စစ်တပ်အကြီးအကဲ နှောက်ယှက်ခံရသည့်အတွက် ဆော်ဒီကို ဗြိတိန် တောင်းပန်

ဧပြီ ၄၊ ၂၀၁၇
M-Media

ဗိုလ်ချုပ် အဟ်မဒ် အက်ဆီရီ

– ဆော်ဒီစစ်တပ်မှ ပြောရေးဆိုခွင့်ရှိသူ ဗိုလ်ချုပ် အဟ်မဒ် အက်ဆီရီ လန်ဒန်မြို့တွင် နှောက်ယှက်ခံရသည့်အတွက် ဗြိတိန်က ဆော်ဒီအစိုးရအား တရားဝင်တောင်းပန်ခဲ့သည်ဟု သိရသည်။

အက်ဆီရီမှာ ယီမင်တွင် တိုက်ခိုက်နေသော ဆော်ဒီဦးဆောင်သည့် မဟာမိတ်အဖွဲ့၏ ပြောရေးဆိုခွင့်ရှိသူဖြစ်ပြီး သောကြာနေ့က လန်ဒန်၌ အစည်းဝေးတစ်ခုအတွက် လာရောက်စဉ် စစ်ဆန့်ကျင်ရေး တက်ကြွလှုပ်ရှားသူ ဆမ် ဝေါလ်တန်က အက်ဆီရီအား ဖမ်းဆီးရန် ကြိုးစားခဲ့ကာ လုံခြုံရေးများက တားဆီးခဲ့ရသည်။

အခြားတစ်ဦးကလည်း ကြက်ဥဖြင့် ပစ်ပေါက်ခဲ့ပြီး အက်ဆီရီ၏ ကျောကုန်းကို ထိမှန်ခဲ့သည်။

ထိုကိစ္စနှင့်ပတ်သက်၍ ဗြိတိန်နိုင်ငံခြားရေးဝန်ကြီး ဘောရစ် ဂျွန်ဆင်က ဆော်ဒီ ကာကွယ်ရေးဝန်ကြီး ဒုတိယအိမ်ရှေ့မင်းသား မိုဟာမက် ဘင် ဆလ်မန်ကို တနင်္ဂနွေနေ့ ဖုန်းခေါ်ဆိုခဲ့ပြီး ထိုအဖြစ်အပျက်အတွက် တောင်းပန်ခဲ့သည်ဟု ဆော်ဒီ နိုင်ငံပိုင် သတင်းဌာနက ဖော်ပြခဲ့သည်။

Ref : Alarabiya