စစ်ဖြစ်နေတဲ့ ကိုးကန့်ဒေသအပေါ် တရုတ်က ဘယ်လိုသဘောထား ရှိနေလဲ

မတ် ၉၊ ၂၀၁၇
M-Media

– မြန်မာနိုင်ငံမြောက်ပိုင်းတွင် တိုက်ခိုက်မှုများ ပြန်လည်ဖြစ်ပေါ်လာခဲ့ပြီး မြန်မာပြည်သူများစွာမှာ တရုတ်နိုင်ငံထဲသို့ ထွက်ပြေးရသည်အထိ ဖြစ်ခဲ့သည်။ တရုတ်နှင့် ထိစပ်နေသည့် ကိုးကန့်ဒေသနှင့် ပတ်သက်၍ ပြည်သူများ၏ စိုးရိမ်မှုများလည်း ကျယ်ကျယ်ပြန့်ပြန့် မြင့်တက်လာခဲ့သည်။ ဤဒေသတွင် လက်ရှိဖြစ်နေသော အခြေအနေကို နားလည်ရန် တရုတ်ပြည်သူ့သမ္မတနိုင်ငံ ပထမမျိုးဆက် ခေါင်းဆောင်များ၏ နိုင်ငံရေး သဘောထားများကို ပြန်ကြည့်ရမည်။

၁၈၈၅ ခုနှစ်တွင် ဗြိတိန်က ကုန်းဘောင်မင်းဆက်လက်မှ မြန်မာနိုင်ငံကို သိမ်းပိုက်ခဲ့ပြီး ဗြိတိန်သျှပိုင် အိန္ဒိယ၏ အစိတ်အပိုင်းအဖြစ် သွတ်သွင်းခဲ့သည်။ ထိုအချိန်က ကိုးကန့်ဒေသမှာ တရုတ်နိုင်ငံ၏ အုပ်ချုပ်မှုအောက်တွင် ရှိခဲ့ပြီး နောက်ပိုင်း မြနမာနိုင်ငံသို့ လွှဲပေးရန် ဗြိတိန်၏ ဖိအားပေးမှုကို ချင်မင်းဆက်က ခံခဲ့ရသည်။ ယနေ့အချိန်အထိ ထိုဒေသတွင် နေထိုင်သူများမှာ တရုတ်၏ အဓိကလူမျိုးဖြစ်သော ဟန်လူမျိုးများဖြစ်သည်။ မြန်မာနိုင်ငံ၏ တိုင်းရင်းသားမျိုးနွယ်တစ်ခုအဖြစ် ၎င်းတို့မှာ ကိုးကန့်ဒေသကို ကိုယ်ပိုင်အုပ်ချုပ်ခွင့် ရထားသည်။

တရုတ်နှင့် မြန်မာနိုင်ငံတို့ နယ်စပ်ကိစ္စဆွေးနွေးသည့် ၁၉၅၀ ပြည့်နှစ်များတွင်လည်း ကိုးကန့်ဒေသက အငြင်းပွားစရာ ပြဿနာတစ်ခု ဖြစ်ခဲ့သည်။ ကိုကန့်ဒေသကို မြန်မာသို့ပေးကာ တရုတ်ဖက်က အလျှော့ပေးခဲ့သည်။ ၁၉၆၀ ခုနှစ် မြန်မာနိုင်ငံနှင့် တရုတ်တို့ ချုပ်ဆိုသည့် နယ်နနမိတ် သဘောတူညီချ က်အရ ကိုးကန့်မှာ မြန်မာနိုင်ငံ၏အစိတ်အပိုင်း တရားဝင်ဖြစ်လာခဲ့သည်။

ယနေ့အချိန်အထိ တရုတ်ပြည်သူအများစုက ကိုးကန့်အား မြန်မာနိုင်ငံသို့ ပေးလိုက်ခြင်းမှာ ကြီးမားသော ဆုံးရှုံးမှုတစ်ခုဖြစ်သည်ဟု ယုံကြည်နေကြသည်။ ရုရှားက ခရိုင်းမီးယားကို ပြန်သိမ်းသကဲ့သို့ ကိုးကန့်ကို တရုတ်က ပြန်သိမ်းရန် တိုက်တွန်းမှုများပင် ရှိနေလေ၏။

၎င်းတို့ကိုယ်ကို တရုတ်နွယ်ဖွားများဟု ပြောကြသည့် ကိုးကန့် တိုင်းရင်းသားလက်နက်ကိုင် အချို့ကလည်း ထိုသဘောထားများကို ပြောလာကြသည်။ မြန်မာစစ်တပ်ကို ချေမှုန်းရေး တရုတ်က စစ်ရေးအရ တိုက်ရိုက် ကူညီထောက်ပံ့ရန်လည်း ၎င်းတို့က တောင်းဆိုသည်။

