မြောက်ကိုရီးယားအရေး ငြိမ်းချမ်းစွာဖြေရှင်းရန် ကန်ကို တရုတ် တိုက်တွန်း

ဧပြီ ၁၂၊ ၂၀၁၇
M-Media

– မြောက်ကိုရီးယားနိုင်ငံနှင့်ပတ်သက်၍ ဖြစ်ပေါ်နေသော တင်းမာမှုများကို ငြိမ်းချမ်းသောနည်းလမ်းဖြင့် ဖြေရှင်းရန်အတွက် တရုတ်သမ္မတ ဇီကျင့်ဖျင်က အမေရိကန်သမ္မတ ဒေါ်နယ်ထရမ့်ကို ဖုန်းဆက် တိုက်တွန်းခဲ့သည်ဟု သိရသည်။

ယမန်နေ့တွင် ဒေါ်နယ်ထရမ့်က အမေရိကန်အနေဖြင့် မြောက်ကိုရီးယားကို တစ်ဦးတည်း ရင်ဆိုင်သွားရန် ကြောက်ရွံ့နေမည်မဟုတ်ဟု Twitter စာမျက်နှာတွင် ရေးသားခဲ့သည်။

ပြီးခဲ့သည့်ရက်ပိုင်းအတွင်း လေယာဉ်တင်သင်္ဘောတစ်စီး အပါအ၀င် တိုက်ရေယာဉ်အုပ်စုတစ်ခုကို ကိုရီးယားကျွန်းဆွယ်အနီသို့ စေလွှတ်ခဲ့ပြီးနောက် မြောက်ကိုရီးယားကလည်း မိမိတို့မှာ အမေရိကန်ကို ကြိုတင်လက်ဦးမှု ရယူတိုက်ခိုက်သွားမည်ဟု ပြန်လည် ခြိမ်းခြောက်ခဲ့သည်။

ဇီနှင့် ထရမ့်တို့မှာ ပြီးခဲ့သည့်တစ်ပတ် ဖလော်ရီဒါ၌ တွေ့ဆုံမှုအတွင်း မြောက်ကိုရီးယားကိစ္စနှင့် ပတ်သက်၍ ဆွေးနွေးခဲ့ကြသည်။

ယနေ့မနက်က ဖုန်းပြောဆိုမှုတွင် ဇီက တရုတ်နိုင်ငံမှာ ကိုရီးယားကျွန်းဆွယ်တွင် နျူလက်နက် ကင်းစင်ရေး၊ ငြိမ်းချမ်းရေးနှင့် တည်ငြိမ်အေးချမ်းမှုရှိရေးအတွက် စိတ်နှစ်မြှုပ် ဆောင်ရွက်မည်ဖြစ်ကြောင်း၊ ပြဿနာများကို ငြိမ်းချမ်းသောနည်းလမ်းများဖြင့် ဖြေရှင်းရေး လိုလားကြောင်း ပြောကြားခဲ့သည်ဟု CCTV သတင်းဌာနက ဖော်ပြခဲ့သည်။

အိမ်ဖြူတော်ကမူ ထိုဖုန်းပြောဆိုမှုနှင့် ပတ်သက်၍ မည်သည့်ကြေငြာချက်မှ မထုတ်သေးပေ။

တရုတ်အစိုးရအာဘော်သတင်းစာ Global Times က ယနေ့တွင်ဖော်ပြထားသည့် အယ်ဒီတာ့အာဘော်တွင် မြောက်ကိုရီးယားအနေဖြင့် ငြိမ်းချမ်းရေးအတွက် အရှိန်သတ်ရန် လိုအပ်ကြောင်း၊ အမေရိကန်မှာ နျူလက်နက်ပိုင်ဆိုင်သည့် မြောက်ကိုရီးယားနှင့် အတူယှဉ်တွဲတည်ရှိရန် အစီအစဉ်မရှိကြောင်း ဖော်ပြထားသည်။

Ref: BBC