အစ္စလာမ်ကိုနားလည်ကာ ကာကွယ်ပေးနေသူ ခရစ်ယာန်တစ်ယောက်၏ ပေးဆပ်ရမှုများ

မတ် ၂၃၊ ၂၀၁၇
M-Media

အစ္စလာမ့်ရေးရာပညာရှင် ခရေ့ဂ်ျကွန်စီဒိုင်း

– ကျွန်တော်ဟာ အစ္စလာမ်သာသနာနဲ့ ခရစ်ယာန်-မွတ်စလင် ဆက်ဆံရေးကို အလေးထားပြီး ဆောင်ရွက်မယ့် ပညာရှင်တစ်ယောက် ဖြစ်လာလိမ့်မယ်ဆိုတာကို ဘယ်တုန်းကမှ ယောင်လိုတောင် စိတ်မကူခဲ့ပါဘူး။ ကျွန်တော်ကြီးပြင်းလာတဲ့တစ်လျှောက် ၀ါသနာပါတာက ဘက်စကတ်ဘောကစားတာဖြစ်ပြီး Boston Celtics အသင်း ပရိတ်သတ်ပါ။ မွတ်စလင်သူငယ်ချင်းတစ်ယောက်တောင်မှ ကျွန်တော့်မှာ မရှိပါဘူး။ တကယ်တော့ ကောလိပ်ရောက်တဲ့အထိ အစ္စလာမ်သာသနာကို လိုက်နာသူ တစ်ယောက်ကိုမှ မတွေ့ခဲ့ဖူးပါဘူး။ ကျွန်တော် အသက် ၁၆ နှစ်လောက်မှာ ‘မွတ်စလင်ဆိုတာ ဘာလဲ’ လို့မေးရင် ကျွန်တော် ဖြေတတ်မှာ မဟုတ်ပါဘူး။

၉/၁၁ နောက်ပိုင်းကာလ

မွတ်စလင်တွေဟာ အကြမ်းဖက်သမားတွေလို့ အထင်ခံရပြီး အစ္စလာမ်သာသနာကတော့ ‘လွတ်လပ်တဲ့ မေတ္တာတရား’ နဲ့ ဖျက်ဆီးပစ်ရမယ့် ‘ဆိုးဝါးတဲ့’ အယူဝါဒလို့ အထင်ခံခဲ့ရပါတယ်။ ကောလိပ်မှာ ပညာရပ်ဆိုင်ရာဘာသာရပ်တစ်ခုကို ရွေးချယ်တဲ့အချိန် ရောက်လာတဲ့အခါမှာ ကျွန်တော်ဟာ အစ္စလာမ့်ရေးရာ ဘာသာရပ်ကို ရွေးချယ်ခဲ့ပါတယ်။ တကယ်တော့ ဒီလိုရွေးချယ်မှုဟာ ကြီးကျယ်တဲ့ ဘာသာတရား၊ တစ်ကမ္ဘာလုံးနဲ့ဆိုင်တဲ့ လူ့အဖွဲ့အစည်းကြီးကို လေ့လာချင်တာကြောင့် မဟုတ်ဘဲ CIA အတွက် ‘လူဆိုးတွေ’ကို ဖမ်းတဲ့နေရာမှာ သူလျှိုတစ်ယောက်အဖြစ် လုပ်ပေးချင်တာကြောင့် ဖြစ်ပါတယ်။

American တက္ကသိုလ်မှာ ပထမဆုံး စာရင်းပေးတက်ရတဲ့ အတန်းတွေထဲကတစ်ခုဟာ ‘အစ္စလာမ်ကမ္ဘာ’ ဆိုတဲ့အတန်း ဖြစ်ပါတယ်။ ကျွန်တော်က ဒီအတန်းဟာ ၉/၁၁ လို တိုက်ခိုက်မှု ဘာ့ကြောင့်ဖြစ်လဲဆိုတာကို သိဖို့ နည်းလမ်းတစ်ခုလို့ မှတ်ယူခဲ့ပါတယ်။ ပစ္စည်းဥစ္စာတွေကို လှူဒါန်းရတာ၊ တစ်နေ့ကို ၅ ကြိမ် ၀တ်ပြုဆုတောင်းရတာတွေလို အစ္စလာမ်ရဲ့ အခြေခံအချက်တွေအကြောင်းကို ပထမဆုံးနေ့မှာ ကျွန်တော် သင်ယူခဲ့ရပါတယ်။ ပြီးတော့ ‘ဟဒီးစ်’ လို့ခေါ်တဲ့ တမန်တော် မုဟမ္မဒ်ရဲ့ သြ၀ါဒတော် တစ်ခုအကြောင်းလည်း ကျွန်တော် သင်ရပါတယ်။

