မြန်မာနှင့် တရုတ်မှ ဓာတ်အားဝယ်ယူရန် ဘင်္ဂလားဒေ့ရှ် စဉ်းစားနေ

ဧပြီ ၁၀၊ ၂၀၁၇
M-Media

– နိုင်ငံအတွင်း လိုအပ်နေသည့် လျှပ်စစ်ဓာတ်အားကို ဖြည့်တင်းရန်အတွက် ဘင်္ဂလားဒေ့ရ်ှနိုင်ငံမှာ တရုတ်နှင့် မြန်မာနိုင်ငံတို့မှ ဓာတ်အား မဂ္ဂါဝပ် ၁၀၀၀ ခန့် ၀ယ်ယူသွားရန် ရှိနေသည်ဟု သိရသည်။

လက်ရှိတွင် ဘင်္ဂလားဒေ့ရ်ှမှာ အိန္ဒိယမှ မဂ္ဂါဝပ် ၆၆၀ ၀ယ်ယူအသုံးပြုနေပြီး လျှပ်စစ်ဌာနမှ တာဝန်ရှိသူတစ်ဦးကမူ ၂၀၁၆ ခုနှစ် ဧပြီလ ၁၁ ရက်နေ့တွင် မိမိတို့မှာ စွမ်းအင်ကဏ္ဍတွင် ပူးပေါင်းဆောင်ရွက်ရန်အတွက် နားလည်မှုစာချွန်လွှာတစ်စောင်ကို မြန်မာနိုင်ငံသို့ ပေးပို့ခဲ့ကြောင်း၊ လက်ရှိတွင် နှစ်နိုင်ငံအကြား ထိုလုပ်ငန်းစဉ်အတွက် ဆက်လက် ဆောင်ရွက်နေကြောင်း ပြောကြားခဲ့သည်။

ဘင်္ဂလားဒေ့ရ်ှမှာ တရုတ်နိုင်ငံရှိ Lembro ရေအားလျှပ်စစ် စီမံကိန်းမှ မဂွါဝပ် ၄၀၀ မှ ၅၀၀ ကြားကို ၀ယ်ယူရန်လည်း စဉ်းစားနေသည်။

လျှပ်စစ်ဌာနမှ တာဝန်ရှိသူကမူ မြန်မာနှင့် တရုတ်နိုင်ငံတို့မှ ဓာတ်အားမှာ အခြားသော နိုင်ငံများနှင့်ယှဉ်လျှင် ဈေးသက်သာကြောင်း၊ မြန်မာနိုင်ငံမှ ကုမ္ပဏီတစ်ခုက ရခိုင်ပြည်နယ်ရှိ ဓာတ်အားစီမံကိန်းတစ်ခုမှ မဂ္ဂါဝပ် ၅၀၀ ကို ဘင်္ဂလားဒေ့ရ်ှသို့ ရောင်းချရန် စိတ်ဝင်စားနေကြောင်း ထည့်သွင်း ပြောဆိုခဲ့သည်။

Ref: Dhakatribune