အာဖဂန်တွင် ကမ္ဘာ့အကြီးဆုံး ဖျက်အားပြင်းဗုံးကို အမေရိကန် ကြဲချ

ဧပြီ ၁၄၊ ၂၀၁၇
M-Media

– နျူလီးယားမဟုတ်သည့် ဗုံးများတွင် အကြီးဆုံးဖြစ်သည့် GBU-43 ဗုံးကို အာဖဂန်နစ္စတန်အရှေ့ပိုင်းရှိ IS အကြမ်းဖက်အဖွဲ့ကို တိုက်ခိုက်ရာတွင် အသုံးပြုခဲ့သည်ဟု အမေရိကန်က ယမန်နေ့တွင် ကြေငြာလိုက်သည်။

နန်ဂါဟာပြည်နယ် အာချင်ခရိုင်တွင် ယမန်နေ့က MC-130 လေယာဉ်ဖြင့် ကြဲချခဲ့ခြင်းဖြစ်သည်ဟု ပင်တဂွန် စစ်ဌာနချုပ်မှာ ပြောရေးဆိုခွင့်ရှိသူ အဒမ် စတမ့်က ဆိုသည်။

‘ဗုံးများ၏မိခင်’ ဟု အမည်တွင်သည့် အဆိုပါ GBU-43 မှာ ၉၇၉၇ ကီလိုဂရမ် အလေးချိန်ရှိပြီး GPS အသုံးပြု ဗုံးဖြစ်ကာ ၂၀၀၃ ခုနှစ် အီရတ်နိုင်ငံအား ကျူးကျော်တိုက်ခိုက်ခြင်းမပြုခင် ရက်ပိုင်းအလို၌ စမ်းသပ်ခဲ့သည်။

အမေရိကန် ဗဟိုစစ်ဌာနချုပ် (CENTCOM) က ထုတ်ပြန်သော ကြေငြာချက်တွင် အဆိုပါ တုိုက်ခိုက်မှုမှာ ဒေသအတွင်း အာဖဂန်နှင့် အမေရိကန်တပ်ဖွဲ့များက ပြုလုပ်သော နယ်မြေရှင်းလင်းရေး စစ်ဆင်ရေးများ၌ ဘေးအန္တရာယ်ကို လျှော့ချရန်အတွက်ဖြစ်သည်ဟု ဆိုသည်။

သို့သော်လည်း TNT အဖျက်စွမ်းအားပြင်း ပစ္စည်း ၁၁ တန်နှင့် ညီမျှသည့် အဆိုပါ GBU-43 ဗုံး၏ ပေါက်ကွဲမှုမှာ ဘက်တစ်ဖက်လျှင် အချင်း ၁.၆ ကီလိုမီတာရှိနိုင်သောကြောင့် အရပ်သားများ အများအပြားသေဆုံးနိုင်ခြေ ရှိနေသည်။

အာချင်ခရိုင်၏ မိုမန် ဒါရာဒေသတွင် ကြဲချခဲ့ပြီးနောက် ပျက်ဆီးဆုံးရှုံးမှုနှင့် ထိခိုက်သေဆုံးမှု စာရင်းကို သိရှိရခြင်း မရှိသေးပေ။

Ref: Aljazeera