အကြမ်းဖက်ဝါဒကို ကြောက်ရွံ့နေမည်မဟုတ်ဟု လန်ဒန်မြို့တော်ဝန်ပြော

မတ် ၂၃၊ ၂၀၁၇
M-Media

– ယမန်နေ့က လန်ဒန်မြို့လယ်ကောင်တွင် ဖြစ်ပွားခဲ့သည့် အကြမ်းဖက်တိုက်ခိုက်မှုက မိမိတို့ပြည်သူများကို ကြောက်လန့်စမည်မဟုတ်ဘဲ မိမိတို့ကို မည်သည့်နည်းလမ်းနှင့်မှ သွေးကွဲအောင် ဆောင်ရွက်၍ ရမည်မဟုတ်ဟု လန်ဒန်မြို့တော်ဝန် ဆာဒစ် ခန်းက ပြောကြားလိုက်သည်။

ယမန်နေ့ နေလည်က ဖြစ်ပွားခဲ့သည့် တိုက်ခိုက်မှုတွင် တိုက်ခိုက်သူမှာ လန်ဒန်မြို့လယ်ကောင် ပါလီမန်အနီးရှိ ၀က်စ်မင်စတာ တံတားတစ်လျှောက် လူများကို ကားဖြင့်တိုက်ကာ ဒရကြမ်းမောင်းနှင်လာသောကြာင့် အနည်းဆုံး လူ ၂ ဦး သေဆုံးခဲ့ပြီး အများအပြား ဒဏ်ရာရရှိခဲ့သည်။

ထို့နောက် ပါလီမန်အပြင်ဘက်ရှိ လက်ရမ်းများကို တိုက်မိကာ ကားရပ်သွားပြီးနောက် တိုက်ခိုက်သူမှာ ဓားဖြင့် ကားထဲမှထွက်လာကာ ပီစီ ပါလ်မာဆိုသည့် လက်နက်မဲ့ ရဲတပ်ဖွဲ့ဝင်ကို တိုက်ခိုက်ခဲ့သောကြာင့် အဆိုပါရဲမှာ သေဆုံးခဲ့သည်။ ထို့နောက် အကြမ်းဖက်သမားကို ရဲတပ်ဖွဲ့က သေနတ်ဖြင့် ပစ်သတ်ခဲ့သည်။

ထိုတိုက်ခိုက်မှုအတွင်း ရဲအရာရှိ ပါလ်မာနှင့် တိုက်ခိုက်သူအပါအ၀င် လူ ၅ ဦးသေဆုံးခဲ့ပြီး ၄၀ ခန့် ဒဏ်ရာရရှိခဲ့သည်။

ရဲတပ်ဖွဲ့က တိုက်ခိုက်သူမှာ နိုင်ငံတကာ အကြမ်းဖက်ဝါဒကို အားကျသူဖြစ်ဖြစ်ပြီး၊ မည်သူမည်ဝါဖြစ်ကြောင်းကို သိရှိသည်ဟု ပြောကြားခဲ့သော်လည်း အသေးစိတ်ကို ထုတ်ဖော်ခဲ့ခြင်းမရှိပေ။

ဗြိတိန်ဝန်ကြီးချုပ် ထရီဇာမေက ထိုတိုက်ခိုက်မှုမှာ ‘စက်ဆုပ်ဖွယ်ရာနှင့် အကျင့်စာရိတ္တ ဖောက်ပြားသည့်လုပ်ရပ်’ ဖြစ်ပြီး၊ လွတ်လပ်မှု၊ ဒီမိုကရေစီနှင့် လွတ်လပ်စွာဖော်ပြခွင့် တန်ဖိုးများကို ထိခိုက်ခဲ့ခြင်းဖြစ်သည်ဟု ပြောကြားခဲ့သည်။

ထို့ပြင် မိမိတို့မှာ အကြမ်းဖက်ဝါဒကို ချေမှုန်းသွားမည်ဖြစ်ကြောင်း၊ အမုန်းတရားက မိမိတို့အကြား သွေးခွဲနေသည်ကို ခွင့်ပြုသွားမည်မဟုတ်ကြောင်း ၀န်ကြီးချုပ်က ပြောကြားခဲ့သည်။

လန်ဒန်မြို့၏ မွတ်စလင်မြို့တော်ဝန် ဆာဒစ်ခန်းကလည်း မိမိတို့အအနေဖြင့် အကြမ်းဖက်သမားများ၏ ခြောက်လှန့်မှုကို ကြောက်ရွံ့နေမည်မဟုတ်ဟု ဆိုသည်။

“ကျွန်တော်တို့ကို ထိခိုက်စေချင်သူတွေ၊ ကျွန်တော်တို့ရဲ့ လူနေမှုဘ၀ကို ဖျက်ဆီးချင်တဲ့သူတွေကို ပေးချင်တဲ့ သတင်းစကားကတော့ – ခင်ဗျားတို့ အောင်မြင်မှာ မဟုတ်ဘူး။ ကျုပ်တို့ကို သွေးခွဲလို့ ရမှာမဟုတ်ဘူး ဆိုတာပါပဲ။ အကြမ်းဖက်ဝါဒက ကျုပ်တို့ကို ခြောက်လှန့်လို့ရမှာ မဟုတ်ပါဘူး” ဟု ဆာဒစ်ခန်းက ပြောကြားခဲ့သည်။

တိုက်ခိုက်မှုဖြစ်ပွားပြီးနောက် လန်ဒန်မြို့တွင် လုံခြုံရေးတပ်ဖွဲ့များကို တိုးမြှင့်ချထားခဲ့သည်။

Ref: Aljazeera, BBC