လူငယ်များ Facebook စွဲမှုပြဿနာကိုဖြေရှင်းရန် ဘင်္ဂလားဒေ့ရှ် ကြိုးပမ်းနေ

ဧပြီ ၄၊ ၂၀၁၇
M-Media

– နိုင်ငံအတွင်းရှိ ကျောင်းသားများနှင့် လူငယ်များ Facebook အလွန်အကျွံသုံးစွဲမှုကို လျှော့ချရန်အတွက် ည ၁၂ နာရီမှ မနက် ၆ နာရီအထိ Facebook ကို ပိတ်ပင်ထားရန် ဘင်္ဂလားဒေ့ရ်ှအစိုးရက စီစဉ်နေသည်ဟု သိရသည်။

ဆက်သွယ်ရေးဝန်ကြီးဌာန တာဝန်ရှိသူများနှင့် ဘင်္ဂလားဒေ့ရှ် တယ်လီဖုန်းဆက်သွယ်ရေး စည်းကမ်းထိန်းသိမ်းမှု ကော်မရှင် (BTRC) တို့မှာ ထိုကိစ္စနှင့်ပတ်သက်၍ ယမန်နေ့က ဆွေးနွေးခဲ့ကြပြီး BTRC က ဆိုရှယ်မီဒီယာတွင် သုံးစွဲသူများ၏ အသက်ကို ဖော်ထုတ်ရန် ထိရောက်သည့်နည်းလမ်း မရှိသောကြောင့် နည်း
ပညာအရ ထိုကဲ့သို့ ပိတ်ပင်ရန် မဖြစ်နိုင်ဟု တင်ပြခဲ့သည်။

ထို့ပြင် လူငယ်များက Facebook ကို မှန်ကန်သည့် ပုံစံမျိုးဖြစ် အသုံးပြုရန်အတွက် မိဘများက ထိန်းချုပ်သည့် နည်းလမ်းများ၊ privacy နှင့် security ဆောင်ရွက်ချက်များကို အသုံးပြုရန် တိုက်တွန်းခဲ့သည်။

“အစိုးရဆီကစာကို ရရှိခဲ့ပြီးတဲ့နောက် ကျွန်တော်တို့ရဲ့ အကြံပြုချက်တွေကို ပေးပို့ခဲ့ပြီး၊ အဲဒီအထဲမှာ Facebook ကို ပိတ်ပင်ဖို့ အားပေးတာမျိုး မပါပါဘူး” ဟု BTRC ၏ အတွင်းရေးမှူးနှင့် ပြောရေးဆိုခွင့်ရှိသူ ဆာရ်ဝါရ် အလမ်က ပြောကြားခဲ့သည်။

ဘင်္ဂလားဒေ့ရ်ှအစိုးရက ဆိုရှယ်မီဒီယာမှာ ကျောင်းသားများအပေါ် ထိခိုက်မှုရှိနေပြီး လူငယ်များ၏ အလုပ်အကိုင် စွမ်းရည်များကိုလည်း လျော့ကျစေသည်ဟု မှတ်ယူထားပြီး ည ၁၂ နာရီမှ မနက် ၆ နာရီအထိ ပိတ်ပင်ရန် စဉ်းစားနေကာ ၎င်းတို့၏ အစီအစဉ်ကို ကက်ဘိနတ်က ဆက်သွယ်ရေးဝန်ကြီးဌာနသို့ စာဖြင့်
အကြောင်းကြားခဲ့သည်။

“ဒီလို ဆောင်ရွက်တာက စီးပွားရေးအရ ဆက်သွယ်မှုတွေကို ထိခိုက်မလားဆိုတာကို ကျွန်တော်တို့ သုံးသပ်ရပါမယ်။ ပြီးခဲ့တဲ့နှစ် လက်ထောက် ကော်မရှင်နာမင်းကြီးတွေ့ရဲ့ အစည်းဝေးက ဆုံးဖြတ်ချက်နဲ့အတူ မတ်လ ၂၇ ရက်နေ့မှာ ကတ်ဘိနတ်ကစာကို ကျွန်တော်တို့ ရတယ်။ ချက်ခြင်းပဲ စည်းကမ်းထိန်းသိမ်းရေး
ကော်မရှင်ကနေ အကြံဉာဏ်တောင်းခဲ့ပါတယ်” ဟု ဆက်သွယ်ရေးဝန်ကြီးဌာနမှ တာဝန်ရှိသူ ရှေအမ် ဆန်ဒါ ဆစ်ဒါရ်က ပြောကြားခဲ့သည်။

Ref : The Daily Star