ရ၀မ်ဒါလူမျိးတုန်းသတ်ဖြတ်မှုတွင် ခရစ်ယာန်ဘုန်းကြီးများ ပါဝင်မှုအတွက် ပုပ်ရဟန်မင်း တောင်းပန်

မတ် ၂၁၊ ၂၀၁၇
M-Media

ပုပ်ရဟန်းမင်းကြီး ဖရန်စစ်နှင့် ရ၀မ်ဒါသမ္မတ  ပေါလ်ကာဂိမ်း

– လူပေါင်း ၈ သိန်းခန့် သေဆုံးခဲ့သည့် ၁၉၉၄ ခုနှစ် ရ၀မ်ဒါ လူမျိုးတုန်းသတ်ဖြတ်မှုတွင် ခရစ်ယာန်ကက်သလစ်အသင်းတော်မှ ဘုန်းကြီးများ၊ အဖွဲ့ဝင်များ ပါဝင်ပတ်သက်မှုများအတွက် ခွင့်လွှတ်ပေးရန် ပုပ်ရဟန်းမင်းကြီး ဖရန်စစ်က တောင်းပန်လိုက်သည်။

ရ၀မ်ဒါသမ္မတ ပေါလ်ကာဂိမ်းနှင့် ယမန်နေ့တွေ့ဆုံမှုပြီးနောက် ဗာတီကန်မှ ထုတ်ပြန်သော ကြေငြာချက်တွင် ထိုကဲ့သို့ တောင်းပန်လိုက်ခြင်းဖြစ်ပြီး “တွတ်ဆီလူမျိုးများကို လူမျိုးတုန်းသတ်ဖြတ်မှုအတွက် မိမိအနေဖြင့်လည်းကောင်း၊ အသင်းတော်အနေဖြင့်လည်းကောင်း၊ အသင်းတော် အုပ်ချုပ်ရေးအဖွဲ့အနေဖြင့်လည်းကောင်း အလွန်အမင်း ၀မ်းနည်းကြေကွဲရသည်” ဟု ပုပ်ရဟန်းမင်းကြီးက ရ၀မ်ဒါသမ္မတကို ပြောကြားခဲ့သည်။

“အသင်းတော်ရဲ့ ဘာမှမလုပ်နိုင်မှု၊ ဘုန်းကြီးတွေ၊ ဘာသာရေးလိုက်စားသူ အမျိုးသားတွေ၊ အမျိုးသမီးတွေ အပါအ၀င် အသင်းတော်အဖွဲ့ဝင်တွေဟာ အမုန်းနဲ့ အကြမ်းဖက်မှုတွေအောက် ကျရောက်ခဲ့ကာ၊ သူတို့ရဲ့ ဧ၀ံဂေလိတာဝန်ကို သစ္စာဖောက်ခဲ့မှုအတွက် ဘုရားသခင်ထံတော်ပါးကနေ ခွင့်လွှတ်ချမ်းသာမှုကို ပုပ်ရဟန်းမင်းကြီးက ထပ်မံ တောင်းခံခဲ့ပါတယ်” ဟု ကြေငြာချက်တွင် ဖော်ပြထားသည်။

ရက်ပေါင်း ၁၀၀ ကြာမြင့်ခဲ့သည့် အဆိုပါလူသတ်ပွဲတွင် တွတ်ဆီလူမျိုးများမှာ ကက်သလစ်ဘုရားကျောင်းများတွင် သွားရောက်ခိုလှုံခဲ့သော်လည်း ဘုန်းကြီးများနှင့် ဘုရားကျောင်း တာဝန်ရှိသူများက အဆိုပါ ဒုက္ခသည်များကို ဟူတူပြည်သူ့စစ်များလက်ထဲသို့ ပြန်အပ်ခဲ့သည်။

ရ၀မ်ဒါလူမျိုးတုန်းသတ်ဖြတ်မှုတွင် ခရစ်ယာန်ကက်သလစ်အသင်းတော်မှ ပါဝင်ပတ်သက်မှုအတွက် ဗာတီကန်မှ တောင်းပန်ရန် ပြီးခဲ့သည့် နိုဝင်ဘာလတွင် ရ၀မ်ဒါက တောင်းဆိုခဲ့ပြီးနောက်ပိုင်း ပုပ်ရဟန်းမင်းကြီး၏ ယခုပြောကြားမှု ထွက်ပေါ်လာခြင်းလည်းဖြစ်သည်။

ကက်သလစ်အသင်းတော်မှာ ၁၉၉၄ ခုနှစ်က အာဏာရခဲ့ပြီး လူမျိုးတုန်းသတ်ဖြတ်မှုကို စီစဉ်ခဲ့သည့် ဟူတူအစိုးရနှင့် နီးနီးကပ်ကပ် ပတ်သက်မှုရှိခဲ့သည်ဟု ထိုအဖြစ်အပျက်ပြီးနောက်ပိုင်းတွင် စွပ်စွဲခံခဲ့ရသည်။

သက်တော် ၈၀ အရွယ် ပုပ်ရဟန်းမင်းကြီးက “အသင်းတော်၏ ပုံရိပ်ကို ပျက်ဆီးစေခဲ့သော ထိုကာလက အပြစ်များကို ယခုကဲ့သို့ လက်ခံအသိအမှတ်ပြုခြင်းဖြင့် ‘အတိတ်ဆိုးကိုသန့်စင်ကာ’ ‘ယုံကြည်မှုအသစ်’ မြှင့်တင်ပေးရာရောက်မည်ဟု” မျှော်လင့်ကြောင်း ပြောကြားခဲ့သည်။

ရ၀မ်ဒါအစိုးရကမူ ယခုကဲ့သို့ ပုပ်ရဟန်းမင်းကြီး၏ တောင်းပန်မှုမှာ လုံလောက်မှုမရှိသေးဘဲ ရ၀မ်ဒါရှိ ကက်သလစ်အသင်းတော်မှာ အဆိုပါ လူမျိုးတုန်းသတ်ဖြတ်မှုတွင် ပါဝင်သူများကို ဆက်လက် ကာကွယ်ပေးနေဆဲဖြစ်သည်ဟု ပြောကြားခဲ့သည်။

Ref: Aljazeera