မြန်မာနိုင်ငံ၌ မီးဖွားစဉ် မိခင်များသေဆုံးမှု ဒေသတွင်း ပျမ်းမျှအရေအတွထက် နှစ်ဆဖြစ်နေ

ဧပြီ ၂၊ ၂၀၁၇
M-Media

– မီးဖွားစဉ်အတွင်း မိခင်များ သေဆုံးမှုကို လျှော့ချရန်အတွက် မြန်မာနိုင်ငံတွင် ၀မ်းဆွဲသည် ရာနှင့်ချီကို လေ့ကျင့်သင်ကြားပေးနေသည်ဟု သိရသည်။

နိုင်ငံအတွင်း အမျိုးသမီးများ သေဆုံးရမှုတွင် မီးဖွားမှု၊ ကိုယ်ဝန်ဆောင်မှုနှင့် ပတ်သက်သည့် ပြဿနာ များမှာ အဓိကအကြောင်းအရင်းများ ဖြစ်နေပြီး အထူးသဖြင့် အရေးပေါ် ကုသရေးစင်တာများသို့ အချိန်မီ မရောက်သည့် အခြေအနေမျိုး ဖြစ်သည်။

နောက်ဆုံး ကောက်ယူထားသည့် သန်းခေါင်စာရင်းအရ မီဖွားမှု ၁ သိန်းတွင် အမျိုးသမီး ၂၈၂ ဦး သေဆုံးနေပြီး နေ့စဉ် ၈ ယောက်နှုန်း သေဆုံးသကဲ့သို့ ဖြစ်နေသည်။ အဆိုပါ အရေအတွက်မှာ ဒေသတွင်း ပျမ်းမျှရာခိုင်နှုန်းထက် ၂ ဆ ဖြစ်နေပြီး ထိုင်းနိုင်ငံတွင် မီးဖွားမှု ၁ သိန်းတွင် သေဆုံးသူ ၂၀ ဦး၊ စင်ကာပူတွင် ၆ ဦး
သာ ရှိသည်။

လက်ရှိတွင် ရန်ကုန်မြို့ရှိ ဗဟိုသားဖွားသင်တန်းကျောင်းတွင် သင်တန်းသူ ၂၀၀ ခန့်ကို လေ့ကျင့်သင်ကြားပေးနေပြီး၊ ၂ နှစ်တာကြာမြင့်မည့် သင်တန်းပြီးဆုံးပြီးနောက် ဝေးလံခေါင်ဖျားကာ ကျန်းမာရေး ၀န်ဆောင်မှု နည်းပါးသည့် ဒေသများမှ ဆေးပေးခန်းများသို့ စေလွှတ်မည်ဖြစ်သည်။

“၀မ်းဆွဲသည်ရဲ့ အခန်းကဏ္ဍက အရမ်းအရေးကြီးပါတယ်။ ဘာ့ကြောင့်လည်းဆိုတာ့ ကျွန်မတို့တိုင်းပြည်ရဲ့ ၃ ပုံ ၂ ပုံက ကျေးလက်ဒေသပါ။ အဲဒီနေရာတွေဟာ ကျန်းမာရေးစောင့်ရှောက်မှု ပေးရမယ့် နေရာတွေသာ မကပါဘူး။ တိုင်းပြည်အတွက် အချက်အလက်တွေ ကောက်ယူ မှတ်တမ်းတင်ရမယ့် နေရာတွေလည်း ဖြ
စ်ပါတယ်” ဟု ဗဟိုသားဖွားသင်တန်းကျောင်းမှ ကျောင်းအုပ်ကြီး Dashi Hkwan Nu က ပြောကြားခဲ့သည်။

မြန်မာနိုင်ငံရှိ သားဖွားမှုဆိုင်ရာ လေ့ကျင့်သင်ကြားပေးမှု လုပ်ငန်းများကို ပံ့ပိုးကူညီပေးနေသော ကုလသမဂ္ဂ၏ လူဦးရေဆိုင်ရာ ရန်ပုံငွေအဖွဲ့ (UNFPA) က နိုင်ငံ၏ လူနေမှုအဆင့်အတန်း မြင့်မားရန်အတွက် ကိုယ်ဝ န်ဆောင်စဉ်နှင့် မီးဖွားမှုအတွင်း သေဆုံးမှုပြဿနာကို ဖြေရှင်းရမည်ဟု ပြောကြားခဲ့သည်။

Ref: Reuters