ထိုဒေသ၏ သမိုင်းဆိုင်ရာအခြေအနေကို နားလည်ထားမှသာလျှင် ကိုးကန့်အား မြန်မာနိုင်ငံသို့ လွှဲပေးရေး ဆုံးဖြတ်ချက်၏ အရေးပါမှုကို မိမိတို့အနေဖြင့် သဘောပေါက်နိုင်မည်ဖြစ်သည်။

၁၉၅၀ ပြည့်နှစ်များက တရုတ်နိုင်ငံမှာ အမေရိကန်၏ ပိတ်ဆို့မှုကို ခံထားရသည်။ ထိုအချိန်က မြန်မာအစိုးရမှာ အမေရိကန်နှင့် စစ်ရေးသဘောတူ စာချုပ်ချုပ်ထားပြီး အမေရိကန်ထံမှ စစ်ရေးအကူအညီများကို ရရှိနေသည်။ ကူမင်တန်အကြွင်းအကျန်တပ်များက မြန်မာနိုင်မြောက်ပိုင်းမှ တရုတ်အား ပြန်တိုက်ရန် ကြိုးစားသည့်အချိန်တွင် တရုတ်ကို ရင်ဆိုင်ရန် အိန္ဒိယကလည်း မြန်မာကို မပြတ်တမ်း လှုံ့ဆော်နေသည်။

မြန်မာနှင့် တရုတ်အကြား နယ်စပ်ဒေသကိစ္စ ဖြေရှင်းမှုက ဒေသတွင်း တင်းမာမှုကို လျော့ကျစေပြီး ကူမင်တန်အကြွင်းအကျန်တပ်များကို ချေမှုန်းရန်၊ တရုတ်-အိန္ဒိယစစ်ပွဲတွင် တရုတ်နိုင်ငံအတွက် လိုအပ်နေသော အထောက်အပံ့ကို ရရှိစေရန်အတွက် အကူအညီဖြစ်စေခဲ့သည်။

မြန်မာနှင့် နယ်စပ်ပြဿနာကို ဆွေးနွေးအဖြေရှာမှုမှတစ်ဆင့် ဖြေရှင်းခြင်းအားဖြင့် အိမ်နီးချင်းနိုင်ငံများအပေါ် မိတ်ဆွေပီသမှုကို ပြသရန်၊ အခြားသော အိမ်နီးချင်းနိုင်ငံများနှင့် အနာဂတ်တွင် နယ်စပ်ပြဿနာများ ဖြေရှင်းရေး ရှေ့ပြေး နမူနာဖြစ်စေရန် တရုတ်က ရည်ရွယ်ခဲ့သည်။

တရုတ်ဝန်ကြီးချုပ်ဟောင်း ချူအန်လိုင်းက တရုတ်-မြန်မာ နယ်စပ်ပြဿနာကို ဖြေရှင်းမှုမှာ နိုင်ငံရပ်ခြားမှ တရုတ်အပေါ်ရှိနေသည့် ဖိအားများကို လျော့ကျစေရေး၊ ငြိမ်းချမ်းစွာ အတူယှဉ်တွဲနေထိုင်မှု အောင်မြင်ရေး၊ တရုတ်အပေါ် နိုင်ငံရပ်ခြားမှ ကျူးကျော်မှု၊ ထိခိုက်စေမှု စစ်မျက်နှာကို ဖရိုဖရဲဖြစ်စေရေး အကူအညီဖြစ်နိုင်သည်ဟု တစ်ခါက ပြောခဲ့ဖူးသည်။ သို့သော် ထိုရည်မှန်းချက်များက မပြည့်ဝဘဲ အဓိကအားဖြင့် ထိုစဉ်က နိုင်ငံတကာ အသိုင်းအ၀ိုင်းကြောင့် ဖြစ်သည်။ ထိုအချိန်က တရုတ်မှာ အရှေ့တောင်အာရှနှင့် တောင်အာရှတို့တွင် ကွန်မြူနစ်လှုပ်ရှားမှုများကို တိုက်ရိုက် သို့မဟုတ် သွယ်ဝိုက်၍ ထောက်ပံ့နေပြီး ကိုးကန့်လွတ်မြောက်ရေး လက်နက်ကိုင်အဖွဲ့ ပေါ်ထွက်လာမှုတွင် ထိုထောက်ပံ့မှုက တစ်စိတ်တစ်ပိုင်း ပါဝင်သည်။