“ပညာရှင်တစ်ယောက်ရဲ့ ကလောင်တံက ကျတဲ့ မင်တစ်စက်ဟာ အာဇာနည်တစ်ယောက်ထံက ကျတဲ့ သွေးထက် ပိုမြင့်မြတ်တယ်” ဆိုတဲ့ ဟဒီးစ်ပါ။

ပြီးတော့ အတန်းထဲက မွတ်စလင်ကျောင်းသားတစ်ယောက်ဟာ မတ်တပ်ရပ်ပြီး “အပြစ်မဲ့သူတစ်ယောက်ကို သတ်ဖြတ်ခြင်းသည် လူသားအားလုံးကို သတ်ဖြတ်ခြင်းမည်၏” ဆိုတဲ့ ကုရ်အာန်ကျမ်းချက်တစ်ခု ဖတ်ပြတာကိုလည်း ကျွန်တော် မှတ်မိပါတယ်။ အတန်းရဲ့ ပထမဆုံးနေ့မှာ ကျွန်တော် ကြားခဲ့ရတာက နေ့စဉ် မီဒီယာတွေမှာအစ္စလာမ်နဲ့ မွတ်စလင်တွေအကြောင်း ကြားရတာမျိုး မဟုတ်ခဲ့ပါဘူး။

၂၀၀၄ ခုနှစ်ကတည်းက ကျွန်တော်ဟာ အစ္စလာမ်သာသနာ၊ မွတ်စလင်ကမ္ဘာအပေါ် အမေရိကန်ရဲ့ ပေါ်လစီ၊ ကမ္ဘာတစ်ဝှမ်းက ခရစ်ယာန်နဲ့ မွတ်စလင်တွေအကြား အလှမ်းဝေးကွာမှုကို တံတားထိုးပေးခြင်း စတာတွေအပေါ် သုတေသနပြုရင်း အချိန်အများစုကို ကုန်ဆုံးခဲ့ပါတယ်။ ကျွန်တော့် ဒီလေ့လာမှုကို စဉ်းစားထားတာထက်တောင် ပိုပြီး လုပ်ဆောင်ခဲ့ပါတယ်။ အရမ်းလေးစားရတဲ့ မွတ်စလင်မိတ်ဆွေတွေ ရရှိတယ်။ ကမ္ဘာတစ်လွှား ခရီးသွားနိုင်ခဲ့ပြီး မတူညီတဲ့ နောက်ခံတွေကနေ ဖြစ်တည်လာကြတဲ့ မွတ်စလင်အသိုင်းအ၀ိုင်းတွေနဲ့ အချိန်တွေ ကုန်ဆုံးခဲ့ပါတယ်။

သူတို့တွေရဲ့ ကျောင်းတွေ၊ အိမ်တွေ၊ ဗလီတွေက ကျွန်တော့်ကို ကြိုဆိုကြတယ်။ နှစ်တွေတော်တော်ကြာ မွတ်စလင်တွေက ကျွန်တော့်အပေါ် ထားရှိခဲ့တဲ့ ဖော်ရွှေမှု၊ နွေးထွေးမှုနဲ့ ချစ်ခြင်းမေတ္တာတွေက အစ္စလာမ်သာသသနာဝင်တွေ တော်တော်လေး အလေးထားတဲ့ တမန်တော် မုဟမ္မဒ်ကို အားကျမှု ဖြစ်စေခဲ့ပါတယ်။ ဒီအခြေအနေတွေ၊ အတွေ့အကြုံတွေက ကျွန်တော့်ကို ပိုကောင်းတဲ့ လူတစ်ယောက်အဖြစ် ပြုလုပ်ပေးလိုက်တယ်ဆိုတာ သံသယရှိစရာ မလိုပါဘူး။

မွတ်စလင်တွေက ကျွန်တော့်ကို ဘုရားသခင်နဲ့ နီးကပ်စေခဲ့ပါတယ်။ အဲဒီအတွက် ကျွန်တော် အမြဲတမ်း ကျေးဇူးတင်ပါတယ်။ ဒါပေမယ့် အစ္စလာမ်သာသနာကို သုတေသနပြုတာ၊ မွတ်စလင်တွေနဲ့ မိတ်ဆွေဖြစ်လာတာတွေအတွက် ကျွန်တော့်ရဲ့ ဆွေးမျိုးအသိုင်းအ၀ိုင်းနဲ့ လူမှုဆက်ဆံရေးမှာ တော်တော်လေး ပေးဆပ်ခဲ့ရပါတယ်။

