အစ္စရေး၏လုပ်ရပ်များ ကုလသို့တင်ပြသူကို အမြင့်ဆုံးဂုဏ်ဆောင်ဘွဲ့ ပါလက်စတိုင်း ချီးမြှင့်

မတ် ၂၀၊ ၂၀၁၇
M-Media

– အစ္စရေးမှာ ပါလက်စတိုင်းပြည်သူများအပေါ် ခွဲခြားသည့်စနစ်များ ကျင့်သုံးနေသည်ဟု စွပ်စွဲထားသော အစီရင်ခံစာကို တင်သွင်းခဲ့သည့် ကုလသမဂ္ဂ လက်ထောက်အထွေထွေအတွင်းရေးမှူး ရီမာ ခါလက်ဖ်ကို ပါလက်စတိုင်းက အမြင့်ဆုံး ဂုဏ်ထူးဆောင်ဆု ချီးမြှင့်လိုက်သည်ဟု သိရသည်။

ပါလက်စတိုင်းသမ္မတ မဟ်မူးဒ်အဘတ်စ်မှာ ခါလက်ဖ်အား ဖုန်းဖြန့် ဆက်သွယ်ခဲ့ကာ ပါလက်စတိုင်းပြည်သူများအတွက် သူမ၏ ‘ရဲရင့်ပြတ်သားမှုနှင့် ထောက်ပံ့ကူညီမှုကို’ အသိအမှတ်ပြုသည့်အနေဖြင့် ဂုဏ်ထူးဆောင်ဆုတံဆိပ် ချီးမြှင့်ခြင်းဖြစ်သည်ဟု ပြောကြားခဲ့သည်။

ယမန်နေ့က ထုတ်ပြန်သော ကြေငြာချက်တွင် အဘတ်စ်က ‘မိမိတို့ပြည်သူများမှာ ဒေါက်တာ ခါလက်ဖ်၏ လူသားချင်းစာနာထောက်ထားမှုနှင့် အမျိုးသားရေးရပ်တည်ချက်’ ကို ချီးကျူးသည်ဟု ထည့်သွင်းဖော်ပြထားသည်။

ကုလ၏ လက်ထောက် အထွေထွေအတွင်းရေးမှူးဖြစ်ပြီး အနောက်အာရှ စီးပွားရေးနှင့် လူမှုရေးကော်မရှင် (ECSWA) အမှုဆောင်အတွင်းရေးမှူးဖြစ်သည့် ခါလက်ဖ်၏ အဆိုပါအစီရင်ခံစာတွင် အစ္စရေးက ပါလက်စတိုင်းများကို ဖိနှိပ်ချုပ်ချယ်ကာ ခွဲခြားသည့်နစ်စများ ကျင့်သုံးနေသည်ဟု စွပ်စွဲထားပြီး ပါလက်စတိုင်းပိုင်နက်များ
တွင် တည်ထောင်ထားသော အစ္စရေးလုပ်ငန်းများအား ဆန့်ကျင်သည့် BDS လှုပ်ရှားမှုကိုလည်း နိုင်ငံတကာအစိုးရများက ထောက်ခံရန် တိုက်တွန်းခဲ့သည်။

ထိုအစီရင်ခံစာကြောင့် အစ္စရေးနှင့် မဟာမိတ်နိုင်ငံများက ခါလက်ဖ်ကို ဖိအားပေးခဲ့ပြီး သူမမှာ သောကြာနေ့က ရာထူးမှ နှုတ်ထွက်ခဲ့ရသည်။

ပါလက်စတိုင်းလွတ်မြောက်ရေးအဖွဲ့ (PLO) မှ အမှုဆောင်အဖွဲ့ဝင်တစ်ဦးဖြစ်သော ဟာနန် အက်ရ်ှရာဝီက အစီရင်ခံစာမှာ မှန်ကန်သည့်လမ်းကြောင်းဖြစ်ပြီး ပြန်လည်လက်ခံသင့်သည်ဟု ဆိုသည်။

ခါလက်ဖ်ကမူ သူမအနေဖြင့် ဖိအားပေးမှုကို မျှော်လင့်ထားပြီးသားဖြစ်သည်ဟု ပြောကြားခဲ့သည်။

“ကုလ အထွေထွေအတွင်းရေးမှူးကို အစီရင်ခံစာနဲ့ ဝေေးဝေးနေအောင် အစ္စရေးနဲ့ သူ့ရဲ့ မဟာမိတ်တွေက ဖိအားပေးကြမယ်ဆိုတာကို မျှော်လင့်ထားပြီးသားပါ။ ဒီအစီရင်ခံစာကို ပယ်ချဖို့ သူတို့ သူ့ကို တောင်းဆိုမှာပါ”

ကုလပြောရေးဆိုခွင့်ရှိသူ တစ်ဦးကမူ ခါလက်ဖ်၏ ပြဿနာမှာ အစီရင်ခံစာတွင် ပါဝင်သော အကြောင်းအရာကြောင့်မဟုတ်ဘဲ အစီရင်ခံစာ မထုတ်ပြန်ခင် လိုအပ်သော လုပ်နည်းလုပ်ဟန်များ မရှိခြင်းကြောင့်ဟု ပြောကြားခဲ့သည်။

အစီရင်ခံစာမှာ နာဇီလက်ထက် ၀ါဒဖြန့်မှုနှင့် တူညီနေသည်ဟု အစ္စရေးက ပြောကြားခဲ့ပြီး၊ အမေရိကန်ကလည်း အစီရင်ခံစာကို ပယ်ချရန် တောင်းဆိုခဲ့သည်။

မဟ်မူးဒ်အဘတ်စ်က ခါလက်ဖ်အား အမြင့်ဆုံး ဂုဏ်ထူးဆောင်ဘွဲ့ချီးမြှင့်မှုမှာ ‘အစ္စရေးအပေါ် သံတမန်စစ်ပွဲ ဆင်နွှဲခြင်းဖြစ်သည်’ ဟု အစ္စရေးဝန်ကြီးချုပ် နေတန်ယာဟု၏ ပြောရေးဆိုခွင့်ရှိသူ အိုဖီရ် ဂျန်ဒဲလ်န်က ပြောကြားခဲ့ကာ ‘မှန်ကန်မှုမရှိသည့် မှားယွင်းသော’ အစီရင်ခံစာဟု မှတ်ချက်ပြုခဲ့သည်။

Ref: Aljazeera