တိုက်ကြီး ၇ တိုက်မှာ ၇ ရက်အတွင်း မာရသွန် ၇ ကြိမ်ပြေးတဲ့ အသက် ၇၀ အရွယ် အဖွားအို

မတ် ၁၅၊ ၂၀၁၇
M-Media

– အမေရိကန်ပြည်ထောင်စု မစ်ဇူရီပြည်နယ်က အသက် ၇၀ အရွယ် ချွာစမစ်ဆိုတဲ့ အဖွားအိုဟာ တိုက်ကြီး ၇ တိုက်မှာ ၇ ရက်အတွင်း မာရသွန် ၇ ခါ ပြေးမယ်ဆိုတဲ့ သူ့ရဲ့ ရည်ရွယ်ချက်ကို အပြည့်အ၀ အကောင်အထည် ဖော်နိုင်ခဲ့ပါတယ်။

ဇန်န၀ါရီ ၂၅ ရက်နေ့ကနေ ၃၁ ရက်နေ့အတွင်းမှာ သြစတေးလျက ပါ့သ်မြို့၊ စင်ကာပူ၊ ကိုင်ရို၊ အမ်စတာဒမ်၊ ဂါးဒင်းစီးတီး၊ နယူးယောက်၊ ပွန်တာ အရီရာနက်စ်၊ ချီလီနဲ့ ကင်းဂျော့ဂ်ျကျွန်းတို့မှာ ပြေးခဲ့တာပါ။

တစ်နေ့ကို ၂၆.၂ မိုင် ပြေးပြီးတဲ့နောက် စမစ်ဟာ လေယာဉ်နဲ့ အခြားတစ်နေရာကိုသွားခဲ့ပြီး နောက်ထပ် ၂၆.၂ မိုင် ထပ်ပြေးပါတယ်။

“ဒါကို မလုပ်ခင်မှာ သူမဟာ လူသိ မခံလိုပါဘူး။ သူ တော်တော်လေး ကျော်ဖြတ်ခဲ့ရပြီး သူမပြေးတာ၊ ဒီရည်ရွယ်ချက် ပြည့်ဝသွားတာကို ကြည့်ရှုရတာဟာ တော်တော်လေး အားကျစရာကောင်းပါတယ်” လို့ အထူး ခရီးသွားအစီအစဉ်တွေကို ဖန်တီးပေးနေတဲ့ Marathon Adventures ကုမ္ပဏီပိုင်ရှင် စတီဗ် ဟစ်ဘ်က ပြော
ကားခဲ့ပါတယ်။

စမစ်ရဲ့ ဒီအစီအစဉ်ကို တစ်ခြား ဘယ်သူမှ ပါဝင်ခြင်းမရှိဘဲ သူမဟာလည်း ၈ လဆက်တိုက် မရပ်မနား လေ့ကျင့်ခဲ့ရတာ ဖြစ်ပါတယ်။

“၈ လလောက် သေသေချာချာ လေ့ကျင့်ခဲ့ရပါတယ်။ နောက်ဆုံး ၄ လမှာ ကျွန်မဟာ ခရီးရှည်တွေ ပြေးခဲ့ပြီး သီတင်းတစ်ပတ်တိုင်းမှာ ၁၅ မိုင်ကနေ မိုင် ၁၃၀ လောက်အထိ ပြေးခဲ့ပါတယ်” လို့ စမစ်က ဆိုပါတယ်။

Triple 7 Quest လို့အမည်ပေးထားတဲ့ သူမရဲ့ ဒီ မာရသွန်ဟာ လွယ်ကူခဲ့တာတို့ မဟုတ်ပါဘူး။ သြစတေးလျမှာ ပြေးတဲ့အချိန်က အပူချိန်ဟာ ၁၀၀ ဒီဂရီကျော်ခဲ့တာကြောင့် နေလောင်ဒဏ်ကို ဆိုးဆိုးဝါးဝါး ခံစားခဲ့ရပါတယ်။

ဒုက္ခရောက်ဆုံးအချိန်က ကိုင်ရိုမှာဖြစ်ပြီး စင်ကာပူကထွက်တဲ့ လေယာဉ်ဟာ အဘူဒါဘီမှာ ကျန့်ကြာသွားတာကြောင့် အီဂျစ်ရောက်တဲ့အချိန်မှာ ပြေးမယ့်အချိန်ရောက်ဖို့ မိနစ်အနည်းငယ်သာ အချိန် ကျန်ရှိပါတော့တယ်။

“အထုပ်တွေချပြီး အ၀တ်အစားလဲဖို့ ကျွန်မတို့မှာ အချိန် ၁၀ မိနစ်သာ ကျန်ပါတော့တယ်။ ကျွန်မရဲ့ အခန်းသော့က ဖွင့်လို့မရဘဲ ၁၀ မိနစ်နီးနီးလောက် အဲဒါနဲ့ပဲ ကုန်ဆုံးသွားခဲ့ပါတယ်။ ကျွန်မ ငိုတောင်ငိုခဲ့ပါတယ်” လို့ စမစ်က ဖွင့်ဟခဲ့ပါတယ်။

ကိုင်ရိုမှာ ၇ နာရီနဲ့အပြီး မာရသွန်ပြေးဖို့ စီစဉ်ထားပေမယ့် ဟစ်ဘ်က အချိန်မလောက်မှာ ဆိုးတဲ့အတွက် ၆ နာရီ သတ်မှတ်ပေးခဲ့ပြီး ခရီးတစ်ဝက်သာ ပြေးဖို့ ပြောခဲ့ပါတယ်။ ဒါပေမယ့် စမစ်ကတော့ ၅ နာရီနဲ့ ၅၁ မိနစ်အတွင်း မာရသွန်ကို ပြီးအောင် ပြေးနိုင်ခဲ့ပါတယ်။

ဒီလို အပြင်းအထန် မာရသွန်ပြေးတာက ဒါဟာ စမစ်အတွက် ပထမဆုံးတော့ မဟုတ်ပါဘူး။ လွန်ခဲ့တဲ့ တစ်နှစ်က တန်ဇန်းနီးယားမှာ မာရသွန်ပြေးခဲ့ပြီး နောက်တစ်နေ့မှာ Kilimanjaro တောင်ကို တက်ခဲ့ပါတယ်။

သူမဟာ ၅ ပတ်အတွင်း မာရသွန် ၄ ကြိမ်၊ တစ်နှစ်အတွင်း မာရသွန် ၁၀ ကြိမ်ပြေးခဲ့ပြီး သူမရဲ့ ဘ၀သက်တမ်း တစ်လျှောက်လုံးမှာ မာရသွန် အကြိမ်ပေါင်း ၇၀ ကျော် ပြေးခဲ့ဖူးပါတယ်။

ခင်ပွန်းဖြစ်သူကလည်း သူမအတူ လိုက်ပြေးလေ့ရှိပြီး အခုတစ်ခေါက် Triple 7 Quest အစီအစဉ်မှာတော့ ဇနီးသည်ရဲ့ ကျန်းမာရေးအတွက် စိုးရိမ်မှုတစ်ချို့ ရှိခဲ့ပါတယ်။

စမစ်ဟာ နောက်နှစ်မှာ ဇီလန်ဒီယာတိုက်ငယ်လေးအပါအ၀င် တိုက် ၈ တိုက်မှာ ၈ ရက်အတွင်း မာရသွန် ၈ ကြိမ်ပြေးဖို့လည်း အစီအစဉ်ရှိနေပါတယ်။

Ref: CNN