ကချင်နှင့် ရခိုင်ပြဿနာအတွက် အချက်အလက်ရှာဖွေရေးအဖွဲ့လွှတ်ရန် ကုလ ဆုံးဖြတ်

မတ် ၂၄၊ ၂၀၁၇
M-Media

– ကချင်ပြည်နယ်တွင် တိုင်းရင်းသားပြည်သူများ ညှင်းပမ်းခံရမှု၊ ရခိုင်ပြည်နယ်ရှိ ရိုဟင်ဂျာမွတ်စလင်လူ့အဖွဲ့အစည်းကို လုံခြုံရေးတပ်ဖွဲ့က သတ်ဖြတ်ခြင်း၊ အဓမ္မပြုကျင့်ခြင်းနှင့် ညှင်းပမ်းနှိပ်စက်ခြင်းတို့ ပြုလုပ်သည်ဆိုသည့် သတင်းများအတွက် အချက်အလက်ရှာဖွေရေး အဖွဲ့တစ်ခု စေလွှတ်ရန် ကုလသမဂ္ဂ လူ့အခွင့်အရေး ကောင်စီက ယနေ့တွင် သဘောတူခဲ့သည်ဟု သိရသည်။

ထိုကဲ့သို့ စေလွှတ်ရေး ဆုံးဖြတ်ချက်တစ်ခုကို ဥရောပသမဂ္ဂမှ တင်သွင်းခဲ့ကာ အဖွဲ့ဝင်များက တစ်ညီတစ်ညွတ်တည်း အတည်ပြုခဲ့ခြင်းဖြစ်သည်။ ထိုဆုံးဖြတ်ချက်ကို အမေရိကန်အပါအ၀င် နိုင်ငံတော်တော်များများကလည်း ထောက်ခံခဲ့ပြီး အမေရိကန်က “ကျူးလွန်သူများကို အပြည့်အ၀ တာဝန်ယူစေရေး၊ ထိခိုက်ခံစားရသူများကို တရားမျှတမှု ဆောင်ကျဉ်းပေးရေး” အတွက် ဆော်သြခဲ့သည်။

ကုလဆိုင်ရာ မြန်မာသံအမတ် ဦးထင်လင်းက မြေပြင်တွင် ဖြစ်ပွားနေသည့်အခြေအနေ၊ မိမိတို့နိုင်ငံ၏ အနေအထားများနှင့် သဟဇာတဖြစ်မှု မရှိသောကြောင့် ထိုကဲ့သို့သော လုပ်ရပ်ကို လက်မခံနိုင်ကြောင်း၊ မြန်မာနိုင်ရှိ စိန်ခေါ်မှုများကို ဖြေရှင်းရန်အတွက် အကောင်းဆုံးနှင့် ထိရောက်မှုအရှိဆုံး လမ်းကြောင်းကို မြန်မာပြည်သူလူထုအား ရွေးချယ်ခွင့်ပေးရမည်ဖြစ်ကြောင်း ပြောကြားခဲ့သည်။

“လုပ်စရာရှိတာတွေအားလုံး လုပ်သွားမှာပါ။ ပညာသတိကြီးကြီးထားပြီး၊ တည်ကြည်ရုိုးဖြောင့်မှုနဲ့ ကျွန်တော်တို့ ဆောင်ရွက်သွားမှားပါ” ဟု ဦးထင်လင်းက ဆိုသည်။ တရုတ်နှင့် အိန္ဒိယတို့က ထိုဆုံးဖြတ်ချက်မှာ မိမိတို့နှင့် မသက်ဆိုင်ကြောင်း ပြောကြားခဲ့ပြီး တရုတ် သံအမတ်ကမူ ပြဿနာကို တစ်ညတည်းဖြင့် ဖြေရှင်း၍ မရဟု ပြေကြားခဲ့သည်။

အဖွဲ့ဝင် ၄၇ နိုင်ငံ ပါဝင်သည့် လူ့အခွင့်အရေးကောင်စီ၏ ထိုဆုံးဖြတ်မှုကို တက်ကြွလှုပ်ရှားသူများက ချီးကျူးခဲ့ကြပြီး ‘သမိုင်းဝင် ဆုံးဖြတ်ချက်’ဟု ခေါ်ဆိုခဲ့ကြသည်။ သို့သော်လည်း ပြည့်ဝသည့် နိုင်ငံတာ စုံစမ်းစစ်ဆေးရေးကော်မရှင် မဟုတ်သည့်အတွက် စိတ်တိုင်းမကျဟုဆိုပြီး မြန်မာအစိုးရကိုလည်း ပူးပေါင်းဆောင်ရွက်ရန် တိုက်တွန်းခဲ့သည်။

Ref: Reuters