သက်ရှိ ခဲတံလူသားလေး

ဧပြီ ၅၊ ၂၀၁၇
M-Media

– အင်ဒိုနီးရှားနိုင်ငံမှာ သက်ရှိခဲတံ လူသားလေးရှိတယ်လို့ ပြောလိုက်ရင် အသင် အံ့သြသွားပါလိမ့်မယ်၊ အကြောင်းကတော့ အဲဒီ ခလေးငယ်လေးမှာ မွေးရာပါ ခြေလက်အင်္ဂါမပါလာခဲ့လို့ပါပဲ။ ဒါပေမဲ့ သူဟာ ကွန်ပြူတာ ဂိမ်းကို သူရဲ့ မေးစေ့နဲ့ ကောင်းကောင်းကစား နိုင်ယုံသာမက၊ အင်မတန်မှ စာတော်တဲ့ ကလေးလေး တစ်ယောက်ဖြစ်နေတာဟာ အံ့သြစရာပါပဲ။

သူမှာ မွေးရာပါ လက်နှစ်ဖက်လည်း မရှိဘူး၊ ခြေထောက်တစ်စုံ လည်း မရှိပါဘူး။ ဒါပေမဲ့ သူဟာ စိတ်ဓာတ်မကျခဲ့ပါဘူး။ သူ့ရဲ့ ကိုယ်ပိုင် ပျော်ရွှင်စရာကောင်းတဲ့ ကမ္ဘာလေးတစ်ခုကို ကိုယ်ပိုင်တည်ဆောက်ရာမှာ သူ့ကို ရပ်တံ့သွားအောင် လုပ်ဖို့ ဘယ်အရာကိုမှ သူက ခွင့်မပြုခဲ့ဘူး။ သူ့ရဲ့ အိပ်မက်တွေကို အမြင့်မားဆုံး မက်ခွင့်ပြုခဲ့တဲ့ နေရာမှာ သူဟာ လွတ်လွတ်လပ် လပ် လုပ်နိုင်ခဲ့ပါတယ်။

အင်ဒိုနီးရှားနိုင်ငံ အနောက်ဂျာဗားပြည်နယ်ထဲက အသက်ဆယ့်တစ်နှစ်အရွယ် ချစ်စရာကောင်းလှတဲ့ တီယို ဆတ်ရီယိုလေးဟာ ကံမကောင်း အကြောင်းမလှစွာနဲ့ မွေးရာပါ လက်ခြေနှစ်ဖက်တွေ မပါလာခဲ့ပါဘူး။ ဒါပေမဲ့ သူဟာ ဖျံ တစ်ကောင်လိုတော့ ပေါ့ပါးလျှင်မြန်စွာ ကောင်းကောင်းကြီး ရွေ့လျားသွားလာနေတတ်ပါတယ်။

သူက ဗီဒီယို ဂိမ်းတစ်ခုဖြစ်တဲ့ PlayStation ကစားတဲ့နေရာမှာ တစ်ဖက်ကမ်းခတ်ကျွမ်းကျင်သူ ဖြစ်ပါတယ်။ သူရဲ့ အနှစ် ခြိုက်ဆုံး ၀ါသနာထဲမှာ အရူးအမူး စွဲစွဲလမ်းလမ်း ကစားဖြစ်တဲ့ ဂိမ်းတစ်ခုလည်း ဖြစ်ပါတယ်။ ထိန်းချုပ်မှု့မှန်သမျှ သူ့ မေး စေ့ကို အသုံးပြုပြီး လှည့်ပတ် လှုပ်ရှားခြင်းက ဂိမ်းကို မကြာခဏလာကစားကြတဲ့ သူ့ပြိုင်ဘက်တွေအတွက် သူဟာ လေးစားထိုက်တဲ့ ယှဉ်ပြိုင်ဘက်ကောင်း တစ်ယောက် ဖြစ်သွားစေခဲ့ပါတယ်။

PlayStation ဂိမ်းမှာ သူက သူ့အိပ်မက်တွေကို တစ်သက်လုံး အကောင်ထည်ဖေါ်သွားချင်ပေမဲ့ ဘ၀ဟာ သူ့အတွက် မလွယ်ပါဘူး။ သူ့ရဲ့ ခန္ဓာကိုယ် မစွမ်းမသန်ဖြစ်မှု့ရဲ့ လက်တွေ့ဘ၀က သူ့ကို လွန်လွန်ကဲကဲ ပျော့ကွက်ဟာကွက်တွေ ဖြစ်စေခဲ့ပါတယ်။ ဒီအတွက် သူဟာ နာကျင်ထိခိုက်စွာ ခံစားရပါတယ်။ ကြောက်စိတ်ကြောင့် ဖြစ်လာရတဲ့ စိတ်ဓာတ်ကျမှု့ တွေ၊ ကိုယ့်ကိုကိုယ် မလုံခြုံသလို ခံစားနေရတာတွေနဲ့ ယုံကြည်မှု့တွေပါ ပျောက်ဆုံးသွားခဲ့ရခြင်းက သူ့ကို ကျောင်းမတက် ချင်တဲ့အထိအောင် ဖြစ်သွားစေခဲ့ပါတယ်။ တိုင်ယိုလေးမှာ ကြံခိုင်တဲ့စိတ်ဓာတ်ရှိတာကြောင့်၊ စိတ်ဓာတ်ကျခြင်းရဲ့ အပြင်း အထန် ဖိစီးနှိပ်စက်မှု့ဒဏ်ကို ကြံကြံခိုင် ရပ်တည်တွန်းလှန်နိုင်ခဲ့ပါတယ်။

