ဘာစီလိုနာကို ရှုံးပြီးအပြန်တွင် ပီအက်စ်ဂျီအသင်း နှောက်ယှက်တိုက်ခိုက်ခံရ

မတ် ၁၀၊ ၂၀၁၇
M-Media

– ဘာစီလိုနာအား အံ့အားသင့်ဖွယ်ရှုံးနိမ့်ခဲ့ပြီးနောက် အိမ်ပြန်လာသည့် ပီအက်စ်ဂျီအသင်းမှာ ပြင်သစ်လေဆိပ်တွင် လူတစ်စု၏ နှောက်ယှက်တိုက်ခိုက်ခြင်းကို ခံခဲ့ရပြီး ရဲတပ်ဖွဲ့က ထိုကိစ္စအတွက် စုံစမ်းစစ်ဆေးနေသည်ဟု သိရသည်။

ချန်ပီယံလိဂ် ၁၆ သင်းအဆင့် ရှုံးထွက် ပထမအကျော့ အိမ်ကွင်းတွင် ၄ ဂိုးပြတ်ဖြင့် အနိုင်ရခဲ့သည့် ပီအက်စ်ဂျီ အသင်းမှာ ယမန်နေ့မနက်က ကစားခဲ့သည့် ဒုတိယအကျော့တွင် ဘာစီလိုနာကို ၆ ဂိုး ၁ ဂိုးဖြင့် အံ့အားသင့်ဖွယ် ရှုံးနိမ့်ခဲ့ပြီး ပြိုင်ပွဲမှ ထွက်ခဲ့ရသည်။

ထို့နောက် ပြင်သစ်သို့ ပြန်လည်ရောက်ရှိချိန် Bourget လေဆိပ်တွင် လူအုပ်စုတစ်ခုက အသင်းသားများအား နှောက်ယှက်ကာ ကားများကို တိုက်ခိုက်မှုများ ပြုလုပ်ခဲ့သည်။

“အဲဒီသူတွေက ကစာသမားတွေကို စော်ကားပြောဆိုပြီး နောက်ပိုင်းမှာ ကားတွေကို ဖျက်ဆီးခဲ့ကြပါတယ်။ ကားတော်တော်များများ ပျက်ဆီးခဲ့ပါတယ်။ ဒီ ဆိုးဆိုးဝါးဝါးရန်လိုတဲ့ အဖြစ်အပျက်ကြောင့် ကစားသမားတွေ၊ သူတို့ရဲ့မိသားစုတွေ၊ ကလပ်အသင်းအဖွဲ့ဝင်တွေ ဘေးအန္တရာယ်ကင်းရေးအတွက် လုံခြုံရေး ပေးခဲ့ရပါတယ်” ဟု ပီအက်စ်ဂျီအသင်းက ထုတ်ပြန်သည့် ကြေငြာချက်တွင် ဖော်ပြထားသည်။

လက်ရှိတွင် ထိုကိစ္စအတွက် စုံစမ်းစစ်ဆေးမှုများကို ရဲတပ်ဖွဲ့က စတင်လုပ်ဆောင်နေပြီး မိမိတို့အသင်းက ကူညီပံ့ပိုးသွားမည်ဖြစ်ကြောင်း၊ ထိုအဖြစ်ပျက်ကိုလည်း မိမိတို့က ပြင်းပြင်းထန်ထန် ရှုတ်ချက်ကြောင်း ပီအက်စ်ဂျီက ထည့်သွင်းပြောဆိုခဲ့သည်။

Ref: Goal