အစ္စလာမ်သာသနာနဲ့ တမန်တော်မုဟမ္မဒ်တို့ရဲ့ အပြုသဘောဆောင်မှုတွေကို မီးမောင်းထိုးပြတာကြောင့် ကျွန်တော်ဟာ မိတ်ဆွေတော်တော်များများကို ဆုံးရှုံးခဲ့ရတယ်။ ကျွန်တော့်ရဲ့ နိုင်ငံအရေးအမြင်ကို လက်မခံနိုင်တဲ့ ညီအစ်ကိုလိုခင်တဲ့သူငယ်ချင်းတွေက Facebook မှာ ကျွန်တော်ကို စွန့်ခွာသွားတယ်။ မွတ်စလင်နဲ့ မွတ်စလင်မဟုတ်သူတွေအကြား ဆက်ဆံရေးတိုးတက်အောင် ဆောင်ရွက်မှုနဲ့ပတ်သက်ပြီး ကျွန်တော့ရဲ့ အစွန်းရောက်တဲ့အမြင်တွေကြောင့် ကျွန်တော်ဟာ ‘FBI စောင့်ကြည့်စာရင်း’ မှာ ပါဝင်နေပြီလို့ သူတို့ထဲကတစ်ချို့က ပြောကြတယ်။

ဘာသာတရား ဒါမှမဟုတ် နိုင်ငံရေးတွေကို သိပ်ပြီး အရေးတယူမလုပ်ကြတဲ့ အခြားသူငယ်ချင်းတွေကလည်း ကျွန်တော်လုပ်နေတဲ့ အလုပ်တွေအကြောင်းကို နားမလည်ကြဘူး။ လွန်ခဲ့တဲ့ နှစ်အနယ်းငယ်က သူငယ်ချင်းတစ်ယောက်က “အစ္စလာမ်နဲ့ မွတ်စလင်တွေကြားထဲမှာ ခြားနားချက်က ဘာလဲကွ” ဆိုပြီး မေးလာတယ်။ ကျွန်တော့် သူငယ်ချင်းအများစုက ဒီအကြောင်းအရာနှစ်ခုအကြောင်းကို ဘာမှ မသိကြပါဘူး။ ဒါ့ကြောင့် ကျွန်တော် စိတ်ဝင်တစားလေ့လာရတဲ့အကြောင်းကို သူတို့ကို ပြောပြဖို့ ခက်ပါတယ်။ မွတ်စလင်မဟုတ်သူတစ်ယောက်က အစ္စလာမ်ကို လေ့လာမှုရဲ့ အကျိုးကျေးဇူးတွေကို သူတို့က ရှင်းရှင်းလင်းလင်း နားမလည်နိုင်ပါဘူး။

မိသားစုတွေထဲက တစ်ချို့လည်း ‘နိုင်ငံခြားဘာသာ’ လို့ သူတို့ထင်ထားတဲ့ ဘာသာတရားတစ်ခုကို ကျွန်တော်က စိတ်ဝင်တစား လေ့လာနေတာကြောင့် ကျွန်တော့် ‘လူထူးလူဆန်း’ လို့ မှတ်ယူကြတယ်။ ကျွန်တော့်ကိစ္စတွေနဲ့ ပတ်သက်ပြီး ဂရုစိုက်ရမယ့် မိသားစုဝင်တွေက ဒီလိုဖြစ်နေတာကြောင့် ဒါဟာ ကျွန်တော့်အတွက် အခက်အခဲဖြစ်ပါတယ်။ အစ္စလာမ်နဲ့ပတ်သက်ပြီး မီဒီယာတွေမှာ ဖော်ပြမှုနဲ့ ဦးနှောက်ကျင်းခံလိုက်ရတဲ့ မိသားစုဝင်တစ်ယောက်က “ခရစ်ယာန်တွေကို သတ်တာဟာ သူတို့လုပ်ရမယ့်အလုပ်ဖြစ်တာကြောင့် မွတ်စလင်တွေက ငါတို့ကိုသတ်တော့မှာ။ ကိုရန်မှာ အဲလိုပါတယ်” လို့ ကျွန်တော့်ကို ပြောပါတယ်။

