အမေရိကန်ရှိ ခြိမ်းခြောက်ခံဂျူးများကို ကာကွယ်စောင့်ရှောက်ပေးရန် မွတ်စလင်များ ကမ်းလှမ်း

မတ် ၃၊ ၂၀၁၇
M-Media

– ပြီးခဲ့တဲ့ ရက်ပိုင်းအတွင်း အမေရိကန်နိုင်ငံတစ်ဝှမ်းက ဂျူးလူ့အဖွဲ့အစည်းစင်တာတွေကို ဗုံးနဲ့ တိုက်ခိုက်မယ်လို့ ခြိမ်းခြောက်ခံရမှု၊ ဖီလာဒဲလ်ဖီးယားနဲ့ စိန့်လူးဝစ်က ဂျူးသုဿာန်တွေ ဖျက်ဆီးခံရမှုတွေ ဆက်တိုက်ဖြစ်လာခဲ့ပြီး သမ္မတ ဒေါ်နယ်ထရမ့် တက်လာပြီးနောက်ပိုင်း လူဖြူအစွန်းရောက်တွေက လူနည်းစုတွေအပေါ် ပစ်မှတ်ထားမှု နောက်ဆက်တွဲလည်း ဖြစ်ပါတယ်။

အမေရိကန်မွတ်စလင်တွေကတော့ သူတို့နဲ့ဘ၀တူ ဂျူးတွေကို ဖေးမကူညီဖို့ လက်မနှေးခဲ့ကြပါဘူး။ စိန့်လူးဝစ်နဲ့ ဖီလာဒဲလ်ဖီးယားက ဂျူးသုဿာန်တွေ ပြန်လည်ပြုပြင်ဖို့အတွက် ရန်ပုံငွေ သိန်းချီ ကောက်ခံလှူဒါန်းပေးခဲ့သလို အခုဆိုရင်လည်း ဂျူးတွေရဲ့ အဆောက်အဦးတွေကို စေတနာ့ဝန်ထမ်း ကာကွယ်စောင့်ရှောက်ပေးဖို့ ဆိုရှယ်မီဒီယာတွေကနေတစ်ဆင့် ကမ်းလှမ်းမှုတွေလည်း ပြုလုပ်လာခဲ့ပါတယ်။

အဲဒီလို ကမ်းလှမ်းမှုတွေမှာ အမေရိကန်စစ်တပ်ထဲ တာဝန်ထမ်းဆောင်ခဲ့တဲ့ မွတ်စလင်စစ်သားတွေ၊ ရှေ့နေတွေ၊ Emmy ဆုရရှိထားတဲ့ ရုပ်သံအသံလွှင့်သူတွေနဲ့အတူ အလွှာပေါင်းစုံက မွတ်စလင်တွေ ပါဝင်နေပါတယ်။

၂၀၁၇ ခုနှစ်ရဲ့ ပထမ ၂ လအတွင်းမှာ နိုင်ငံတစ်ဝှမ်းက ဂျူးစင်တာတွေမှာ ဗုံးနဲ့တိုက်ခိုက်မယ်လို့ ခြိမ်းခြောက်မှုပေါင်း ၁၀၀ လောက်ရှိတယ်လို့ မြောက်အမေရိက ဂျူးယဉ်ကျေးမှုစင်တာအသင်း JCC က ပြောကြားခဲ့ပါတယ်။

တနင်္လာနေ့ တစ်နေ့တည်းမှာပဲ အဲဒီလို ခြိမ်းခြောက်မှုပေါင်း ၃၁ ခု ဖြစ်ပွားခဲ့ပြီး အင်ဒီယားနားပြည်နယ် ဂျူးဘုရားကျောင်းတစ်ခုက ဟီဘရူးဘာသာစကားကျောင်းလည်း သေနတ်နဲ့ ပစ်ခံခဲ့ရပါတယ်။

စည်းလုံးမှု

“ကျွန်တော်က ချီကာဂိုလန်းဒေသမှာနေတဲ့ မွတ်စလင် မရိန်းတပ်သားပါ။ တကယ်လို့ ခင်ဗျားတို့ ဂျူးဘုရားကျောင်းတွေ၊ ဒါမှမဟုတ် ဂျူးသုဿာန်တွေမှာ ကာကွယ်စောင့်ရှောက်ဖို့လိုလာပြီဆိုရင် ကျွန်တော့်ကို စာရင်းထည့်လိုက်ပါ။ အစ္စလာမ်မှာ ဒါမျိုးလုပ်ပေးရမယ့် တာဝန်ရှိပါတယ်” လို့ မွတ်စလင် မရိန်းတပ်သားဟောင်းတစ်ဦးဖြစ်သူ တိုင်ယစ်ဘ် ရာရှစ်က သူ့ရဲ့ Twitter စာမျက်နှာမှာ ရေးသားခဲ့ပါတယ်။

