အစိုးရဘက်ဂျက်နှင့် အဆင်မပြေသည့် မြောက်ဦးလေဆိပ်အတွက် တင်ဒါခေါ်မည်

မေ ၅၊ ၂၀၁၇
M-Media

– အစိုးရဘက်ဂျက်ဖြင့် တည်ဆောက်ရန် အဆင်မပြေသည့် မြောက်ဦးလေဆိပ်အတွက် တင်ဒါခေါ်ယူသွားမည်ဟု ရခိုင်ပြည်နယ်အစိုးအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးကျော်အေးသိန်းက ပြောကြားလိုက်သည်။

လေဆိပ်ဆောက်လုပ်ရေး လုပ်ငန်းကို ၂၀၁၅ ခုနှစ်က စတင်ခဲ့ပြီး ဗဟိုအစိုးရက တစ်နှစ်လျှင် ထိုစီမံကိန်းအတွက် ငွေကျပ် ၂ ဘီလီယံသာ ထောက်ပံ့သည့်အတွက် ထိုငွေပမာဏနှင့် စီမံကိန်းပြီးဆုံးရန်မှာ နောက်ထပ် ၁၀ နှစ်ကျော် ကြာမြင့်မည်ဟု ၎င်းက ဆိုသည်။

“လေဆိပ်ဆောက်လုပ်ဖို့အတွက် တစ်နှစ်ကို ကျပ် ၂ ဘီလီယံလောက်ပဲ သုံးနိုင်တယ်။ ဒီစီမံကိန်းတစ်ခုလုံး အပြီးသတ်ဖို့အတွက် ငွေကျပ် ၂၆ ဘီလီယံလောက် လိုအပ်ပါတယ်။ ဒါ့ကြောင့် စီမံကိန်းကို တာဝန်ယူလိုတဲ့ ကုမ္ပဏီတွေကို တင်ဒါပေးဖို့ ဆုံးဖြတ်လိုက်တာပါ။ တင်ဒါအောင်တဲ့သူ ဆောင်ရွက်လို့ရှိရင် လေဆိပ်ဟာ ၃ နှစ်အတွင်း ပြီးဆုံးနိုင်ပါတယ်။ ဒါဟာ မြောက်ဦးဒေသက ခရီးသွားလုပ်ငန်းနဲ့ စီးပွားရေးကို အားကောင်းစေမှာ ဖြစ်ပါတယ်”

လက်ရှိတွင် မြောက်ဦးကို ပြည်နယ်မြို့တော် စစ်တွေမှ ရေကြောင်း၊ ကုန်းကြောင်းတို့ဖြင့်သာ သွားလာနိုင်သည်။

မြောက်ဦးတွင် သမိုင်းဝင် စေတီပုထိုးပေါင်း ၁၅၀၀ ကျော်ရှိနေပြီး အချို့၏ သက်တမ်းမှာ နှစ်ပေါင်း ၈၀၀ ကျော် ကြာမြင့်နေပြီဖြစ်သည်။ ထိုဒေသအား ယူနက်စကို၏ ကမ္ဘာ့အမွေအနှစ်စာရင်းဝင် ဖြစ်လာစေရန် ကြိုးပမ်းနေသည်။

ထို့ပြင် အဆိုပါ ဒေသမှာ နိုင်ငံခြားသားများ စိတ်ဝင်စားရာ နေရာလည်းဖြစ်ပြီး တစ်နှစ်လျှင် မြောက်ဦးသို့ လာရောက်သည့် နိုင်ငံခြား ခရီးသွားအရေအတွက်မှာ ၄၀၀၀ ကျော် ရှိနေသည်။

Ref: Bangkokpost