ဆီးရီးယားဒုက္ခသည် တစ်ထောင်ကို အာဂျင်တီးနားက ပညာသင်ဆု ပေးမည်

ဧပြီ ၁၁၊ ၂၀၁၇
M-Media

– ဆီးရီးယားဒုက္ခသည်များကို လာမည့် ၅ နှစ်အတွင်း တက္ကသိုလ် ပညာသင်ဆု ၁၀၀၀ ပေးအပ်မည့် အစီအစဉ်ကို အာဂျင်တီးနားက သောကြာနေ့တွင် ထုတ်ပြန်လိုက်သည်။

အာဂျင်တီးနားမှာ ပြီးခဲ့သည့်နှစ်အတွင်း ဆီးရီးယားဒုက္ခသည် ၃၀၀၀ ကို လက်ခံရန် ကတိပြုခဲ့သော်လည်း ရာဂဏန်းသာ ရောက်ရှိခဲ့သောကြောင့် လူ့အခွင့်အရေး အဖွဲ့များ၏ ဝေဖန်မှုများ ခံခဲ့ရပြီးနောက် ယခု အစီအစဉ် ထွက်ပေါ်လာခြင်းဖြစ်သည်။

မြို့တော် ဗျူနိုအေရီးစ်တွင် သောကြာနေ့က ပြုလုပ်သည် လက်တင်အမေရိကဆိုင်ရာ ကမ္ဘာ့ စီးပွားရေး ဖိုရမ်တွင် အာဂျင်တီးနား ပညာရေးဝန်ကြီး အက်စ်တီဘန် ဘူလ်ရစ်ခ်ျက အစိုးရအနေဖြင့် လက်ရှိတွင် ဆီးရီးယားဒုက္ခသည်များနှင့် အာဂျင်တီးနားနိုင်ငံတို့ နှစ်ဦးနှစ်ဖက် အကျိုးဖြစ်ထွန်းရန်အတွက် ဒုက္ခသည် ကျောင်းသား ၁၀၀၀ ကို တံခါးဖွင့်ပေးသွားမည်ဟု ပြောကြားခဲ့သည်။

ထို့ပြင် ဒုက္ခသည်များကို အမြဲတမ်းနေထိုင်ခွင့်ပေးရန်း လမ်းကြောင်းနှင့်အတူ လူသားချင်း စာနာထောက်ထား မှုဆိုင်ရာ ဗီဇာကို မိတ်ဆက်ပေးသွားမည်ဟုလည်း ၎င်းက ဆိုသည်။

ယခု ပညာတော်သင်ဆုများမှာ အာဂျင်တီးနား အစိုးရနှင့် အမေိရကန် NGO Blue Rose Compass တို့က ပူးပေါင်း ဆောင်ရွက်ခြင်းဖြစ်ပြီး ဒုက္ခသည်များအတွက် ပညာသင်ကြားရေးနှင့် အလုပ်အကိုင်တို့အတွက်ပါ အာမခံပေးမည်ဖြစ်သည်။

၆ နှစ်နီးပါး ကြာမြင့်နေပြီဖြစ်သည့် ပြည်တွင်းစစ်ကြောင့် ဆီးရီးယားပြည်သူ ၅ သန်းခန့်မှာန် တူရကီ၊ လက်ဘနွန်၊ ဂျော်ဒန်၊ အီရန်နှင့် ဥရောပနိုင်ငံများတွင် ဒုက္ခသည်များအဖြစ် ခိုလှုံနေရသည်။

Ref: Global citizen