၁၉၇၈ ခုနှစ် ပြုပြောင်းလဲရေးနှင့် တံခါးဖွင့်ဝါဒကို ကျင့်သုံးပြီးနောက် ကွန်မြူနစ်လှုပ်ရှားမှုများကို ထောက်ပံ့ရေးနှင့် ပဋိပက္ခ ငြိမ်းချမ်းစွာအဆုံးသတ်ရေးဆိုသည့် အရှေ့အနောက်မညီသည့် ပေါ်လစီကို ကျင့်သုံးခဲ့သည်။ ခေါင်းဆောင်ဟောင်း ဇန် ရှောင်ပင်း အရှေ့တောင်အာရှသို့ သွားရောက်ပြီးကတည်းက ဒေသတွင်းမှ တရုတ်လူမျိုးများမှာ တရုတ်နိုင်ငံ ဖွံ့ဖြိုးရေးအတွက် အကြီးအကျယ် ထောက်ပံ့မှု ပေးခဲ့သည်။

ယခုအချိန်တွင်တော့ တရုတ်နိုင်ငံမှာ ကမ္ဘာ့ ဒုတိယ စီးပွားရေးအကြီးဆုံးနိုင်ငံဖြစ်နေပြီး ပတ်ဝန်းကျင်ဒေသများ ဖွံ့ဖြိုးတိုးတက်မှုကို မြှင့်တင်ပေးရန်၊ အားလုံးအတွက် အကျိုးရှိမည့် စီးပွားရေးဇုန် တည်ထောင်ပေးရန် အခွင့်အလမ်းအသစ်များကိုလည်း ရင်ဆိုင်နေရသည်။ ယခုအချိန်မှာ ယခင် တရုတ်ခေါင်းဆောင်များ၏ မဟာဗျူဟာမြောက်သော အမြင်ကို နားလည်နိုင်သည့် အချိန်လည်းဖြစ်သည်။

တရုတ်နိုင်ငံမှာ ရုရှားမဟုတ်သလို၊ ရုရှားကိုလည်း လိုက်တုမည်မဟုတ်။ ကိုးကန့်မှာ မြန်မာနိုင်ငံ၏ ပိုင်နက်ဖြစ်သည်။ ထို့ကြောင့် ကိုးကန့်ဒေသ ဖွံ့ဖြိုးတိုးတက်ရေးမှာ မြန်မာနိုင်ငံ၏ စီရင်ပိုင်ခွင့်အတွင်း ရှိနေသည့်ကိစ္စဖြစ်သည်။ ထိုဒေသ ဆက်လက်ဖွံ့ဖြိုးနေသမျှ ကာလပတ်လုံး၊ ပြည်သူများ၏ လူနေမှုအဆင့်အတန်း တိုးတက်နေသမျှ ကာလပတ်လုံး ထိုအခြေအနေက တရုတ်နှင့် မြန်မာအကြား နယ်စပ်ဒေသ ဖွံ့ဖြိုးရေးအတွက် မောင်းနှင်ပေးမည့် အကြောင်းအရင်းတစ်ခု ဖြစ်လာနိုင်သည်။

ရုရှားက ခရိုင်းမီးယားအား ပြန်လည် သိမ်းပိုက်သကဲ့သို့ ကိုးကန့်ဒေသကို ပြန်ယူခြင်းမှာ ကိုးကန့်ရှိ ပဋိပက္ခကို လျှော့ချနိုင်မည်မဟုတ်ဘဲ အခြား အိမ်နီးချင်းနိုင်ငံများအထိပါ တင်းမာမှုက ပြန်နှံ့သွားမည်ဖြစ်သည်။

တရုတ်နိုင်ငံက ကိုးကန့်ပြည်သူများ၏ ဘေးအန္တရာယ်ကင်းရေးကို လစ်လျူမရှု။ သို့သော်လည်း နိုင်ငံရေးနှင့် သံတမန်ရေး နည်းလမ်းများမှတစ်ဆင့် အခြေအနေတည်ငြိမ်အောင် အတတ်နိုင်ဆုံး လုပ်ဆောင်သွားမည်ဖြစ်သည်။ ကိုးကန့်ဒေသသို့ တရုတ်နိုင်ငံကပေးနိုင်သည့် အထိရောက်ဆုံး ကူညီမှုမှာ ပြည်သူများ အခြေချနိုင်ရေး ကူညီရန်နှင့် ဖွံ့ဖြိုးတိုးတက်ရေးအတွက် အာရုံစိုက်ရန်ပင် ဖြစ်သည်။

Ref: Globaltimes

( Globaltimes မှ Why ‘recover’ Kokang is not an option for China ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်။)