လက်ရှိသုံးစွဲနေသည့် ကမ္ဘာ့ရှေးအကျဆုံး ဘာသာစကားများ (၂)

မတ် ၂၂၊ ၂၀၁၇
M-Media

– ဘာသာစကားဆိုတာ ဇီဝရုပ် ဖြစ်ပေါ်ပြောင်းလဲ တိုးတက်နေသလို အချိန်တိုင်း၊ မျိုးဆက်တိုင်း ပြောင်းလဲတိုးတက်နေတဲ့ အရာတစ်ခု ဖြစ်ပါတယ်။ ဘာသာစကားတစ်ခုနဲ့ အဲဒီဘာသာစကားကနေ နောက်ထပ် ခွဲထွက်လာတဲ့ ဘာသာစကားတစ်ခုဟာ သိသိသာသာ ကွဲပြားခြားနားသွားတာမျိုး မရှိပါဘူး။ ဒ့ါကြောင့် ဘာသာ
စကားတစ်ခုက အခြား ဘာသာစကားတစ်ခုထက် ပိုပြီး သက်တမ်းရင့်တယ်လို့ ပြောလို့ မရနိုင်ပါဘူး။ ဘာသာစကားအားလုံးဟာ လူသားတွေလိုပဲ အိုးမင်းဟောင်း နွမ်းတတ်ပါတယ်။ အခုဖော်ပြမယ့် ဘာသာစကားတွေကတော့ နည်းနည်း ထူးခြားပြီး ရှေးလည်း ပိုကျပါတယ်။

မက်ဆီဒိုးနီးယန်း

-ရုရှား၊ ပိုလန်၊ ချက်၊ ခရိုအေးရှားနဲ့ အခြားဘာသာစကားတွေပါဝင်တဲ့ ဆာလ်ဗစ် (Salvic) ဘာသာစကားအုပ်စုထဲကဖြစ်ပြီး သမိုင်းကြောင်းကတော့ နုပါသေးတယ်။ ဘိုးဘေးဘီဘင်စကား Common Slavic (Proto- Slavic) မှာ ဘိုင်ဇန်တိုင်း ခရစ်ယာန် သူတော်စဉ် ညီနောင်နှစ်ဦးဖြစ်တဲ့ ဆိုင်ရီလ် (Cyril) နဲ့ မီသိုဒီးယက်စ်
(Methodius) တို့က စံတစ်ခုသတ်မှတ်ရာကနေ ခွဲထွက်လာခဲ့ပြီး အခု Old Church Slavonic လို့ခေါ်တဲ့ ဘာသာစကားတစ်ခုဖြစ်လာကာ အဲဒီအတွက် ဗျည်းစကားလုံးတွေကိုလည်း ဖန်တီးပေးခဲ့ပါတယ်။ ဒီ သူတော်စဉ်ညီနောင်နှစ်ယောက်ဟာ ၉ ရာစုလောက်မှာ စလက်ဗ် (Slavs) လူမျိုးတွေကို ခရစ်ယန်ဘာသာသွတ်သွင်းဖို့ မြောက်ဖက်ကိုသွားတဲ့အချိန်မှာ ဒီဘာသာစကားအသစ်ကို ယူဆောင်သွားခဲ့ပါတယ်။ သူတို့တွေဟာ ဂရိနိုင်ငံရဲ့ မြောက်ပိုင်းတစ်နေရာကနေ လာခဲ့ကြတာဖြစ်ပြီး အဲဒီဒေသကို အခုအချိန်မှာ မက်ဆီဒိုးနီးယားလို့ ခေါ်ဆိုနေတာ ဖြစ်နိုင်ပါတယ်။ မက်ဆီဒိုးနီယားမှာသုံးတဲ့ ဘာသာစကားတော့ ဒီနေ့ခေတ် Old Church Slavonic နဲ့ တော်တော်လေး ဆက်စပ်နေပါတယ်။

ဘက်စကက် (Basque)

