နယ်ကျော်လာသည့် အစ္စရေးတိုက်လေယာဉ်များမှ တစ်စီးကို ပစ်ချခဲ့သည်ဟု ဆီးရီးယားပြော

မတ် ၁၇၊ ၂၀၁၇
M-Media

– အစ္စရေး တိုက်လေယာဉ် ၄ စင်းမှာ မိမိတို့၏ လေပိုင်နက်ထဲကို ကျူးကျော်ဝင်ရောက်လာသည့်အတွက် မိမိတို့က ပစ်ချခဲ့ပြီး တစ်စီးပျက်ကျကာ အခြားတစ်စီးမှာလည်း ကျည်ထိမှန်သွားခဲ့သည်ဟု ဆီးရီးယားစစ်တပ်က ပြောကြားလိုက်သည်။

မတ်လ ၁၇ ရက်နေ့ ဒေသစံတော်ချိန် မနက် ၂ နာရီ မိနစ် ၄၀ တွင် အစ္စရေးတိုက်လေယာဉ်များမှာ လက်ဘနွန်ပိုင်နက်မှတစ်ဆင့် ဆီးရီးယားသို့ ၀င်ရောက်လာခဲ့ပြီး ပါလ်မိုင်ရာမြို့သွားရာလမ်းရှိ စစ်စခန်းတစ်ခုကို ပစ်ခတ်ခဲ့သည်ဟု ဆီးရီးယားနိုင်ငံပိုင်သတင်းဌာန SANA က စစ်တပ်မှထုတ်ပြန်သည့် ကြေငြာချက်ကို ဖော်ပြခဲ့သ
ည်။

“ကျွန်တော်တို့ရဲ့ ကာကွယ်ရေးစနစ်ဟာ သူတို့နဲ့ ထိပ်တိုက်တွေ့ခဲ့ပြီး သူတို့ သိမ်းပိုက်ထားတဲ့ ပိုင်နက်ပေါ်မှာ တစ်စီးကို ပစ်ချခဲ့ကာ နောက်တစ်စီးကတော့ ကျည်ဆံမှန်ခဲ့ပါတယ်။ ကျန်တဲ့လေယာဉ်တွေက ထွက်ပြေးသွားပါတယ်” ဟု အစ္စရေးက ကျူးကျော်သိမ်းပိုက်ထားသော ဆီးရီးယားပိုင် ဂိုလန်ကုန်းမြင့်ကို ရည်ညွှန်း၍ ကြေငြာချက်တွင် ဖော်ပြထားသည်။

ထို့ပြင် အစ္စရေး၏ ထိုတိုက်ခိုက်မှုမှာ ရန်စမှုလုပ်ရန်ဖြစ်ပြီး IS အကြမ်းဖက်အဖွဲ့ကို ကူညီရန် ရည်ရွယ်ခြင်းဖြစ်သည်ဟု ဆီးရီးယားစစ်တပ်က ထည့်သွင်းပြောကြားခဲ့သည်။

ဆီးရီးယားအစိုးရတပ်မှာ ပါလ်မိုင်ရာ ရှေးဟောင်းမြို့ကို IS အကြမ်းဖက်သမားများလက်မှ မတ်လ ၂ ရက်နေ့တွင် ပြန်လည်သိမ်းပိုက်ခဲ့သည်။

ဇန်န၀ါရီလကလည်း ဒမတ်စကတ်မြို့အနီးရှိ မာဇီဟ် လေတပ်စခန်းကို အစ္စရးက ဒုံးကျည်ဖြင့် တိုက်ခိုက်ခဲ့သည်ဟု ဆီးရီးယားစစ်တပ်က ပြောကြားခဲ့သည်။ အစ္စရေးမှာ ယခင်ကလည်း ဆီးရီးယားပိုက်နက်အတွင်းသို့ ကျူးကျော်ဝင်ရောက်ကာ ဆီးရီးစစ်တပ် ပစ်မှတ်များကို မကြာခဏ တိုက်ခိုက်ခဲ့သည်။

Ref: Press TV