ခရစ္စမတ်တစ်ခုမှာ မိသားစုဝင်တစ်ဦးက ကျွန်တော် စိတ်ဝင်စားလောက်မယ်လို့ထင်တဲ့ စာအုပ်တစ်အုပ်ကို ကျွန်တော့်အတွက် ၀ယ်ပေးခဲ့ပါတယ်။ စာအုပ်ကို တွေ့တဲ့အခါမှာ မွတ်စလင်ဆန့်ကျင်ရေးသမား ရောဘတ် စပန်ဆာရေးတဲ့ “Islam For Dummies” စာအုပ်ဖြစ်နေတယ်။ နောက်တစ်နေရာမှာလည်း ကျွန်တော့်အမျိုးသမီး မိသားစုနဲ့ နီးစပ်သူတစ်ယောက် ကျွန်တော့် စာကြည့်တိုက်ကို ၀င်သွားပြီး “The Mystics of Islam” ဆိုတဲ့စာအုပ်တစ်အုပ်ကို ယူလိုက်တယ်။ ပြီးတော့ ကျွန်တော့်ကိုကြည့်ပြီး “ဒီစာအုပ်ဖတ်ဖို့ ငါ့ကို သတိပေးပါ” လို့ ငေါ့ပြီးပြောတယ်။ ဒီစာအုပ်က အသုံးမကျတဲ့စာအုပ်ဆိုတဲ့ လေသံမျိုးနဲ့ ပြောတာပါ။

ရိုးရိုးသားသားပြောရရင် အခြားသူတွေက မသက်ဆိုင်ဘူးလို့ သတ်မှတ်ထားတဲ့ အရာကို လေ့လာနေတဲ့သူအဖြစ် ရှုမြင်ခံရတာဟာ နာကျင်စရာကောင်းပါတယ်။ မနှစ်မြို့ဘူးဆိုတဲ့ ခံစားမှုမျိုးဟာ ကောင်းတဲ့ ခံစားချက်မျိုတော့ မဟုတ်ပါဘူး။

အစ္စလာမ်သာသနာနဲ့ပတ်သက်ပြီး လေ့လာမှုအတွက် ကျွန်တော့်ကို အထင်အမြင်သေးတာဟာ မွတ်စလင်မဟုတ်သူတွေပဲ မဟုတ်ပါဘူး။ ကျွန်တော်ဟာ ဘာသာပေါင်းစုံလှုပ်ရှားမှုနဲ့ ခရစ်ယာန်-မွတ်စလင် ဆက်ဆံရေး တိုးတက်မှု နည်းလမ်းတွေကို ပုံမှန် Twitter မှာ တင်ပါတယ်။ ကျွန်တော်လုပ်နေတဲ့အလုပ်အတွက် ကျွန်တော့်ကို ထောက်ခံအားပေးတဲ့ မှတ်ချက်တွေကို မွတ်စလင်တွေက ရေးကြပါတယ်။ ကျွန်တော်က ‘ငြိမ်းချမ်းမှု သက်ရောက်ပါစေ’ဆိုတာမျိုး ‘အာမီန်း’ ဆိုတာမျိုး ပြန်ပြီးတုန့်ပြန်ရင် ကျွန်တော့်ကို ‘ခင်ဗျား မွတ်စလင်လား’ လို့ မေးကြတယ်။ ကျွန်တော်က ‘မဟုတ်ဘူး။ ကျွန်တော်က ကက်သလစ်ခရစ်ယာန်ပါ’ လို့ ပြန်ဖြေတဲ့အခါ၊ စက္ကန့်အနည်းငယ်ကြာရင် ကျွန်တော် Twitter က Follower တွေက နည်းသွားပါတယ်။ ကျွန်တော်ဟာ မွတ်စလင်မဟုတ်ဘူးဆိုတဲ့ သာမန်အကြောင်းလေးတစ်ခုကြောင့် ဒီလူတွေက ကျွန်တော့်ကို unfollow လုပ်သွားတာပါ။