အနည်းငယ် လိုအပ်ချက် ရှိသူတွေကို လက်ခံပေးထားတဲ့ကျောင်းမှာ အခုတော့ ပုံမှန် သူတက်ရောက်ပညာသင်ကြား နေပါတယ်လို့ ကျောင်းအုပ်ကြီးက ဆိုပါတယ်။ သူဟာ ဥာဏ်ပညာ ထူးချွန်ထက်မြတ်သူတစ်ယောက်ဖြစ်ပြီး သင်္ချာဘာသာ ရပ်နဲ့ ဘာသာရေးဆိုင်ရာ လေ့လာသင်ကြားမှု့မှာ သူဟာ အတော်လေးကို ထူးချွန်ပါတယ်။ သူ့ရဲ့ ဥာဏ်ရည်ဥာဏ်သွေး အဆင့်ဟာ သူအခု ရောက်နေတဲ့ နှစ်တန်း grade 2 ထက်ကျော်ပြီး လေးတန်းပညာ grade 4 academics တောင် ကောင်းကောင်းကြီး လိုက်နိုင်ပါတယ်။ ဒေးလီးမေးလ် သတင်းဌာနရဲ့ သတင်းဖေါ်ပြချက်အရ၊ တိုင်ယိုဟာ စိန်ခေါ်မှု့တွေ လုပ်ရတာကို သဘောတွေ့နေပြီး အမြဲတမ်း အနိုင်ရရှိသူတစ်ယောက် ဖြစ်ပါတယ်။ ခဲတံကို ပါးစပ်ဖြင့်ကိုင်ယင်း တိုင်ယို လေးဟာ အမြှောက်အစား တွက်ရတာကို သဘောကျ နှစ်ခြိုက်သူတစ်ယောက် ဖြစ်ပါတယ်။

အလွယ်ရီတတ်တဲ့ သူ့အကျင့်ကြောင့် ဆရာဆရာမများနဲ့ ကျောင်းသားများအကြား အသဲကျော် ဖြစ်လို့နေပါတယ်။ သူဟာ သူရဲ့ မစွမ်းမသန်ဖြစ်နေတာတွေကို ရင်ဆိုင်ကျော်လွှားဖို့ ကြိုးစားတယ်၊ သူ့မှာ ကြီးကျယ်မြင့်မြတ်တဲ့ စိတ်ထားရှိတယ်လို့ အတန်းပိုင် ဆရာမက ဆိုပါတယ်။ အခုတော့ လိုအပ်ချက်ရှိသူတွေ တက်ရောက်နိုင်တဲ့ကျောင်းမှာ သူဟာ ပုံမှန်တက်ရောက်နေတဲ့ ကျောင်းသားတစ်ယောက် ဖြစ်လို့ နေပါပြီ။

တိုင်ယိုရဲ့ မိခင်ကတော့ သူ့သားအတွက် ဂုဏ်ယူကြောင်း အတော်လေးကို ချစ်ခင်ကြောင်း ပြောပါတယ်။ သူမကိုယ်တိုင် သူ့သားကို မနက်ခင်းတိုင်း Playstation ကစားဖို့ ခွင့်ပြုပါတယ်။ သူကျောင်းကို ဆိုင်ကယ်နဲ့ လာတက်တယ်။ ကျောင်း ပြီး ရင် သူ့ကို ထပ်ကစားခွင့်ပြုထားတယ်။ ညအိပ်ရာမ၀င်ခင်မှာလည်း သူ့ကို ပေးကစားထားတယ်လို့ ဆိုပါတယ်။

