဘ်ဒဲလ် ကွာဝီက မူဘာရက်မှာ အပြစ်မရှိဟု ဆုံးဖြတ်ခဲ့ပြီး၊ တရားလိုရှေ့နေများက အရက်ဖက်ကြားနာမှုကို ပြန်လည် ပြုလုပ်ရန် တောင်းဆိုမှုကိုလည်း တရားရုံးက ပယ်ချခဲ့သည်။

၂၀၁၁ ခုနှစ် ဇန်န၀ါရီမှ စတင်ကာ ဖြစ်ပွားခဲ့သည့် လူထုအုံကြွမှုအတွင်း အီဂျစ်ပြည်သူ ၉၀၀ နီးပါး သေဆုံးခဲ့ပြီး မူဘာရက်မှာ ထိုအတွက် တာဝန်ရှိသည်ဟု မှတ်ယူခံထားရသည်။ ၁၈ ရက်တာ ကြာမြင့်ခဲ့သည့် ထို လူထုအုံကြွမှုကြောင့် မူဘာရက်မှာ ဖေဖော်ဝါရီ ၁၁ ရက်နေ့တွင် ရာထူးမှ ဆင်းပေးခဲ့ရသည်။

၂၀၁၂ ခုနှစ်တွင် ၎င်းမှာ ထိုစွဲချက်များဖြင့် ထောင်ဒဏ် တစ်သက်တစ်ကျွန်း ချမှတ်ခံခဲ့ရသော်လည်း အာဏာသိမ်းစစ်တပ် ကျောထောက်နောက်ခံပြုထားသည့် အီဂျစ်အစိုးရက တစ်သက်တစ်ကျွန်းပြစ်ဒဏ်ကို ပယ်ဖျက်ပေးခဲ့ကာ ၎င်း၏အမှုအား ပြန်လည်ကြားနာရန် အယူခံခုံရုံးက အမိန့်ပေးခဲ့သည်။ ထို့နောက် ယခုကဲ့သို့ တရာသေ လွတ်မြောက်သွားခြင်းဖြစ်သည်။

၂၀၁၁ ခုနှစ် ဖမ်းဆီးခံခဲ့ရပြီးကတည်းက အသက် ၈၈ နှစ်အရွယ် မူဘာရက်မှာ စစ်တပ်ဆေးရုံတွင် သာ အချိန်အများစုကို ကုန်ဆုံးခဲ့ရသည်။

၂၀၁၆ ခုနှစ်တွင် အယူခံခုံရုံးက မူဘာရက်နှင့် ၎င်း၏ သားနှစ်ဦးကို ခြစားမှုဖြင့် ထောင်ဒဏ် ၃ နှစ်ချမှတ်ခဲ့သော်လည်း ပြစ်ဒဏ်တွင် ဖမ်းဆီးစစ်ဆေးခံရသည့် အချိန်များကို ထည့်သွင်း ခံစားခွင့်ပြုခဲ့သောကြောင့် ၎င်းတို့ ၃ ဦးစလုံး လွတ်မြောက်သွားခဲ့သည်။

Ref: Aljazeera