တစ်ချို့မွတ်စလင်တွေကြတော့ ကျွန်တော့်ကို အစ္စလာမ်လက်ခံဖို့ Twitter ကနေ ဆောင်ရွက်ကြတယ်။ ဘာသာတရားတစ်ခုကို မလိုက်နာဘဲနဲ့ ဒီဘာသာတရားကို အပြည့်အ၀ နားလည်ဖို့ဆိုတာ မဖြစ်နိုင်ဘူးလို့ သူတို့က ကျွန်တော့်ကို ပြောကြတယ်။ ပြီးတော့ သိပ်ပြီး နောက်မကျခင်၊ သက်တမ်းမကုန်ခင် အစ္စလာမ်ဘက်ပြန်လှည့်ဖို့သူတို့က အကြံပြုတယ်။ ကက်သလစ်တစ်ယောက်ဖြစ်နေရင် ငရဲသွားရမယ်ဆိုပြီးတော့ပေါ့လေ။ မွတ်စလင်တွေနဲ့ မွတ်စလင်မဟုတ်သူတွေအကြားက လစ်ဟာမှုကို တံတားထိုးပေးတဲ့ ကျွန်တော်ရဲ့ ကြိုးပမ်းမှုကို တကယ့်ကို လေးစားအားကျတဲ့ မွတ်စလင် Follower တွေလည်း အများကြီးပါ။ ဒါပေမယ့် မွတ်စလင်မဟုတ်တဲ့ ပညာရှင်တစ်ယောက်ဖြစ်တယ်လို့ ဝေဖန်ပြောဆိုခြင်းက တစ်ချို့မွတ်စလင်တွေဟာ ကျွန်တော့်ရဲ့ လုပ်ရပ်အပေါ် နားလည်မှုမပေးနိုင်ကြသေးဘူးဆိုတဲ့ အတွေးမျိုး ကျွန်တော့်ကို ဖြစ်စေပါတယ်။

အစ္စလာမ်သာသနာကို လေ့လာမှုမှာ တော်တော်လေး ပေးဆပ်ရပါတယ်။ မိတ်ဆွေဟောင်းတွေက ကျွန်တော့်ကို သစ္စာဖောက်လို့မြင်တယ်။ မိသားစုက လူထူးလူဆန်းလို့မြင်တယ်။ မွတ်စလင်တွေကျတော့ ဘယ်တော့မှ ကောင်းအောင်မလုပ်နိုင်မယ့် လူတစ်ယောက်အဖြစ် မြင်ကြပါတယ်။ ဒီလိုအခြေအနေတွေက သစ္စာရှိမှု၊ ချစ်ခြင်းမေတ္တာနဲ့ အသိပညာတွေလို ကိစ္စတွေအကြောင်း နက်နက်နဲနဲ တွေးတောမိစေပါတယ်။ ကျေးဇူးတင်စရာကောင်းတာ တစ်ခုက ကျွန်တော့်ရဲ့ ရည်ရွယ်ချက်ကိုနားလည်းပြီး၊ ကမ္ဘာကြီးရဲ့ လျှို့ဝှက်နက်နဲမှုတွေကိုအကြောင်း အသိပညာတွေတွေကို နားလည်အောင်လုပ်ဖို့၊ စုဆောင်းဖို ကြိုးပမ်းရာမှာ ဘယ်သူနဲ့မဆို မိတ်ဆွေဆက်ဆံရေးတည်ဆောက်မယ်ဆိုတဲ့ သတ္တိကို နှစ်သက်ကြတဲ့ ကမ္ဘာတစ်ဝှမ်းက ကျွန်တော်နဲ့ စိတ်ချင်းသူတွေ ရှိနေတာပါ။

ဒီခရီးကို ကျွန်တော် လုံးဝ ဆက်လျှောက်နေမှာဖြစ်ပါတယ်။ အခုအချိန်မှာ ရပ်တန့်လိုက်မယ်ဆိုရင် အမြင်ကျဉ်းတဲ့၊ အယူသီးတဲ့၊ ဘာသာရေးဂုဏ်မောက်နေကြတဲ့သူတွေကို အရှုံးပေးလိုက်သလို ဖြစ်မှာပါ။ ကျွန်တော်တို့ကမ္ဘာမှာ ဆိုးရွားသူတွေ ရှိတယ်။ ဒီကမ္ဘာကြီးကတော့ ကျွန်တော် မထွက်ခွာသွားမချင်း အဲဒီလူတွေအပေါ် စိန်ခေါ်မှုအပေါ် ကျွန်တော် ရပ်တန့်သွားမှာ မဟုတ်ပါဘူး။

Ref: Patheos.com

(အစ္စလာမ့်ရေးရာပညာရှင် ခရေ့ဂ်ျကွန်စီဒိုင်း ရေးသားပြီး Patheos.com တွင် လွှင့်တင်ထားသည့် The Price This Christian Pays For Respecting Islam | Craig Considine ဆောင်းပါးကို လေးမောင်မှ ဆီလျော်အောင် ဘာသာပြန်ဆိုသည်)