ပြည်သူကိုစည်းလုံးစေသည့် တရားများသာ ဟောကြားရန် အင်ဒိုနီးရှား လမ်းညွှန်ချက်ထုတ်ပြန်မည်

ဧပြီ ၅၊ ၂၀၁၇
M-Media

အင်ဒိုနီးရှား သာသနာရေးဝန်ကြီး လွတ်ကမန်

– နိုင်ငံအတွင်း မြင့်တက်လာသည့် ဘာသာရေးသည်းမခံနိုင်မှုများကို တိုက်ဖျက်ရန်အတွက် ၀တ်ပြုရာနေရာများတွင် တိုင်းပြည်အတွင်း စည်းလုံးမှု ပြိုကွဲစေမည့် စကားများကို ပြောဆိုခြင်းမပြုရေး လမ်းညွှန်ချက်များ ချမှတ်ပေးသွားရန် အင်ဒိုနီးရှား သာသနာရေးဝန်ကြီးဌာနက စီစဉ်နေသည်ဟု သိရသည်။

“၀တ်ပြုရာနေရာအားလုံးမှာ တိုင်းပြည်အတွင်းရှိတဲ့ ဘာသာဝင်တွေအတွက် ကာကွယ်ပေးမယ့်၊ စည်းလုံးစေမယ့်၊ သဟဇာတဖြစ်စေမယ့် တရားမျိုးတွေ ဟောကြားရေး သာသနာရေးဝန်ကြီးဌာနက လမ်းညွှန်ချက်တွေ စီစဉ်နေပါတယ်” ဟု အင်ဒိုနီးရှား သာသနာရေးဝန်ကြီး လွတ်ကမန်က ဧပြီလ ၃ ရက်နေ့တွင် ပြော
ကားခဲ့သည်။

“အဖျက်သဘောဆောင်တာတွေ၊ လှုံ့ဆော်တာတွေ၊ အခြားဘာသာတွေကို အမုန်းတရားနဲ့ တိုက်ခိုက်တာမျိုးတွေပါတဲ့ တရားတွေကို ခွင့်ပြုသွားမှာ မဟုတ်ပါဘူး။ ဒီအတွက် ကျွန်တော်တို့ ပြင်ဆင်နေပါတယ်”

အဆိုပါ လမ်းညွှန်းချက်များကို နိုင်ငံအတွင်း ၀တ်ပြုရာနေရာတိုင်းကို ဝေငှသွားမည်ဖြစ်ပြီး တရားဟောပြောမည့်ပုဂ္ဂိုလ်နှင့် ဟောကြားမည့် တရားများကို အဆိုပါ ၀တ်ပြုရာနေရာ၏ ဂေါပကအဖွဲ့မှ ရွေးချယ်ခွင့်ပြုရမည်ဟု ၀န်ကြီးက ထည့်သွင်းပြောဆိုခဲ့သည်။

“၀တ်ပြုရာနေရာဆိုတာ အမုန်းတရားနဲ့ ရန်လိုမှုတွေ ပြန့်နှံ့ရမယ့်နေရာ မဟုတ်ပါဘူး။ ကျွန်တော်တို့အားလုံးရဲ့ တူညီတဲ့ ဘာသာရေးတန်ဖိုးတွေကို မျှဝေမှုကနေတစ်ဆင့် ကျွန်တော်တို့ကို စည်းလုံးအောင်ပြုလုပ်ရမယ့်နေရာပါ”

Ref: coconuts jakarta