အီဂျစ်တွင် နှစ်ပေါင်း ၃၀၀၀ ကျော်သက်တမ်းရှိ ဖာရိုရုပ်ထုများ တွေ့ရှိ

မတ် ၁၁၊ ၂၀၁၇
M-Media

– အီဂျစ်နိုင်ငံ ကိုင်ရိုင်မြို့ဆင်ခြေဖုံး မတ္တာယာခရိုင်က ရွံ့အိုင်ကြီးတစ်ခုထဲမှာ နှစ်ပေါင်း ၃၀၀၀ ကျော်လောက် သက်တမ်းရှိမယ့် ဖာရိုဘုရင် ရုပ်ထုနှစ်ခုကို တွေ့ရှိခဲ့တယ်လို့ ရှေးဟောင်း သုတေသနပညာရှင်တွေက ပြောကြားလိုက်ပါတယ်။

အဲဒီခရိုင်ဟာ ရှေးဟောင်းအီဂျစ်ရဲ့ ရှေ့အကျဆုံး မြို့တွေထဲက တစ်မြို့ဖြစ်တဲ့ ‘ဟီလီယိုပိုးလစ်မြို့’ တည်ရှိခဲ့ရာနေရာဖြစ်ပြီး လက်ရှိမှာတော့ အလယ်အလတ်လူတန်းစားတွေ နေထိုင်ရာနေရာတစ်ခု ဖြစ်လို့နေပါတယ်။

ဒီရုပ်ထုကြီးနှစ်ခုကို ကြာသာပတေးနေ့က တွေ့ခဲ့တာဖြစ်ပြီး ဘီစီ ၁၃၁၄ ကနေ ၁၂၀၀ အထိ အုပ်စိုးခဲ့တဲ့ ၁၉ ဆက်မြောက် ဖာရိုမင်းဆက်တွေရဲ့ ရုပ်တုတွေဖြစ်မယ်လို့ ခန့်မှန်းထားပါတယ်။ ရုပ်တုတစ်ခုဟာ ၈ မီတာရှိနေပြီး သလင်းကျောက်နဲ့ ထုတ်လုပ်ထားတာဖြစ်ပါတယ်။

ရုပ်ထုဟာ ဘယ်ဘုရင်ကို ကိုယ်စားပြုလဲဆိုတာ ဖော်ထုတ်လို့ မရသေးပေမယ့် ဘုရင် ‘ရမ်ဆက်စ် ၂’ (King Ramses II) အဆောက်အဦးရဲ့ ၀င်ပေါက်မှာ တွေ့ရှိတာကြောင့် ဒါဟာ ဘရင် ရမ်ဆက်စ်ကို ကိုယ်စားပြုတယ်လို့ ယူဆနေပါတယ်။

နောက်ထပ် ရုပ်ထုကတော့ ဘီစီ ၁၂ ရာစုက အုပ်စိုးခဲ့တဲ့ ဘုရင် ‘စီတီ ၂’ (King Seti II) ရဲ့ ရုပ်ထုဖြစ်ပြီး ထုံးကျောက်နဲ့ ထုလုပ်ထားတာပါ။

ဒီရုပ်ထုတွေကို ဂျာမနီနဲ့ အီဂျစ် ရှေးဟောင်း သုတေသနပညာရှင်တွေရဲ့ ပူးပေါင်းရှာဖွေမှုမှာ တွေ့ရှိခဲ့တာဖြစ်ပါတယ်။

“ဒီရုပ်တုနှစ်ခုကို တွေ့ရှိမှုဟာ (နေနတ်ဘုရား) ‘ရာ’ ကို ကိုးကွယ်တဲ့ ဟီလီယိုပိုးလစ်မြို့ရဲ့ အရေးပါမှုကို ပြသလိုက်တာဖြစ်ပါတယ်” လို့ အီဂျစ်တူးဖော်ရေးအဖွဲ့ခေါင်းဆောင် အေမန် အက်ရ်ှမာဝီက ပြောကြားခဲ့ပါတယ်။

ဂျာမနီအဖွဲ့အကြီးအကဲ ဒီထရစ်ခ်ျ ရောကတော့ ဒီရုပ်တုတွေကို ပြန်လည်ပြင်ဆင်ရေး နောက်တစ်နေရာကို ပို့နိုင်ဖို့အတွက် ဒီရုပ်တွေကို မရာမှ ခက်ခဲနေတယ်လို့ ပြောကြားခဲ့ပါတယ်။

Ref: Aljazeera