တူရကီ၏ မအောင်မြင်သော အာဏာသိမ်းမှုတွင် ဂူလမ်မပါဟု ဂျာမနီထောက်လှမ်းရေးပြော

မတ် ၂၈၊ ၂၀၁၇
M-Media

အမေရိကန်နိုင်ငံမှာ အခြေချခိုလှုံနေတဲ့ တူရကီ ဘာသာရေးခေါင်းဆောင် ဖသ်ဟွလ္လာဟ်ဂိုလမ်

– တူရကီနိုင်ငံတွင် ပြီးခဲ့တဲ့ နွေရာသီက မအောင်မမြင်ဖြစ်သွားခဲ့တဲ့ စစ်အာဏာသိမ်းမှုကို အမေရိကန်နိုင်ငံမှာ အခြေချခိုလှုံနေတဲ့ ဘာသာရေးခေါင်းဆောင် ဖသ်ဟွလ္လာဟ်ဂိုလမ်က နောက်ကွယ်ကနေ ကြိုးကိုင်နေတယ်ဆိုတဲ့ တူရကီ အစိုးရရဲ့ စွပ်စွဲချက်တွေအတွက် တူရကီ အစိုးရက ဂျာမဏီနိုင်ငံရဲ့ ဘီအန်ဒီ (ခေါ်) နိုင်ငံရပ်ခြား ထောက်လှမ်းရေး အေဂျင်စီကို သက်သေပြဖို့ ပျက်ကွက်ခဲ့တယ်ဆိုပြီး ဘီအန်ဒီက ဂျာမန် မဂ္ဂဇင်းတစ်စောင်ကို ပြောကြားခဲ့ပါတယ်။

ပြီးခဲ့တဲ့ ဇူလိုင်လ ဆယ့်ငါးရက်နေ့က မအောင်မမြင်ဖြစ်ခဲ့တဲ့ တူရကီနိုင်ငံရဲ့ စစ် အာဏာသိမ်းမှု့နောက်ကွယ်မှာ ဆရာကြီး ဂိုလမ်က အကွက်ချ စီစဉ်ခဲ့တယ်ဆိုပြီး တူရကီသမ္မတ တိုင်ယစ်ပ် အာဒိုဂန်နဲ့ တူရကီ အစိုးရတို့က စွပ်စွဲခဲ့ကြပါတယ်။ အဲဒီ အာဏာသိမ်းမှုမှာ ခွဲထွက်ရေးစစ်သားတွေက တင့်ကားတွေ၊ တိုက်လေယာဉ်တွေနဲ့ ဟယ်လီကော်ပတာတွေကို အသုံးပြု ပြီး ပါလီမန် အဆောက်အအုံနဲ့ အရပ်သားအစိုးရတို့ကို တိုက်ခိုက်ခဲ့ရာမှာ လူပေါင်း ၂၄၀ လောက် သေဆုံးခဲ့ပါတယ်။

“အဆင့်တိုင်း အဆင့်တိုင်းမှာ ယုံကြည်နိုင်လောက်တဲ့ သက်သေပြဖို့ တူရကီအစိုးရက ကြိုးစားခဲ့ပေမယ့် အခုထိတော့ သဲထဲရေသွန် ဖြစ်သွားခဲ့ပုံရပါတယ်” လို့ ဘီအန်ဒီ အကြီးအကဲ ဘရူနိုခါးလ် က စနေနေ့မှာ ထုတ်ဝေတဲ့ Der Spiegel မဂ္ဂဇင်းကို သတင်း အင်တာဗျူးတစ်ခုမှာ ပြောပြခဲ့ပါတယ်။

အာဒိုဂန်နဲ့ တူရကီ အစိုးရကတော့ အာဒိုဂန်ကို ပြန်လည်လွှဲပြောင်းပေးအပ်ဖို့ တောင်းဆိုထားပါတယ်။ ဒါပေမဲ့ သူကတော့ စစ်အာဏာသိမ်းမှုမှာ မပါဝင်ဘူးလို့ ငြင်းဆိုထားပါတယ်။

