ဓနသာဟာယ လူငယ်ထူးချွန်ဆု ဇကာတင်စာရင်းတွင် ဘင်္ဂါလီနှစ်ဦး ပါဝင်လာ

မတ် ၅၊ ၂၀၁၇
M-Media

– ‘၂၀၁၇ ခုနှစ် ဓနသဟာယ လူငယ်ထူးချွန်ဆု’ (2017 Commonwealth Young Person of the Year ) ဇကာတင်စာရင်း ၁၇ ဦးတွင် ဘင်္ဂလားဒေ့ရ်ှမှ လူငယ်နှစ်ဦး ပါဝင်လာသည်ဟု သိရသည်။

အူဟန်ချင်း မာရ်မာနှင့် သောင်ဖီက် အဟ်မဒ်ခန်းတို့ဖြစ်ကြပြီး ရေရှည်ဖွံ့ဖြိုးတိုးတက်ရေး ရည်ရွယ်ချက်များ (SDGs) အတွက် ၎င်းတို့၏ စွမ်းစွမ်းတမံ ဆောင်ရွက်မှုများကြောင့် ဇကာတင်စာရင်းတွင် ပါဝင်လာခြင်းဖြစ်သည်ဟု ဓနသဟာယ ၀ဘ်ဆိုက်က ဗုဒ္ဓဟူးနေ့တွင် ဖော်ပြခဲ့သည်။

မာရ်မာမှာ Menstruation Hygiene Campaign လှုပ်ရှားမှုကို စတင်ဆောင်ရွက်ခဲ့သောကြောင့် ယခုကဲ့သို့ အသိအမှတ်ပြုခံခဲ့ရပြီး ထိုလှုပ်ရှားမှုအတွင်း အမျိုးသမီးငယ် ၇၀၀ ၀န်းကျင်ကို လိင်ပိုင်းဆိုင်ရာနှင့် မျိုးပွားခြင်းဆိုင်ရာ ကျန်းမာရေး၊ အခွင့်အရေးများကို သိရှိလာအောင် အသိပညာပေးခဲ့သည်။

South Asian Society ကို ဖွဲ့စည်းတည်ထောင်ထားသည့် သောင်ဖီက်မှာ SDGs နှင့်ပတ်သက်၍ အမျိုးသမီးငယ်များအား စွမ်းအားမြှင့်ပေးရန်အတွက် “Girls for Global Goals” လှုပ်ရှားမှုကို စဆောင်ရွက်ခဲ့ပြီး အမျိုးသမီးငယ် ၆၀၀ ခန့် အကျိုးဖြစ်ထွန်းခဲ့သည်။ လှုပ်ရှားမှုတွင် စေတနာ့ဝန်ထမ်းပေါင်း ၄၅၀၀ က စီမံကိန်းပေါင်း ၅၀၀ ကျော်ကိုလည်း ဆောင်ရွက်နေသည်။

သောင်ဖီးက်၏ Know your SDGs လှုပ်ရှားမှုမှာလည်း လူငယ်ပေါင်း ၄၂၀၀၀ ထံ ရောက်ရှိခဲ့သည်။ ဆုပေးပွဲအခမ်းအနားကို လန်ဒန်မြို့ရှိ Marlborough House ၌ မတ်လ ၁ ရက်နေ့တွင် ကျင်းပပြုလုပ်မည်ဖြစ်သည်။

ယခုနှစ် ဇကာတင်စာရင်းတွင် ပါဝင်သူများမှာ ၂၀၃၀ ပြည့်နှစ်တွင် လုပ်ဆောင်ပြီးသားဖြစ်ရမည်ဟု သတ်မှတ်ထားသော ကမ္ဘာလုံးဆိုင်ရာ ရည်မှန်းချက် ၁၇ ခု ပါဝင်သည့် SDGs အကြောင်းကို ပြည်သူများ သိရှိစေရန် အထောက်အကူဖြစ်စေမည့် စီမံကိန်းများအား ဦးစီးဦးဆောင်ပြုသူများကို အသိအမှတ်ပြုခြင်းဖြစ်သည်။

အခြားဆုတစ်ခုဖြစ်သော Commonwealth Youth Awards for Excellence in Development Work မှာ အာရှ၊ ပစိဖိတ်၊ ကာရစ်ဘီယံနှင့် အမေရိက၊ အာဖရိက၊ ဥရောပတို့တွင် ဆင်းရဲမွဲတေမှုလျှော့ချခြင်းမှ ငြိမ်းချမ်းမှုတည်ဆောက်ရေး လုပ်ငန်းများကို လုပ်ဆောင်နေသည့် အသက် ၁၅ နှစ်မှ ၂၉ နှစ်အကြား လူငယ်များကို ပေးအပ်ချီးမြှင့်ခြင်းဖြစ်သည်။

ဇကာတင်စာရင်းတွင် ပါဝင်သူများကို ဓနသဟာယ မဟာမင်းကြီးရုံး၊ ဓနသဟာယ အဖွဲ့အစည်းများနှင့် လူငယ်ခေါင်းဆောင်များ ပါဝင်သော ဒိုင်လူကြီးအဖွဲ့က ရွေးချယ်ပေးခြင်းဖြစ်သည်။ Commonwealth Young Person of the Year ဆုရရှိသူကို မတ်လ ၁၅ ရက်နေ့တွင် ကြေငြာသွားမည်ဖြစ်ပြီး အာရှ၊ ပစိဖိတ်၊ ကာရစ်ဘီယံနှင့် အမေရိက၊ အာဖရိက၊ ဥရောပတို့မှ ဒေသအလိုက် အထူးချွန်ဆုံး လူငယ်များကိုလည်း ကြေငြာသွားမည်ဖြစ်သည်။

ယခုနှစ် ဇကာတင်စာရင်းတွင် သြစတေးလျ၊ ဘင်္ဂလားဒေ့ရှ်၊ ကနေဒါ၊ ဂူယာနာ၊ ဂျမေကာ၊ မာလာဝီ၊ နိုက်ဂျီးရီးယား၊ ပါကစ္စတန်၊ ပါပူအာ နယူးဂီနီ၊ သီရိလင်္ကာ၊ စိန့်ဗင်းဆင့်နှင့် ဂရီနာဒိုင်၊ ယူဂန်ဒါနှင့် ယူကေနိုင်ငံတို့မှ လူငယ်များ ပါဝင်ကြသည်။

Ref : The Daily Star