မလေးရှားနိုင်ငံသားများ တိုင်းပြည်မှ ထွက်ခွာမှုကို မြောက်ကိုရီးယား ပိတ်ပင်

မတ် ၇၊ ၂၀၁၇
M-Media

မလေးရှားလေဆိပ်တွင် လုပ်ကြံခံရသည့် ကင်ဂျုံနမ်

– ကွာလာလမ်ပူတွင် ကင်ဂျုံနမ် လုပ်ကြံခံရမှုကြောင့် မြောက်ကိုရီးယားနှင့် မလေးရှားတို့၏ တင်းမာမှု မြင့်တက်နေစဉ် မြောက်ကိုရီးယားက ၎င်းတို့နိုင်ငံအတွင်းရှိ မလေးရှားနိုင်ငံသားများ တိုင်းပြည်မှ ထွက်ခွာမှုကို ပိတ်ပင်လိုက်ပြီး ဓားစာခံများအဖြစ် ပြုလုပ်လိုက်ခြင်းလည်း ဖြစ်သည်။

မြောက်ကိုရီးယား နိုင်ငံပိုင်သတင်းဌာန KCNA က ယနေ့တွင် ကြေငြာခဲ့ခြင်းဖြစ်ပြီး မလေးရှားတွင် ဖြစ်ပွားနေသည့်ပြဿနာ ကျေကျေလည်လည် ဖြေရှင်းပြီးသည်အထိ ပိတ်ပင်ခြင်းဖြစ်သည်ဟု ဆိုသည်။

မလေးရှား ဒုတိယနိုင်ငံခြားရေးဝန်ကြီးက လက်ရှိတွင် မြောက်ကိုရီးယားနိုင်ငံ၌ မလေးရှားနိုင်ငံသား ၁၁ ဦး ရှိနေပြီး ၎င်းတို့ထဲမှ ၃ ဦးမှာ သံရုံးဝန်ထမ်းများဖြစ်သည်ဟု ပြောကြားခဲ့သည်။

မြောက်ကိုရီးယား၏ ထိုလုပ်ရပ်ကို တုန့်ပြန်သောအနေဖြင့် မြောက်ကိုရီးယား သံရုံးမှ ၀န်ထမ်းအားလုံးနှင့် သံတမန်များကို မလေးရှားက ထွက်ခွာခွင့် ပိတ်ပင်လိုက်ပြီဟု မလေးရှား နိုင်ငံခြားရေးဝန်ကြီး အဟ်မဒ် ဇာဟ်စ် ဟာမီဒီက သတင်းစာရှင်းလင်းပွဲတွင် ပြောကြားခဲ့သည်။

မြောက်ကိုရီးယားခေါင်းဆောင် ကင်ဂျုံအန်၏ အဖေတူ အမေကွဲအစ်ကိုဖြစ်သူ ကင်ဂျုံနမ် အသတ်ခံရမှုမှာ မြောက်ကိုရီးယား အစိုးရလက်ချက်ဖြစ်သည်ဟု တောင်ကိုရီးယားက စွပ်စွဲထားသည်။ မြောက်ကိုရီးယားက ကင်ဂျုံနမ်၏ အလောင်းကို ပြန်လိုချင်သော်လည်း မလေးရှားက ပြန်မပေးဘဲ စုံစမ်းစစ်ဆေးမှုများ ပြုလုပ်ကာ မြောက်ကိုရီးယားနိုင်ငံသားများကိုလည်း သံသယရှိသူများအဖြစ် ကြေငြာခဲ့သောကြောင့် နှစ်နိုင်ငံ တင်းမာမှု မြင့်တက်လာခြင်းဖြစ်သည်။

ပြီးခဲ့သည့်တစ်ပတ်က မလေးရှားမှာ မြောက်ကိုရီးယားသံအမတ်ကို နှင်ထုတ်ခဲ့ပြီး သောကြာနေ့နှောင်းပိုင်းကလည်း မြောက်ကိုရီးယားက မလေးရှားသံအမတ်ကို နှင်ထုတ်ခဲ့သည်။

Ref: CNA