ဂိုလမ် လှုပ်ရှားမှုဟာ အစ္စလာမ်မစ် အစွန်းရောက် လှုပ်ရှားမှုလား၊ အကြမ်းဖက် ၀ါဒလားလို့ မေးမြန်းရာမှာ ခါလ်းက “လူမှုရေး အသင်းကြီး တစ်ခု သက်သက်မျှသာ ဖြစ်ပါတယ်၊ ဘာသာရေးနဲ့ လောကီ ပညာရေးအတွက် ထပ်မံ ပံ့ပိုး ပေးလိုတဲ့ အသင်းကြီးတစ်ခုသာဖြစ်ပါတယ်”လို့ ပြန်ဖြေခဲ့ပါတယ်။

တူရကီအစိုးရကိုယ်တိုင် ဒီစစ်အာဏာသိမ်းမှုနောက်ကွယ်မှာ ပါဝင်တယ်လို့ မထင်ကြောင်းလည်း သူက ပြောပါတယ်။

“ဒီအာဏာသိမ်းတာကို အစိုးရက လုပ်တာ မဟုတ်ပါဘူး။ မြန်မြန်သာမနှိမ်နင်းရင် သူတုိ့ကို အာဏာသိမ်းပြန်သိမ်းလိ့မ်မယ် ဆိုတဲ့ အတွေးနဲ့ စစ်တပ်မှာ အကြီးအကျယ် ရှင်းလင်းဖယ်ရှားမှုကို ဇူလိုင်လ ၁၅ ရက်နေ့ မတိုင်ခင်ကတည်းက အစိုးရက လုပ်ဆောင်ခဲ့ပြီးပါပြီ”

ဆက်လက်ပြီးတော့လည်း ခါလ်းက ဂျာမနီနဲ့ ဥရောပကို  ရုရှားရဲ့ ရန်စခြိမ်းခြောက်မှု့တွေ တိုးလာနေတဲ့အကြောင်း သတိ ပေးစကားပြောကြားခဲ့ပါသေးတယ်။ “ရုရှားက အနောက်ဖက်နယ်စပ်မှာ သူတို့ရဲ့စစ်အင်အားကို နှစ်ဆ တိုးမြှင့်လိုက်ပါတယ်… အဲဒါတွေ အားလုံးဟာ အနောက်နိုင်ငံတွေကို ခံစစ်သဘောမျိုးလုပ်ထားတယ်ဆိုပီး ယူဆလို့ မရပါဘူး”

သူက “ရုရှဟာ လာမဲ့ စက်တင်ဘာလ ၂၄ ရက်နေ့မှာ ဂျာမဏီနိုင်ငံမှာ ကျင်းပမဲ့ ဖက်ဒရယ် အထွေထွေ ရွေးကောက်ပွဲကြီးကို အတော်လေး လွှမ်းမိုးဖို့ ကြိုးစားလာပါလိမ့်မယ်။ ကျွန်တော်တို့ အနည်ဆုံးတော့ ဒါမျိုးဖြစ်လိမ့်မယ်လို့ တွက်ထားရပါမယ်” လို့လည်း သူက ထပ်ပြီး ပြောကြားခဲ့ပါတယ်။

အမေရိကန် ထောက်လှမ်းရေးအဖွဲ့တွေကတော့ ရုရှာနိုင်ငံဟာ ၂၀၁၆ ခုနှစ်-  အမေရိကန်သမ္မတ ရွေးကောက်ပွဲမှာ လွှမ်းမိုးခွင့်ရအောင် ကြိုးပမ်းတဲ့အနေနဲ့ ဒီမိုကရက်တွေကို ရီပက်ဘလစ်ကန်သမ္မတ ဒေါ်နယ်ထရမ့် ကိုယ်စား ဆိုက်ဘာတိုက်ခိုက်မှု့တွေ လုပ်ပေးခဲ့တယ်လို့ ယူဆထားကြပါတယ်။