ဘင်္ဂလားဒေ့ရှ် အကြမ်းဖက်တိုက်ဖျက်မှု စစ်ဆင်ရေးတွင် ဗုံးကွဲမှုဖြစ်

မတ် ၂၆၊ ၂၀၁၇
M-Media

– ဘင်္ဂလားဒေ့ရှ် နိုင်ငံမြောက်ပိုင်းတွင် ပြုလုပ်သည့် အကြမ်းဖက်နှိမ်နင်းမှု စစ်ဆင်ရေးတစ်ခုအတွင်း ပေါက်ကွဲမှုများဖြစ်ပွားသောကြောင့် အနည်းဆုံး အရပ်သား ၂ ဦးနှင့် ရဲတပ်ဖွဲ့ဝင် တစ်ဦး သေဆုံးခဲ့သည်ဟု ဘင်္ဂလားဒေ့ရ်ှသတင်းစာ Daily Star က ယမန်နေ့တွင် ဖော်ပြခဲ့သည်။

ဆီလ်ဟတ်မြို့ ရှီဘာရီ ရပ်ကွက်တွင် ကွန်မန်ဒိုများနှင့် SWAT အဖွဲ့ဝင်များ သောကြာနေ့မနက် အစောပိုင်းတွင် ပြုလုပ်သည့် အဆိုပါစစ်ဆင်ရေးတွင် ပေါက်ကွဲမှုကြောင့် ၂ ဦး သေဆုံးကာ ဒဏ်ရာရရှိသူ ၂၆ ဦး ရှိခဲ့သည်။

ဒုတိယပေါက်ကွဲမှုတစ်ခုမှာ အစွန်းရောက်သံသယရှိသူများ ပုန်းအောင်းရာနေရာရှေ့တွင် ဖြစ်ပွားခဲ့ခြင်းဖြစ်ပြီး ရဲတပ်ဖွဲ့ဝင်တစ်ဦး သေဆုံးကာ ၅ ဦး ဒဏ်ရာရရှိခဲ့သည်။

စစ်ဆင်ရေးတွင် အပြန်အလှန်ပစ်ခတ်မှုများဖြစ်ပွားခဲ့ပြီး ၅ ထပ်တိုက် အဆောက်အဦးမှ ပြည်သူ ၇၈ ဦး ပိတ်မိနေကာ နောက်ပိုင်းတွင် ကယ်ထုတ်နိုင်ခဲ့သည်ဟု ဘင်္ဂလားဒေ့ရှ် စစ်တပ်မှ ပြောရေးဆိုခွင့်ရှိသူ ကာနယ် ရာရှီဒွလ် ဟာဆန်က ပြောကြားခဲ့သည်။

ယခုလအတွင်း ဘင်္ဂလားဒေ့ရ်ှတွင် အသေခံတိုက်ခိုက်မှုများ ဆက်တိုက် ဖြစ်ပွားခဲ့ပြီး သောကြာနေ့ ညပိုင်းက ဒါကာမြို့ရှိ အပြည်ပြည်ဆိုင်ရာလေဆိပ်အနီး ရဲတပ်ဖွဲ့ စစ်ဆေးရေးဂိတ်တွင်လည်း တိုက်ခိုက်မှု ဖြစ်ပွားခဲ့သည်။

အသေခံတိုက်ခိုက်သူတစ်ဦး သေဆုံးခဲ့သည့် အဆိုပါ သောကြာနေ့ အဖြစ်အပျက်အပါအ၀င် တိုက်ခိုက်မှုများမှ နှစ်ခုကို IS အဖွဲ့က ၎င်းတို့ဆောင်ရွက်ခဲ့ခြင်းဖြစ်သည်ဟု ပြောကြားခဲ့သည်။

နိုင်ငံခြားသား ဓားစားခံ ၁၈ ဦး အပါအ၀င် လူ ၂၂ ဦး သေဆုံးခဲ့သည့် ပြီးခဲ့သည့်နှစ် ဒါကာ ကော်ဖီဆိုင် တိုက်ခိုက်မှုနှင့်အတူ ၂၀၁၅ ခုနှစ်ကတည်းက ဖြစ်ပွားခဲ့သည့် သတ်ဖြတ်မှုများအတွက်လည်း IS က ၎င်းတို့လက်ချက်ဖြစ်သည်ဟု ကြေငြာထားသည်။

ဘင်္ဂလားဒေ့ရ်ှအစိုးရက တိုင်းပြည်တွင် IS အဖွဲ့မရှိဟု ပြောဆိုထားပြီး တိုက်ခိုက်မှုများ၏ နောက်ကွယ်တွင် ဂျာမေအာသွလ် မူဂျာဟစ်ဒင် ဘင်္ဂလားဒေ့ရှ် (JMB) အဖွဲ့ ရှိနေသည်ဟု ထုတ်ပြန်ထားသည်။

Ref: Aljazeera