မစ္စ ဆတ်ရီယို ရှင်းပြရာမှာတော့ သူမဟာ ကိုယ်ဝန်ရှိစဉ်ကာလမှာ အမှားလုပ်မိတယ်လို့ သတိမထားမိခဲ့ကြောင်း၊ မွေးဖွား စဉ်ကာလမှာလည်း မှားသလားမမှားဖူးလားဆိုတာကို သူမသိတဲ့အကြောင်း ပြောပါတယ်။ ၀မ်းဆွဲသည်ကလည်း ဘာတစ် ခွန်းမှ မပြောပဲ မြိုသိပ်ထားခဲ့ကြောင်းနဲ့ ခလေး ကောင်းမွန်စွာ မွေးဖွားကြောင်းပဲ ပြောခဲ့ပါတယ်။

သူက သန်းခေါင်ယံအချိန်မှာ မွေးဖွားခဲ့တာကြောင့် နေ့လည်နှောင်းပိုင်းကျမှ သူမကို အမှန်အတိုင်း ကတိုက်ကရိုက်ပြောချ လိုက်တာကြောင့် သူမ တုန်လှုပ်ရတဲ့ အခြေနေ ဖြစ်သွားရကြောင်း ပြောပါတယ်။ အချိန်ကာလ အတိုင်းအတာ တစ်ရပ် က သာလျှင် သူမ ခလေးရဲ့ ကံကြမ္မာကို ကုစားနိုင်မှာ ဖြစ်ကြောင်း၊ ဒါက သူမ လက်ခံတတ်အောင် သင်ယူသွားရဖို့သာ ဖြစ် ပါတယ်။

မီမီ ဆတ်ရီယိုက ပြောကြားရာမှာတော့ အစာကျွေးခြင်းနဲ့ အ၀တ်လျှော်ခြင်းကဲ့သို့သော သူ့ နေ့စဉ် လိုအပ်ချက်တွေကို ကြည့်ရှု့စောင့်ရှောက်ပေးခြင်းကပင် နေ့စဉ်နဲ့အမျှ စိန်ခေါ်မှုတစ်ခုပင်ဖြစ်ကြောင်း၊ သူ့ရဲ့ သွားနဲ့ သကြားလုံးဖေါက်တာ လောက်ကဲ့သို့သော အချို့အလုပ်တွေကိုတော့ သူ့ဖာသာသူ လုပ်ကြောင်း မစ္စ ဆတ်ရီယို က ပြောပါတယ်။

သူတို့ ဇနီးမောင်နှံမှာ တစ်ခြား ခလေးတွေလည်းရှိပေမဲ့ အင်ဒိုနီးရှားနိုင်ငံထဲမှာပဲ တကွဲတပြားစီ နေထိုင်ကြပြီး အဲဒီ နေရာ အထိသွားပြီး အမြဲတမ်း အကူညီပေးလို့လည်း မရပါဘူး။

တိုင်ယိုလေးက သူတို့ကို လိုအပ်နေတဲ့အတွက်ကြောင့် သူတို့ အပြင်ထွက်ရှာပြီး အလုပ်လုပ်ဖို့လည်း မတတ်နိုင်ကြောင်း မစ္စ ဆတ်ရီယို က ပြောပါတယ်။အစိုးရဘက်က ထောက်ပံ့ကြေးပေးငွေကို အရင်က သူတို့ ရယူခဲ့ကြပေမဲ့ ဒီတစ်နှစ်ထဲမှာ တော့ ဘာသံမှ မကြားရတော့ပါဘူး။ သူတို့ မိသားစုလေးအတွက် အမှန်တကယ်မှ ခက်ခဲနေပါတယ်။

ဒီလိုဖြစ်နေပေမဲ့လည်း တိုင်ယိုလေးဟာ ဇွဲစိတ်ဓာတ်ကြီးမားစွာနဲ့ သူ့ရဲ့ အတန်းပညာကို ဆက်လက်သင်ယူနေပြီး သူ ခုံမင်စွဲလန်းစွာကစားရတဲ့ PlayStationရဲ့ နှစ်သက်စဖွယ် ကမ္ဘာလေးထဲမှာ သူ့အိမ်မက်တွေကိုလည်း ဆက်မက်နေဆဲ ပါပဲ။

ဖြစ်ရိုးဖြစ်စဉ် မဟုတ်တဲ့ကိစ္စတွေ အားလုံးကို ကျော်လွှားပြီး ဆန္ဒတွေကို ဘယ်လို ရှင်ကျန်အောင်လုပ်ရမလဲဆိုတဲ့ နည်းလမ်းကို ဒီကလေးရဲ့ ဘ၀ထဲမှာ ထင်ဟပ်ပေါ်လွင်နေတာကတော့ အံ့သြစဖွယ်ပဲ ဖြစ်ပါတယ်။

(Simone Jonker ရေးသားပြီး ntd.tv တွင်ဖော်ပြထားသည့်  Child born without arms and legs, not only plays excellent computer games with his chin but is an outstanding scholar! ဆောင်းပါးကို ရဲမင်းဒင် ဘာသာပြန်ဆိုသည်။)