ဘက်စကက် ဘာသာစကားဟာ ဘာသာဗေဒအရ တော်တော်လေး ရှုပ်ထွေးပါတယ်။ ဒီနေ့ခေတ်မှာ ဒီဘာသာစကားကို စပိန်နဲ့ ပြင်သစ်မှာနေထိုင်တဲ့ ဘက်စကက်လူမျိုးတစ်ချို့က မိခင်ဘာသာစကားအဖြစ် အသုံးပြုနေကြပေမယ့် (ပြင်သစ်နဲ့ စပိန်စကားတွေလို) ရိုမန်ဘာသာစကားတွေနဲ့ လုံးဝ ဆက်စပ်မှုမရှိပါဘူး။ နောက်ပြီး ကမ္ဘာပေါ်က အခြား ဘယ်ဘာသာစကားနဲ့မှလည်း မဆက်နွယ်ပါဘူး။ ဘာသာဗေဒ ပညာရှင်တွေကတော့ ဒီဘာသာစကားဟာ တစ်ခုခုနဲ့ စက်ဆပ်ရမယ်လို့ ဆယ်စုနှစ်ပေါင်းများစွာ မှတ်ယူထားခဲ့ပေမယ့် လက်တွေ့မှာတော့ ဘယ်သီအိုရီကမှ ဒီအချက်အလက်ကို သက်သေမပြနိုင်ခဲ့ပါဘူး။ နောက်ဆုံး မှတ်ယူလိုက်ရတာတစ်ခုကတော့ ဒီဘာသာစကားဟာ ဥရောပမှာာ ရိုမန်ဘာသာစကားတွေ ရောက်မလာခင် ရှိနေခဲ့တဲ့ ဘာသာစကားတစ်ခု ဖြစ်တယ်ဆိုတာပါပဲ။ ဆိုလိုတာက ရောမတွေဟာ အဲဒီကိုရောက်လာပြီး လက်တင်နဲ့ရောကာ ပြင်သစ်နဲ့ စပိန်တို့လို ဘာသာစကားတွေ မပေါ်လာခင်ကတည်းက ရှိနေတယ်လို့ မှတ်ယူခဲ့တာပါ။

ဖင်းနစ်ရှ်

ဒီဖင်လန်ဘာသာစကားဟာ ၁၆ ရာစုအထိ အရေးအသား မရှိခဲ့ပါဘူး။ ဒါပေမယ့် အခြားဘာစကားတွေနဲ့ ယှဉ်ရင်တော့ ဖင်းနစ်ရ်ှဟာ သူတို့ထက်စောတဲ့ သမိုင်းကြောင်း ရှိနေပါတယ်။ ဖင်နို-အူဂရစ် (Finno-Ugric ) ဘာသာစကားအုပ်စုဝင်ဖြစ်ပြီး ဒီအုပ်စုထဲမှာ အစတိုးနီယန်း၊ ဟန်ဂေရီယန်းနဲ့ ဆားဘီးယားတစ်ဝှမ်းက လူနည်းစုတွေ ပြောနေတဲ့ ဘာသာစကားသေးသေးလေးတွေ ပါဝင်ပါတယ်။ ဒါပေမယ့် ဖင်းနစ်ရ်ှကတော့ မွေးစားစကားလုံး တော်တော်များများ ပါဝင်ပြီး အခြား ဘာသာစကားအုပ်စုတွေကနေ ရာစုနှစ်နဲ့ချီ စကားလုံးတွေကို ငှားရမ်းသုံးစွဲခဲ့တာဖြစ်ပါတယ်။ ဖင်းနစ်ရ်ှမှာ မွေးစားထားတဲ့ စကားလုံးတော်တော်များများဟာ သူတို့ရဲ့ မူရင်းနီးပါးလောက်ကို ရှိနေကြပါတယ်။ ဥပမာအားဖြင့် ‘အမေ’ ဆိုတဲ့စကားလုံးအတွက် အသုံးပြုတဲ့ ‘aiti’ ဟာ အခုလက်ရှိမှာ မသုံးတော့တဲ့ ဂေါ့သစ်ဘာသာစကားကနေ လာတာပါ။ ‘ဘုရင်’ ဆိုတဲ့ ‘kuningas’ ကလည်း ရှေးဟောင်း ဂျာမန်ဘာသာစကား ‘kuningaz’ ကနေ ငှားရမ်းထားတာ ဖြစ်ပါတယ်။ ဒီ ရှေးဟောင်း ဂျာမန် ဘာသာစကားကတော့ လက်ရှိမှာ အသုံးပြုခြင်း မရှိတော့ပါဘူး။