ရာရှစ်ရဲ့ ဒီလိုရေးသားမှုကို ဂျူးတွေအပါအ၀င် အမေရိကန်ပြည်သူတွေကို သောင်းသောင်းဖျဖျ ကြိုဆိုခဲ့ပြီး၊ ရာရှစ်ကလည်း မွတ်စလင်နဲ့ မွတ်စလင်မဟုတ်သူတွေအကြား ငြိမ်းချမ်းစွာ အတူယှဉ်တွဲနေထိုင်ရေးကို မြှင့်တင်ရေး အကူအညီဖြစ်စေမယ့် လှုပ်ရှားမှုတစ်ခုကို ချီကာဂိုက သူ့ရဲ့ ဇာတိမြို့ ဂရေးစ်လိတ်က်မှာ ပြုလုပ်နေပြီး ဒီလှုပ်ရှားမှုမှာ ပါဝင်ကြဖို့လည်း အမေရိကန်ပြည်သူတွေကို တိုက်တွန်းခဲ့ပါတယ်။

“ကျွန်တော် ဒီလိုလုပ်ရပ်တွေကို ရင်ထဲအသည်းထဲကနေ ရှုတ်ချပြီး အမေရိကန်နိုင်ငံသား ဂျူးတွေဖက်ကနေ ကျွန်တော်ရပ်တည်ပါတယ်” လို့လည်း ရာရှစ်က ပြောကြားခဲ့ပါတယ်။

အမေရိကန်ဂျူးတွေကတော့ သူတို့ရဲ့ ဘာသာရေးပွဲတော်တစ်ခုကို တက်ရောက်ဖို့ ရာရှစ်ကို ဖိတ်ခေါ်ထားပါတယ်။

Emmy Award ဆု ရရှိထားတဲ့ တီဗီအစီအစဉ်တင်ဆက်သူ မွမ်မီ ဘက်တီက ဂျူးအဆောက်အဦးတွေကို ကာကွယ်စောင့်ရှောက်ဖို့ ရာရှစ်ရဲ့ တိုက်တွန်းမှုကို ထောက်ခံကာ ကိုယ်တိုင်လည်း ပါဝင်မယ်လို့ Twitter စာမျက်နှာမှာ ရေးသားခဲ့ပါတယ်။

“ကျွန်တော် ဟာရစ္စဘာ့ဂ်က မွတ်စလင်တစ်ဦးပါ။ တကယ်လို့ ခင်ဗျားတို့ရဲ့ ဂျူးဘုရားကျောင်းတွေ၊ လူမှုရေးစင်တာတွေမှာ စောင့်ရှောက်ဖို့ တစ်ယောက်ယောက် လိုအပ်မယ်ဆိုရင် ကျွန်တော် ခင်ဗျားတို့အတွက် စောင့်ရှောက်ပေးပါမယ်။ အစ္စလာမ်မှာ ဒါမျိုး လုပ်ပေးရမယ့်တာဝန် ရှိပါတယ်”

ဂျူးတွေရဲ့ အဆောက်အဦးတွေကို ကာကွယ်စောင့်ရှောက်ပေးဖို့ ကမ်းလှမ်းတဲ့ အမေရိကန်မွတ်စလင်တစ်ချို့ရဲ့ ရေးသားမှုတွေကတော့ အောက်ပါအတိုင်း ဖြစ်ပါတယ်။

“ဟူစတန်ဒေသက ဂျူးလူ့အဖွဲ့အစည်းခင်ဗျား – ကျွန်တော်ဟာ တိုင်းပြည်ကို ၁၀ နှစ်ကြာ ကာကွယ်စောင့်ရှောက်ပေးခဲ့ပါတယ်။ ခင်ဗျားတို့ ကျွန်တော့်ကို လိုအပ်မယ်ဆိုရင် ဂျူးတွေရဲ့ ၀တ်ပြုရာနေရာတွကို လိုလိုလားလားနဲ့ ကျွန်တော် ကာကွယ်စောင့်ရှောက်ပေးမှာပါ” (ခါလစ် ၀ါလစ် – အမေရိကန်စစ်သားဟောင်း)

“ကျွန်တော် ၀ါရှင်တန်ဒီစီက မွတ်စလင်တစ်ဦးပါ။ တကယ်လို့ ခင်ဗျားတို့ ဂျူးဘုရားကျောင်းကို ကာကွယ်ကွယ်စောင့်ရှောက်ဖို့ လိုအပ်မယ်ဆိုရင် ကျွန်တော် စောင့်ရှောက်ပေးပါမယ်။ အစ္စလာမ်မှာ ဒါမျိုး လုပ်ပေးရမယ့်တာဝန် ရှိပါတယ်” (ကာစင် ရာရှစ်)

Ref: BBC