မြန်မာနိုင်ငံအတွက် အကျိုးအမြတ်နည်းမည့် တရုတ် ရေနံပိုက်လိုင်း စတင်လည်ပတ်

ဧပြီ ၁၁၊ ၂၀၁၇
M-Media

– ကမ္ဘာ့ ဒုတိယ ရေနံသုံးစွဲမှုအများဆုံး တရုတ်နိုင်ငံက မြန်မာနိုင်ငံကို ဖြတ်၍ သွယ်တန်းထားသည့် ရေနံစိမ်းပိုက်လိုင်းမှာ ယမန်နေ့က စတင်လည်ပတ်ခဲ့ပြီး အရှေ့အလယ်ပိုင်းနှင့် အာဖရိကမှ ရေနံများကို လျင်လျင်မြန်မြန်နှင့် တရုတ်က ရရှိနိုင်တော့မည်ဖြစ်သည်။

အဆိုပါ ပိုက်လိုင်းမှာ ၂၀၁၄ ခုနှစ်က ပြီးဆုံးခဲ့ပြီး ထိုနှစ်တွင်ပင် အသုံးပြုရန် စီစဉ်ထားခဲ့သော်လည်း နှောင့်နှေး ခဲ့ကာ ယခုမှ စတင် လည်ပတ်နိုင်ခြင်းဖြစ်သည်။ တနင်္လာနေ့တွင် ရေနံစည်ပေါင်း ၁ သန်းကို စတင် ပေးပို့ခဲ့သည်။

တစ်နှစ်တွင် ရေနံစည် ၂၂ သန်းကို ပေးပို့နိုင်မည့် ထိုလမ်းကြောင်း စမ်းသပ်လည်ပတ်မှုကို ၂၀၁၅ ခုနှစ်တွင် စတင်ပြုလုပ်ခဲ့သည်။ မြန်မာနိုင်ငံက ပိုက်လိုင်းမှ ရေနံစည် ၂ သန်း ရရှိမည်ဖြစ်သည်။

ပိုက်လိုင်းကြောင့် အရှေ့အလယ်ပိုင်းနှင့် အာဖရိကမှ တင်သွင်းသည့် ရေနံစိမ်းများကို မာလကာ ရေလက်ကြားနှင့် တောင်တရုတ်ပင်လယ်တို့ကို မဖြတ်ဘဲ တရုတ်နိုင်ငံသို့ တင်ပို့နိုင်မည်ဖြစ်ပြီး၊ သမ္မတ ရှီကျင့်ဖျင်၏ One Belt, One Road စီမံကိန်း အစိတ်အပိုင်းတစ်ခုလည်းဖြစ်သည်။

မြန်မာနိုင်ငံအနေဖြင့် ထိုပိုက်လိုင်းမှ ကနဦးရရှိမည့် အကျိုးအမြတ်မှာ အလွန်နည်းပါးသည်ဟု Wood Mackenzie ကုမ္ပဏီမှ အာရှရေးရာ အကြီတန်း ရေနံ သုတေသနပညာရှင် ဆူရက်ရှ် ဆီဝမ်ဒမ်က ပြောကြားခဲ့သည်။

မြန်မာနိုင်ငံမှာ ရေနံအနည်းငယ်၊ ပိုက်လိုင်းအတွက်အခွန်၊ ရေနံသိုလှောင်ထားမှုမှ အကျိုးအမြတ်အနည်းငယ်သာ ရရှိမည်ဖြစ်သော်လည်း တရုတ်နိုင်ငံ၏ စွမ်းအင်ဆိုင်ရာ အခြေခံအဆောက်အဦး ဆောက်လုပ်မှု အတွေ့အကြုံများကြောင့် နောက်ပိုင်းတွင် အကျိုးဖြစ်ထွန်းမည်ဟု ၎င်းက ဆိုသည်။

Ref: Bloomberg