ဂျော်ဂျီယံ

ကော့ကေးရှပ်ဒေသဟာ ဘာသာစကားပညာရှင်တွေအတွက် တော်တော်လေး ဦးနှောက်ခြောက်ရတဲ့ဒေသပါ။ ကော့ကေးရှပ်ဒေသတောင်ပိုင်း နိုင်ငံ ၃ နိုင်ငံဖြစ်တဲ့ အာမေးနီးယား၊ အဇာဘိုင်ဂျန်နဲ့ ဂျော်ဂျီယာတို့ရဲ့ အဓိကဘာသာစကားတွေဟာ အင်ဒို-ဥရောပ၊ တာရ်ကစ်နဲ့ ကာ့တ်ဗီလီယန် ဆိုတဲ့ မတူညီတဲ့ ဘာသာစကားအုပ်စု ၃ စုက ဆင်းသက်လာတာဖြစ်ပါတယ်။ ဂျော်ဂျီယံဘာသာစကားကတော့ ကာ့တ်ဗီလီယန်စစ်စစ်ဖြစ်ပြီး ရှေးဟောင်းဟန်ပန်တွေပါဝင်တဲ့ တစ်ခုတည်းသော ဘာသာစကားလည်း ဖြစ်ပါတယ်။ အသုံးပြုတဲ့ ဗျည်းအက္ခရာတွေက တော်တော်လေး ရှေးကြပြီး အေဒီ ၃ ရာစုလောက်က အသုံးပြုခဲ့တဲ့ အာရမိုက်ဘာသာစကားက အသွင်ပြောင်းလာတာလို့လည်း ယူဆကြပါတယ်။ ဘက်စကက်လို လုံးဝ သီးသန့်ဘာသာစကားမျိုး မဟုတ်ပေမယ့် ဂျော်ဂျီယာက လူနည်းစုတွေပြောဆိုတဲ့ ကာ့တ်ဗီလီယန်မိသားစုဝင် ဘာသာစကားလေးခုလုံးဟာ ကမ္ဘာပေါ်က အခြား ဘယ်ဘာသာစကားတွေနဲ့မှ ဆက်စပ်မှု မရှိပါဘူး။

အိုင်းရစ်ရှ် ဂေးလစ် (Irish Gaelic)

အခုအချိန်မှာ အိုင်းရစ်ရှ် ဂေးလစ် ဘာသာစကားကို အိုင်ယာလန်နိုင်ငံက လူနည်းစုတွေကသော အသုံးပြုကြတော့ပေမယ့် ဒီဘာသာစကားရဲ့ သမိုင်းကြောင်းက ရှည်လျားပါတယ်။ ဒီစကားဟာ အင်ဒို-ဥရောပ ဘာသာစကားရဲ့အခွဲ ဆဲလ်တစ်အုပ်စုဝင်ဖြစ်ပြီး ဂျာမန်ဘာသာစကား လွှမ်းမိုးမှုမရှိခင်မှာ ဒီနေ့ခေတ် ဂရိတ်ဗြိတိန်နဲ့ အိုင်ယာလန်တို့က ကျွန်းလေးတွေမှာ ထွန်းကားခဲ့တာဖြစ်ပါတယ်။ အိုင်းရစ်ရှ် ဂေးလစ် ဘာသာစကားကနေ စကော့တစ်ရှ် ဂေးလစ်နဲ့ မန့်ဇ် (Manx) (မန်း (Man) ကျွန်းကလူမျိုးတွေ အသုံးပြုတဲ့) ဘာသာစကားတွေ ပေါ်ထွက်လာခဲ့ပါတယ်။ ဒါပေမယ့် ဒီရှေးအကျဆုံး ဘာသာစကားစာရင်းမှာ ပါဝင်ရတဲ့ အကြောင်းအရင်းက
ဥရောပ ဘယ်ဘာသာစကားထက်မဆို ပိုပြီး သက်တမ်းရင့်တဲ့ တိုင်းရင်းဘာသာစကား ဖြစ်နေတာကြောင့် ဖြစ်ပါတယ်။ ကျန်တဲ့ ဥရောပနိုင်ငံတွေဟာ သူတို့ရဲ့ ကိုယ်ပိုင်ဘာသာစကားတွေကို ပြောကြပြီး လက်တင်ဘာသာစကားနဲ့ ရေးကြပါတယ်။ ဒါပေမယ့် အိုင်းရှစ်တွေကတော့ သူတို့ရဲ့ ကိုယ်ပိုင်ဘာသာစကားနဲ့သာေ
ရးသားအသုံးပြုပါတယ်။

Ref : The Culture Trip

အပိုင်း (၁) ဖတ်ရှုရန် – http://www.m-mediagroup.com/news/66344