ဆီးရီးယား ထိပ်တန်းအာကာသပညာရှင် စစ်ပွဲကြောင့် ဒုက္ခသည်ဘ၀ရောက်ခဲ့ရ

ဧပြီ ၁၃၊ ၂၀၁၇
M-Media

– ဆီးရီးယားက ဒုက္ခသည်တွေထဲမှာ မိုဟာမက် ဖာရစ်ဆိုတဲ့ လူတစ်ယောက် ပါဝင်လာတယ်ဆိုတာ သိပ်တော့ အံ့သြစရာမဟုတ်ပါဘူး။ ဒါပေမယ့် အံ့သြစရာက ဖာရစ်မှာ အခြားဆီးရီးယားပြည်သူတွေနဲ့ မတူတဲ့ ၀ိသေသတွေ ရှိနေတာပါ။

ဖာရစ်ဟာ အာကာသထဲကို သွားရောက်ဖူးတဲ့ ဆီးရီးယားနိုင်ငံရဲ့ တစ်ဦးတည်းသော အာကပညာရှင်ဖြစ်ပြီး အာရပ်ကမ္ဘာရဲ့ ဒုတိယမြောက်ပုဂ္ဂိုလ် ဖြစ်ပါတယ်။ လက်ရှိ တူရကီမှာ ခိုလှုံနေရတဲ့ ဖာရစ်ဟာ အာဆတ်အစိုးရဖက်ကနေ ဘက်ပြောင်းသွားတဲ့ သူတွေထဲမှာ ကြီးကြီးမာစတာတစ်ယောက်လည်း ဖြစ်ပါတယ်။

ရုရှားစကားကို ကောင်းကောင်းပြောတတ်တဲ့ ဖာရစ်ဟာ ၁၉၈၇ ခုနှစ်မှာ ဆိုဗီယက်အဖွဲ့နဲ့အတူ ၂၀၀၁ ခုနှစ်အထိ ကမ္ဘာပတ်လမ်းကြောင်းက အကြီးဆုံး ဂြိုဟ်တုဖြစ်တဲ့ Mir အာကာသစခန်းကို သွားရောက်ခဲ့ပါတယ်။ အဲဒီမှာ သူဟာ တစ်ပတ်တာ နေထိုင်ခဲ့ပြီး စမ်းသပ်မှုတွေ၊ ဆီးရီးယားနိုင်ငံကို ဓာတ်ပုံရိုက်မှုတွေ ပြုလုပ်ခဲ့ပါတယ်။

သာမန်မိသားစုက ဆင်းသက်လာတဲ့ ဖာရစ်ဟာ လေယာဉ်မှူးဖြစ်ပြီ ၂ နှစ်အကြာမှာပဲ ဆိုဗီယက် မဟာမိတ်တွေအတွက် မော်စကိုမှာတက်ရမယ့် သင်တန်းကို တက်ရောက်ဖို့ အရွေးခံခဲ့ရပါတယ်။

အာကာသမှာ နေခဲ့ရဲ့အချိန်ဟာ ဖာရစ်ရဲ့ ဘ၀အမြင်ကို ပြောင်းလဲစေခဲ့ပါတယ်။

“အာကာသယာဉ်ရဲ့ ပြတင်းပေါက်ကနေ ကမ္ဘာကြီးကိုကြည့်ဖူးတဲ့အခါ သူတို့၊ ငါတို့ဆိုတာ မရှိသလို၊ နိုင်ငံရေးဆိုတာလည်း မရှိပါဘူး” လို့ ဖာရစ်က Gurdian သတင်းစာကို ပြောဖူးပါတယ်။

အာကာသသို့ သွားရောက်ခဲ့သည့် ဖာရစ် (လယ်) နှင့် သူ၏အဖွဲ့

သူဟာ ‘အာရပ်ကမ္ဘာရဲ့ နီးလ် အမ်းစထရောင်း’ လို့ ရည်ညွှန်းခံခဲ့ရပြီး ကမ္ဘာမြေကို ပြန်လည်ရောက်ရှိတဲ့ အခါမှာတော့ ဆီးရီးယားနိုင်ငံရဲ့ အမျိုးသား သူရဲကောင်းအဖြစ် သတ်မှတ်ခံခဲ့ရပါတယ်။ လေဆိပ်တစ်ခု၊ လမ်းတွေကိုလည်း သူ့ရဲ့ နာမည်မှည့်ကာ ဂုဏ်ပြုခဲ့ပါတယ်။

ဖာရစ်ဟာ ဆီးရီးယားလူငယ်တွေကို အာကာသ၊ နက္ခတဗေဒဆိုင်ရာနဲ့ ပတ်သက်ပြီး ပိုမိုသင်ကြားလိုတာကြောင့် နိုင်ငံအတွင်း အာကာသသိပ္ပံစင်တာ တည်ထောင်ရေး တိုက်တွန်းခဲ့ပေမယ့် အဲဒီအချိန်က သမ္မတ ဟာဖက်ဇ် အလ်-အာဆတ် (လက်ရှိ သမ္မတ ဘာရှာ အလ်-အာဆတ်၏ ဖခင်) က သူ့ရဲ့ တောင်းဆိုမှုကို လက်မခံခဲ့ပါဘူး။ ဒါ့ကြောင့် လေကြောင်းကောလိပ်မှာ တိုက်လေယာဉ်နည်းပြအဖြစ် ဖာရစ်က တာဝန်ထမ်းဆောင်ခဲ့ရပြီး ဗိုလ်ချုပ်ရာထူးကို ရရှိခဲ့ပါတယ်။

အစိုးရဆန့်ကျင်ရေး ဆန္ဒပြမှုတွေကနေ အကြမ်းဖက်မှုကို ပြောင်းသွားပြီး အစိုးရကလည်း အရပ်သားတွေကို တိုက်ခိုက်လာတဲ့အခါ ဖာရစ်ဟာ နိုင်ငံကနေ ထွက်ပြေးပြီး လက်ရှိ တူရကီနိုင်ငံက အစ္စတန်ဘူလ်မြို့မှာ နေထိုင်နေပါတယ်။

အသက် ၆၉ နှစ်အရွယ် ဖာရစ်ဟာ သူ့ရဲ့ မွေးရပ်ဇာတိ အဲလစ်ပိုကို တစ်နေ့နေ့တစ်ချိန်ချိန်မှာ ပြန်သွားမယ်လို့ စိတ်ကူးနေပါတယ်။

လက်ရှိမှာ တူရကီကို ၀င်ရောက်လာတဲ့ ဆီးရီးယားဒုက္ခသည်အရေးနဲ့ပတ်သက်ပြီး တူရကီအစိုးရကို အကြံဉာဏ်ပေးမှုတွေ လုပ်နေပြီး စပိန်က အာဆတ်ဆန့်ကျင်ရေးအဖွဲ့ ‘ဒီမိုကရေစီ ပြုပြင်ပြောင်းလဲမှုဆိုင်ရာ ဆီးရီးယား အမျိုးသား ညှိနှိုင်းရေး ကော်မတီ’ ရဲ့ အဖွဲ့ဝင်တစ်ဦးလည်းဖြစ်ပါတယ်။

Ref: Globalcitizen