အိုင်ယာလန်တွင် ကလေးများ အစုလိုက်အပြုံလိုက် မြှုပ်နှံထားသော နေရာနှစ်ခု တွေ့ရှိ

မတ် ၄၊ ၂၀၁၇
M-Media

– အိုင်ယာလန်နိုင်ငံ အနောက်ပိုင်း ဂါလ်ဝေးဒေသ တူအမ်မြို့ရှိ ခရစ်ယာန်ကက်သလစ်အသင်းတော်မှ ဖွင့်လှစ်ပေးခဲ့သော မိခင်နှင့်ကလေး စောင့်ရှောက်ရေးစင်တာဟောင်းတစ်ခုတွင် သန္ဓေသားများနှင့် ကလေးငယ်များ အစုလိုက်အပြုံလိုက် စွန့်ပစ်ထားသည့် နေရာနှစ်ခုအား တွေ့ရှိခဲ့သည်ဟု သိရသည်။

စင်တာ၏ မြေအောက်ခန်းများတွင် ကလေးငယ်များ၏ အလောင်းများ အစုလိုက်အပြုံလိုက် စွန့်ပစ်ထားသည်ဟု သတင်းများ၂၀၁၄ ခုနှစ်တွင် ထွက်ပေါ်လာပြီးနောက် ရှာဖွေဖော်ထုတ်မှုများကို ၂၀၁၆ ခုနှစ် နိုဝင်ဘာနှင့် ၂၀၁၇ ခုနှစ် ဖေဖော်ဝါရီတို့တွင် ပြုလုပ်ခဲ့ပြီး သေဆုံးသူများ၏ ရုပ်ကလပ် အကြွင်းအကျန်များ ရှိနေရာ နေရာ ၂ ခုကို တွေ့ခဲ့ခြင်းဖြစ်သည်။

တစ်ခုမှာ အမှိုက်သရိုက်များကို စွန့်ပစ်ထားသော ဧရာမ မိလ္လာတိုင်ကီကြီးဖြစ်ပြီး၊ အခြားတစ်ခုမှာ အခန်းပေါင်း ၂၀ ပါဝင်သော မြေအောက်ခန်းများဖြစ်သည်။

စုံစမ်းစစ်ဆေးရေးအဖွဲ့က ၃၅ ပတ်ရှိ သေန္ဓသားမှ ၃ နှစ်အထိရှိသော ကလေးငယ်များ၏ ရုပ်ကြွင်း ၉၀၀ ကျော်ကို တွေ့ရကြောင်း၊ ထိုကဲ့သို့ ရှာဖွေတွေ့ရှိမှုအတွက် တုန်လှုပ်ရပြီး တာဝန်ရှိသူကို ဖော်ထုတ်ရန် ဆက်လက် စုံစမ်းမှုများ ပြုလုပ်နေကြောင်း ပြောကြားခဲ့သည်။

အဆိုပါ မိခင်နှင်ကလေး စောင့်ရှောက်ရေးစင်တာမှာ ၁၉၂၅ ခုနှစ်မှ ၁၉၆၁ ခုနှစ်အထိ အသုံးပြုခဲ့ပြီး ယခုတွေ့ရသည့် ရုပ်ကြွင်းများမှာ ၁၉၅၀ ပြည့်နှစ်များက ဖြစ်မည်ဟုလည်း စုံစမ်းရေးအဖွဲ့က ထည့်သွင်းပြောဆိုခဲ့သည်။ ထိုကိစ္စတွင် ရဲတပ်ဖွဲ့က ပါဝင်ပတ်သက်မှုရှိလားဆိုသည်ကို စုံစမ်းစစ်ဆေးသွားမည်ဟု ဆိုသည်။

ထိုစင်တာမှာ တရားဝင်လက်ထပ်ထားခြင်းမရှိဘဲ ကိုယ်ဝန်ရသောကြောင့် ခရစ်ယာန် ကက်သလစ်အသိုင်းအ၀ိုင်း၏ ဖယ်ကျဉ်ခြင်းခံရသည့် မိခင်များနှင့် ကလေးငယ်များ နေထိုင်သည့်နေရာဖြစ်သည်။

မိခင်များမှာ လုပ်ခ လစာနည်းသော သို့မဟုတ် လုံးဝမရသော အလုပ်ကြမ်းများကို လုပ်ရခြင်း၊ မိမိတို့၏ ကလေးငယ်များနှင့် တစ်ပတ်လျှင် နာရီအနည်းငယ်သာ တွေ့ရခြင်း၊ မိခင်များကို အသိပေးခြင်းမရှိဘဲ ကလေးများအား နိုင်ငံခြားတိုင်းပြည်များရှိ မိသားစုများထံ မွေးစားရန် ပေးပစ်ခြင်းတို့ကြောင့် အဆိုပါ နေရာများမှာ မကောင်းသတင်းဖြင့် ကျော်ကြားသည်။

Ref: RT